ក្នុងរបាយការណ៍មួយចេញផ្សាយកាលពីថ្ងៃទី៦ កុម្ភៈ អង្គការក្រៅរដ្ឋាភិបាលអូស្ត្រាលីមួយអះអាងថា កងទ័ពរដ្ឋាភិបាលស្រីលង្កាបានប្រព្រឹត្តបទឧក្រិដ្ឋភាគច្រើនក្នុងរយៈពេលប៉ុន្មានខែចុងក្រោយនៃសង្គ្រាមស៊ីវិល ហើយអាចបំផ្លាញចោលជាបន្តបន្ទាប់នូវភស្តុតាងទាំងឡាយនៃការសម្លា.ប់រង្គាល ។
ក្នុងរបាយការណ៍មួយចេញផ្សាយកាលពីថ្ងៃទី៦ កុម្ភៈ អង្គការក្រៅរដ្ឋាភិបាលអូស្ត្រាលីមួយអះអាងថា កងទ័ពរដ្ឋាភិបាលស្រីលង្កាបានប្រព្រឹត្តបទឧក្រិដ្ឋភាគច្រើនក្នុងរយៈពេលប៉ុន្មានខែចុងក្រោយនៃសង្គ្រាមស៊ីវិល ហើយអាចបំផ្លាញចោលជាបន្តបន្ទាប់នូវភស្តុតាងទាំងឡាយនៃការសម្លាប់រង្គាល ។
ប្រទេសស្រីលង្កាជាទីលាននៃជម្លោះបង្ហូរឈាមរយៈពេលយ៉ាងយូរដល់ទៅ២៦ឆ្នាំ រវាងកងទ័ពរដ្ឋាភិបាល និងពួកបំបែកខ្លួននិយមខ្លាតាមិល ។ មនុស្សជាង១០០.០០០នាក់បានត្រូវស្លាប់រវាងឆ្នាំ១៩៨៣ ទៅ២០០៩ ហើយមនុស្សជាច្រើនពាន់នាក់ ពិសេសពួកតាមិលនៅតែបាត់ខ្លួន ។ ជម្លោះនោះបានបញ្ចប់ក្នុងថ្លុកឈាម ។ យោងតាមអ.ស.ប ថា ជនស៊ីវិលតាមិលដល់ទៅ៤០.០០០នាក់បានត្រូវស្លាប់ក្នុងបុ៉ន្មានខែចុងក្រោយនៃជម្លោះដែលចប់ក្នុងខែឧសភា ឆ្នាំ២០០៩ ក្រោយពីការកម្ទេចកងកម្លាំងបំបែកខ្លួននិយមនៃក្រុមខ្លាតាមិល និងការសម្លាប់េមដឹកនាំពួកគេ លោកវើុលូពីលឡៃ ប្រាបាការ៉ាន ។ តួលេខនេះត្រូវបានបដិសេធដោយក្រុងកូឡុំបូ ។
អង្គការ PUBLIC INTEREST ADVOCACY CENTRE (PIAC) ជាអង្គការឯករាជ្យការពារលទ្ធិប្រជាធិបតេយ្យមួយក្នុងរបាយការណ៍របស់ខ្លួនសរសេរថា ទោះបីអំពើហិង្សាត្រូវបានប្រព្រឹត្តទាំងសងខាង តែភស្តុតាងទាំងឡាយបង្ហាញថា បណ្តាសមាជិកកងកម្លាំងសន្តិសុខស្រីលង្កាបានប្រព្រឹត្តឧក្រិដ្ឋកម្មភាគច្រើនបំផុតក្នុងដំណាក់កាលនៃការសិក្សា ។ របាយការណ៍របស់ PIAC ផ្អែកលើពាក្យរៀបរាប់ ឬដំណាលរបស់សាក្សីទាំងឡាយអំពីការបាញ់កាំភ្លើងធំប្រឆាំងបណ្តាមន្ទីរពេទ្យ ការចាប់រំលោភ ការធ្វើទារុណកម្ម និងការពិឃាតពួកយុទ្ធជនខ្លាតាមិលដែលបានចុះចូលសារភាពនឹងកងទ័ពរៀបរយ ។ របាយការណ៍ដកស្រង់ការរៀបរាប់របស់ជនតាមិលម្នាក់ដែលអះអាងថា រណ្តៅកប់សពរួមជាច្រើនសិបកន្លែងដែលកប់សាកសពជនស៊ីវិលត្រូវបានគេបំផ្លាញចោលជាបន្តបន្ទាប់ក្រោយបញ្ចប់ជម្លោះ។
របាយការណ៍នោះមានចំណងជើងថា «កោះនៃនិទណ្ឌភាព» បន្តថា ប្រសិនបើភស្តុតាងទាំងនេះបង្ហាញនៅមុខតុលាការនោះនឹងនាំទៅដល់ការកាត់ទោសបណ្តាអ្នកទទួលខុសត្រូវជាន់ខ្ពស់ខាងយោធា និងនយោបាយស្រីលង្កា ។
ការចេញផ្សាយរបាយការណ៍នេះធ្វើឡើងពេលក្រុមប្រឹក្សាសិទ្ធិមនុស្សអ.ស.ប តាមការផ្តួចផ្តើមគំនិតរបស់សហរដ្ឋអាមេរិកពិនិត្យគម្រោងដំណោះស្រាយមួយដែលអំពាវនាវដល់រដ្ឋាភិបាលស្រីលង្កា ឱ្យធ្វើការបំភ្លឺលើការវាយលុកចុងក្រោយកាលពីឆ្នាំ២០០៩ ។
អ្នកនាំពាក្យកងទ័ពស្រីលង្កា លោករូវ៉ានវ៉ានី ហ្គាសូអូវីយ៉ា ចាត់ទុករបាយការណ៍នេះថាគ្មានមូលដ្ឋាន ។ លោកក៏មិនជឿដែរពីការពិតចំពោះការរៀបរាប់របស់សាក្សីទាំងឡាយដែលថា ពួកយោធាលុបបំបាត់វត្ថុតាងទាំងឡាយនៃអំពើឧក្រិដ្ឋរបស់ខ្លួន ។
លោកនិយាយថា តើលោកអ្នកជឿដែរ ដែលយើងអាចគាស់យកឆ្អឹងមនុស្សទាំងឡាយក្នុងបណ្តាភូមិដែលពេលនេះប្រជាជនរស់នៅពេញ ហើយបំផ្លាញចោលភស្តុតាងនោះបែបម៉េច ?អង្គការសិទ្ធិមនុស្ស AMNESTY INTERNATIONALE ទាមទារឱ្យមានការសើុបអង្កេតអន្តរជាតិមួយលើរឿងនេះ ដែលរដ្ឋាភិបាលបានបដិសេធ ៕
ចែករំលែកព័តមាននេះ