រាជធានីភ្នំពេញ ៖ សាលាដំបូងរាជធានីភ្នំពេញ កាលពីល្ងាចថ្ងៃទី៥ កុម្ភៈ ២០១៤ បានសម្រេចឃុំខ្លួនបុរសម្នាក់ជាឈ្មួញរកស៊ីឈើដាក់ពន្ធនាគារបណ្តោះអាសន្ន ក្រោមការចោទប្រកាន់ពីបទឆបោកប្រាក់ចំនួន៤៣២.០០០ដុល្លារអាមេរិកពីអ្នកជួញឈើដូចគ្នា។
រាជធានីភ្នំពេញ ៖ សាលាដំបូងរាជធានីភ្នំពេញ កាលពីល្ងាចថ្ងៃទី៥ កុម្ភៈ ២០១៤ បានសម្រេចឃុំខ្លួនបុរសម្នាក់ជាឈ្មួញរកស៊ីឈើដាក់ពន្ធនាគារបណ្តោះអាសន្ន ក្រោមការចោទប្រកាន់ពីបទឆបោកប្រាក់ចំនួន៤៣២.០០០ដុល្លារអាមេរិកពីអ្នកជួញឈើដូចគ្នា។
ជនត្រូវចោទឈ្មោះជួន ទិវា ភេទប្រុស អាយុ៤៤ឆ្នាំ ស្នាក់នៅផ្ទះលេខ៨៨៤ ផ្លូវលេខ២៥ សង្កាត់ច្រាំងចំរេះ២ ខណ្ឌប្ញស្សីកែវ។
ជនជាប់សង្ស័យត្រូវនគរបាលការិយាល័យព្រហ្មទណ្ឌរាជធានីភ្នំពេញឃាត់ខ្លួនកាលពីថ្ងៃទី២ កុម្ភៈ តាមចំណារអនុញ្ញាតឱ្យបើកការស៊ើបអង្កេតបឋមលេខ៥៧០អយឆ ចុះថ្ងៃទី២៦ វិច្ឆិកា ២០១៣ របស់លោកមាស ច័ន្ទពិសិដ្ឋ ព្រះរាជអាជ្ញារងអមសាលាដំបូងរាជធានីភ្នំពេញ និងយោងតាមបណ្តឹងរបស់ឈ្មោះកែ សុខលាង ភេទស្រី អាយុ៣៨ឆ្នាំ ស្នាក់នៅផ្ទះលេខ១២Eo ផ្លូវលេខ១៦៦ សង្កាត់អូប្ញស្សី១ ខណ្ឌ៧មករា។
តាមពាក្យបណ្តឹងរបស់ឈ្មោះកែ សុខលាង បានបញ្ជាក់ថា កាលពីថ្ងៃទី២១ ឧសភា ២០១៣ ឈ្មោះជួន ទិវា ជាមនុស្សស្គាល់គ្នាបានទូរស័ព្ទទៅបញ្ចុះបញ្ចូលឱ្យទិញឈើពីក្រុមរបស់ខ្លួនដែលមានឈ្មោះប៊ុន ចាន់នី និងប្រពន្ធឈ្មោះឃុន ស្រីពៅ ចំនួន៩០០ម៉ែត្រគូប ក្នុងនោះមានឈើគ្រញូង ធ្នង់ និងនាងនួន។ ក្រោយពីបានឃើញឈើក៏ធ្វើកិច្ចសន្យាទិញឈើគ្រញូងចំនួន២០០ម៉ែត្រគូប និងបានប្រគល់ប្រាក់ទៅតាមដំណាក់កាល និងតាមមូលប្បទានបត្រជាបន្តបន្ទាប់ សរុបទៅជាង៤៣ម៉ឺនដុល្លារអាមេរិក។
ក្រោយពីធ្វើកិច្ចសន្យាឈើក៏អត់ លុយក៏អស់ មនុស្សក៏បាត់ទាក់ទងមិនបានទើបដើមបណ្តឹងទៅដាក់ពាក្យប្តឹងឈ្មោះជួន ទិវា ទៅសមត្ថកិច្ចឱ្យចាត់ការរឿងនេះ។ តាមប្រភពព័ត៌មាននៅសមត្ថកិច្ចក៏ដូចនៅសាលាដំបូងរាជធានីភ្នំពេញ ជនសង្ស័យបានសារភាពថា ការចោទប្រកាន់ខាងលើនេះតាមពិតខ្លួនគ្រាន់តែជាសាក្សីដឹងឮឈ្មោះកែ សុខលាង និងជនជាតិចិនម្នាក់បានទាក់ទងគ្នាជាមួយឈ្មោះប៊ុន ចាន់នី រឿងរត់ការច្បាប់ទិញឈើគ្រញូងទាំងអស់នោះ រឿងអ្វីទៀតខ្លួនអត់ដឹង៕
ចែករំលែកព័តមាននេះ