សារព័ត៌មានបរទេសផ្សាយដោយយោងតាមប្រភពក្រសួងមហាផ្ទៃអារ៉ាប៊ីសាអូឌីតថា កាលពីថ្ងៃទី៥ កុម្ភៈ ឆ្នាំ២០១៤ អារ៉ាប៊ីសាអូឌីតបានកាត់ទោសប្រហារជីវិត ដោយកាត់ក្បាលជនជាតិប៉ាគីស្ថានម្នាក់ ពីបទលួចនាំចូលគ្រឿងញៀន និងជនជាតិអារ៉ាប៊ីសាអូឌីតម្នាក់ទៀត ពីបទសម្លា.ប់មិត្តភក្តិ ។
សារព័ត៌មានបរទេសផ្សាយដោយយោងតាមប្រភពក្រសួងមហាផ្ទៃអារ៉ាប៊ីសាអូឌីតថា កាលពីថ្ងៃទី៥ កុម្ភៈ ឆ្នាំ២០១៤ អារ៉ាប៊ីសាអូឌីតបានកាត់ទោសប្រហារជីវិត ដោយកាត់ក្បាលជនជាតិប៉ាគីស្ថានម្នាក់ ពីបទលួចនាំចូលគ្រឿងញៀន និងជនជាតិអារ៉ាប៊ីសាអូឌីតម្នាក់ទៀត ពីបទសម្លាប់មិត្តភក្តិ ។
នៅដើមឆ្នាំនេះ អារ៉ាប៊ីសាអូឌីត បានប្រហារជីវិតអ្នកទោសចំនួន៩នាក់រួចមកហើយ។ លោក ម៉ូហាម៉េដ អាសារ៉ាហ្វរ៉ាម៉ាដុន ជនជាតិប៉ាគីស្ថានត្រូវចាប់ខ្លួន ខណៈពេលលួចនាំយកគ្រឿងញៀនចូលអារ៉ាប៊ីសាអូឌីត ដោយលេបលាក់ទុកក្នុងពោះ ។ ជននេះត្រូវប្រហារជីវិតនៅតំបន់មួយនា ភាគខាងលិច ឆៀងខាងត្បូងប្រទេស ។
អារ៉ាប៊ីសាអូឌីត បានប្រហារជីវិតដោយកាត់ក្បាលអ្នកទោសចំនួន៧៨នាក់ នៅក្នុងឆ្នាំ២០១៣ ។ អគ្គលេខាធិការផ្នែកសិទ្ធិមនុស្សរបស់អង្គការសហប្រជាជាតិឱ្យដឹងថា ការប្រហារជីវិតអ្នកទោសនៅអារ៉ាប៊ីសាអូឌីត បានកើនទ្បើងយ៉ាងឆាប់រហ័សតាំងពីឆ្នាំ២០០១កន្លងមក ។
ចំណែកតួលេខរបស់អង្គការលើកលែងទោសអន្តរជាតិបញ្ជាក់ថា ចំនួនអ្នកទោសត្រូវប្រហារជីវិតនៅអារ៉ាប៊ីសាអូឌីត កើនទ្បើងពី២៧នាក់ ក្នុងឆ្នាំ២០១០ ដោយក្នុងចំនួននេះ មានជនបរទេសចំនួន៥នាក់ និងក្នុងឆ្នាំ២០១១ មានចំនួន៨២នាក់ ក្នុងនោះមានជនបរទេសចំនួន២៨នាក់ ប៉ុន្តែនៅឆ្នាំ២០១២ ចំនួនអ្នកទោសប្រហារជីវិតមានការថយចុះតិចតួច ស្ថិតនៅត្រឹម៧៩នាក់ ក្នុងនោះជនបរទេស២៧នាក់ ។ ចំពោះរឿងក្តីចាប់រំលោភ ធ្វើឃាត ប្លន់ និងជួញគ្រឿងញៀន គឺជាទោសកម្រិតខ្ពស់ដល់ថ្នាក់ប្រហារជីវិត នៅក្នុងច្បាប់អ៊ិស្លាមដ៏តឹងរ៉ឹង ៕
ចែករំលែកព័តមាននេះ