ខេត្តបន្ទាយមានជ័យ ៖ ភាគីថៃបានបប្រួមពេលវេលានៃការបើកច្រកព្រំដែនខ្លងលឹក ច្រកទ្វារអន្តរជាតិប៉ោយប៉ែត សម្រាប់ពលរដ្ឋវិលចូលប្រទេស១សប្តាហ៍២ថ្ងៃ ក្នុង១ថ្ងៃត្រឹមតែ៣ម៉ោង ដែលឈមកម្ពុជាក្រុងប៉ោយប៉េត ។ លោក វ៉ាន់…
ខេត្តបន្ទាយមានជ័យ ៖ ភាគីថៃបានបប្រួមពេលវេលានៃការបើកច្រកព្រំដែនខ្លងលឹក ច្រកទ្វារអន្តរជាតិប៉ោយប៉ែត សម្រាប់ពលរដ្ឋវិលចូលប្រទេស១សប្តាហ៍២ថ្ងៃ ក្នុង១ថ្ងៃត្រឹមតែ៣ម៉ោង ដែលឈមកម្ពុជាក្រុងប៉ោយប៉េត ។
លោក វ៉ាន់ ដារ៉ាន់ ប្រធានស្នាក់ការត្រួតពិនិត្យច្រកទ្វារព្រំដែនអន្តរជាតិប៉ោយប៉ែតបានប្រាប់ថា
នគរបាលអន្តោប្រវេសន៍ថៃច្រកទ្វារខ្លងលឹក ប្រទេសថៃ បានជូនដំណឹងដល់កម្ពុជាដែលអនុវត្តចាប់ពីថ្ងៃទី៣១ ខែសីហា ឆ្នាំ២០២៥ តទៅ ក្នុង១សប្តាហ៍បើកច្រកទ្វារព្រំដែនខ្លងលឹក២ថ្ងៃរៀងរាល់ថ្ងៃពុធ និងថ្ងៃអាទិត្យ ចាប់ពីម៉ោង១រសៀលដល់ម៉ោង៤រសៀល សម្រាប់តែពលរដ្ឋវិលចូលប្រទេស ។
លោកបានបញ្ជាក់ថា រយៈពេលកន្លងមក ភាគីថៃបានបិទបើកច្រកទ្វារព្រំដែនខ្លងលឹកឈមច្រកទ្វារអន្តរជាតិប៉ោយប៉ែត ដោយឯកតោភាគី បើនិយាយបិទបើកតាមតែអំពើចិត្ត ក្រោយស្ថានភាពតាមបន្ទាត់ព្រំដែនកម្ពុជា-ថៃ បានកើតឡើងមានការផ្ទុះអាវុធនៅខេត្តរមានជ័យ និងខេត្តព្រះវិហារកាលពីពេលកន្លង ។
លោក វ៉ាន់ ដារ៉ាន់ បានបញ្ជាក់ទៀតថា ពលរដ្ឋកម្ពុជានិងថៃនៅតែបន្តវិលចូលប្រទេសរៀងរាល់ថ្ងៃ។ ជាក់ស្តែងនៅថ្ងៃទី២៩ ខែសីហា ឆ្នាំ២០២៥ មានពលរដ្ឋថៃបានចាកចេញពីកម្ពុជាចូលទៅថៃមានចំនួន១៩៥នាក់ (ស្រី១០៧នាក់) និងពលរដ្ឋកម្ពុជាចេញពីថៃចូលមកកម្ពុជាមានចំនួន៥២នាក់(ស្រី២៥នាក់) ដែលក្រុមការងាររងចាំទទួលនៅច្រកទ្វារអន្តរជាតិប៉ោយប៉ែត ។
ចែករំលែកព័តមាននេះ