កីឡាករប្រដាល់ស្កុតឡែនរីកគី បឺន នឹងឡើងសង្វៀនប្រកួតការពារខ្សែក្រវាត់ស្ថាប័ន WBO ទម្ងន់ស្រាលរបស់ខ្លួនប្រឆាំងនឹងកីឡាករអាមេរិក Terence Crawford នៅថ្ងៃទី១ ខែមីនា ឆ្នាំ២០១៤ ខាងមុខ ។ ការប្រកួតនេះគ្រោងនឹងរៀបចំនៅសង្វៀន SECC Arena ស្ថិតក្នុងទីក្រុង Glasgow ប្រទេសស្កុតឡែន ។
កីឡាករប្រដាល់ស្កុតឡែនរីកគី បឺន នឹងឡើងសង្វៀនប្រកួតការពារខ្សែក្រវាត់ស្ថាប័ន WBO ទម្ងន់ស្រាលរបស់ខ្លួនប្រឆាំងនឹងកីឡាករអាមេរិក Terence Crawford នៅថ្ងៃទី១ ខែមីនា ឆ្នាំ២០១៤ ខាងមុខ ។ ការប្រកួតនេះគ្រោងនឹងរៀបចំនៅសង្វៀន SECC Arena ស្ថិតក្នុងទីក្រុង Glasgow ប្រទេសស្កុតឡែន ។
វាជាការប្រកួតលើកទី១ សម្រាប់រីកគី បឺនចាប់តាំងពីការប្រកួតស្មើគ្នាជាមួួយកីឡាកររ៉ាយម៉ុនដូ បេលត្រាន ខែកញ្ញា ដែលកាលនោះ បឺន បានរងរបួសបាក់ឆ្អឹងថ្គាម ។ កីឡាករវ័យ៣០ឆ្នាំរូបនេះបានថ្លែងថា ៖ «គ្រប់គ្នាបានសរសេរមកកាន់ខ្ញុំពីការជួបជាមួយកីឡាករ Crawford ប៉ុន្តែសកម្មភាពនេះមិនបានរំខានខ្ញុំទេ»។
នេះជាលើកទី៥ ហើយដែល រីកគី បឺន ឡើងប្រកួតការពារខ្សែក្រវាត់របស់ខ្លួន បន្ទាប់ពីយកឈ្នះកាលឆ្នាំ២០១១ ។ ទោះជាយ៉ាងណា ការប្រកួតការពារលើកចុងក្រោយបានជួបនឹងការលំបាកជាខ្លាំងដោយរូបគេបានរងរបួសបាក់ឆ្អឹងថ្គាម និងត្រូវវះកាត់បញ្ឈប់រាល់សកម្មភាពហ្វឹកហាត់ និងប្រកួតនានា ។ រំលឹកពីការប្រកួតនាពេលនោះ បឺន បានបញ្ជាក់ថា ៖ «ខ្ញុំមានចំណុចមិនល្អចំនួន២ ដែលត្រូវតែកែប្រែ និងផ្លាស់ប្តូរជាបន្ទាន់ ។ ប្រកួតនៅថ្ងៃទី១ ខែមីនា ខាងមុខ ខ្ញុំចាំបាច់ត្រូវតែធ្វើអ្វីមួយខុសពីលើកមុន»។
នៅក្នុងការប្រកួតចំនួន៣៩លើក បឺនឈ្នះ៣៦ ចាញ់២ ស្មើ១ ក្នុងនោះផ្តួលដៃគូឱ្យសន្លប់បាន១១លើក ។ ចំណែក Crawford វ័យ២៦ឆ្នាំនៅក្នុងការប្រកួតសរុបចំនួន២២លើក មិនដែលចាញ់ម្តងណាឡើយ ដោយក្នុងនោះមាន១៦លើកដែលគេឈ្នះដោយវាយដៃគូឱ្យសន្លប់ ។ វាជាលើកទី១ហើយដែលរូបគេចេញប្រកួតក្រៅសហរដ្ឋអាមេរិក ។ ប៉ុន្តែគេបានប្តេជ្ញាថា នឹងដណ្តើមយកខ្សែក្រវាត់ពីរីកគី បឺន ឱ្យខាងតែបាន ។ កីឡាកររូបនេះបាននិយាយថា ៖«ខ្ញុំសង្ឃឹមថា រីកគីបឺន នឹងចុះនរក ។ ខ្ញុំនឹងប្រកួតឱ្យអស់ពីសមត្ថភាព ។ ជាមួយនឹងការប្តេជ្ញាចិត្តខ្ពស់គួបផ្សំនឹងជំនាញកណ្តាប់ដៃ សង្ឃឹមថា ខ្ញុំនឹងឈ្នះខ្សែក្រវាត់ពិភពលោកលើកនេះ»៕
ចែករំលែកព័តមាននេះ