ខេត្តកំពង់ចាម ៖ ជនសង្ស័យចែកចាយគ្រឿងញៀនចំនួន០៤នាក់ ក្នុងនោះស្រីម្នាក់ ត្រូវបានកម្លាំងសមត្ថកិច្ចចាប់ខ្លួនជាបន្តបន្ទាប់ កាលពីថ្ងៃទី០៥-០៦ កុម្ភៈ ២០១៤ ដោយដកហូតបានថ្នាំញៀនចំនួន០៨កញ្ចប់ កាបូប០១ ទូរស័ព្ទដៃ០១គ្រឿង ម៉ូតូចំនួន០២គ្រឿង និងឧបករណ៍ប្រើប្រាស់គ្រឿងមួយចំនួនទៀត ។
ខេត្តកំពង់ចាម ៖ ជនសង្ស័យចែកចាយគ្រឿងញៀនចំនួន០៤នាក់ ក្នុងនោះស្រីម្នាក់ ត្រូវបានកម្លាំងសមត្ថកិច្ចចាប់ខ្លួនជាបន្តបន្ទាប់ កាលពីថ្ងៃទី០៥-០៦ កុម្ភៈ ២០១៤ ដោយដកហូតបានថ្នាំញៀនចំនួន០៨កញ្ចប់ កាបូប០១ ទូរស័ព្ទដៃ០១គ្រឿង ម៉ូតូចំនួន០២គ្រឿង និងឧបករណ៍ប្រើប្រាស់គ្រឿងមួយចំនួនទៀត ។
លោកវរសេនីយ៍ទោ សោម រស់ នាយការិយាល័យប្រឆាំងគ្រឿងញៀនខេត្ត បានឱ្យដឹងថា ជនសង្ស័យទាំង០៤នាក់ ទី១-ឈ្មោះ លី ម៉ៅ ភេទប្រុស អាយុ២៩ឆ្នាំ ,ទី២-ឈ្មោះចាន់ រស្មី ភេទប្រុស អាយុ២៦ឆ្នាំ មានទីលំនៅភូមិតាណេង សង្កាត់សំបួរមាស ក្រុងកំពង់ចាម ,ទី៣-ឈ្មោះ ឯក វិច្ឆិកា ហៅកា ភេទប្រុស អាយុ២៥ឆ្នាំ និងប្រពន្ធឈ្មោះ ចាន់ សេរីរ័ត្ន អាយុ២៥ឆ្នាំ នៅភូមិទី១០ សង្កាត់កំពង់ចាម ក្រុងកំពង់ចាម ។
លោកនាយការិយាល័យប្រឆាំងគ្រឿងញៀនខេត្ត បានឱ្យដឹងទៀតថា កាលពីយប់ថ្ងៃទី០៥ កុម្ភៈ មានមនុស្សចំនួន០៤នាក់ បាននាំគ្នាសេពគ្រឿងញៀន ក្នុងដីចម្ការមួយកន្លែង ស្ថិតនៅតាមផ្លូវច្រកចូល ភូមិប្រសំ ឃុំរអាង ស្រុកកំពង់សៀម ។ លុះពេលកំពុងសេពគ្រឿងញៀន ពួកគេបានបង្កជម្លោះ ធ្វើឱ្យផ្អើលដល់សមត្ថកិច្ច ដែលដើរល្បាតឃើញដេញចាប់បាន០២នាក់ភ្លាមៗ គឺឈ្មោះ ឯក វិច្ឆិកា និងប្រពន្ធឈ្មោះ ចាន់ សេរីរ័ត្ន ដកហូតបានថ្នាំញៀន០១កញ្ចប់តូច ចំណែក០២នាក់ទៀតរត់គេចបាត់ ។
រហូតមកដល់រសៀលថ្ងៃទី០៦ កុម្ភៈ ក្រោមការចង្អុលបង្ហាញពីលោកឧត្តមសេនីយ៍ បែន រ័ត្ន ស្នងការនគបាលខេត្ត កម្លាំងសមត្ថកិច្ចបានតាមចាប់បក្សពួក០២នាក់ទៀត ដោយប្រើវិធីញុះញង់ តាមរយៈស្ត្រីឈ្មោះចាន់ សេរីរ័ត្ន ណាត់ជួបទិញថ្នាំញៀនចំនួន០២កញ្ចប់ ខណៈពេលជិះម៉ូតូយកថ្នាំញៀនមកឱ្យ ក្នុងបរិវេណវត្តដីដុះ ស្ថិតនៅភូមិទី២ សង្កាត់វាលវង់ ក៏ត្រូវបានចាប់ខ្លួន២នាក់ទៀត មានឈ្មោះ លី ម់ៅ ជាអ្នកឌុប និងឈ្មោះ រស្មី ដោយឆែករកឃើញថ្នាំញៀនចំនួន០៦កញ្ចប់តូចលាក់ក្នុងកញ្ចប់បារី និងនាំទៅឆែកឆេរផ្ទះនៅភូមិតាណេង សង្កាត់សំបួរមាស ឃើញថ្នាំញៀន០១កញ្ចប់ទៀត រួចយកទៅសាកសួរនៅស្នងការដ្ឋាននគរបាលខេត្ត ៕
ចែករំលែកព័តមាននេះ