តុលាការក្រុងឡុងដ៍មួយ កាលពីថ្ងៃទី៥ កុម្ភៈបានកាត់ទោសបុរសម្នាក់ជាឪពុកបែកពីកូនស្រី២នាក់ដាក់គុក៦ខែ ព្រោះតែរូបគេ ហេតុតែចង់ទាក់ទាញការចាប់អារម្មណ៍ចំពោះវាសនារបស់ខ្លួន បានយកថ្នាំលាបទៅប៉ាតលើព្រះឆាយាលក្ខណ៍មួយរបស់ព្រះមហាក្សត្រីយានី អេលីហ្សាបែតទី២ ដែលដាក់នៅព្រះវិហារគ្រឹស្ដ WESTMINSTER ។
តុលាការក្រុងឡុងដ៍មួយ កាលពីថ្ងៃទី៥ កុម្ភៈបានកាត់ទោសបុរសម្នាក់ជាឪពុកបែកពីកូនស្រី២នាក់ដាក់គុក៦ខែ ព្រោះតែរូបគេ ហេតុតែចង់ទាក់ទាញការចាប់អារម្មណ៍ចំពោះវាសនារបស់ខ្លួន បានយកថ្នាំលាបទៅប៉ាតលើព្រះឆាយាលក្ខណ៍មួយរបស់ព្រះមហាក្សត្រីយានី អេលីហ្សាបែតទី២ ដែលដាក់នៅព្រះវិហារគ្រឹស្ដ WESTMINSTER ។
លោក TIM HARIES ជាជាងអគ្គិសនី អាយុ ៤២ឆ្នាំ បានយកថ្នាំលាបមកគូសជាពាក្យថា «HELP» (ជួយ)លើព្រះឆាយាលក្ខណ៍មួយរបស់ព្រះមហាក្សត្រីយានី អេលីហ្សាបែតទី២ កាលពីខែ មិថុនា កន្លងមកនេះ ។ ប្រធានតុលាការ SOUTHWARK លោក ALISTAIR MCCREATH គូសបញ្ជាក់ថា ទោសនេះដោយគិតដល់ក្ដីអស់សង្ឃឹមរបស់បុរសជាឪពុកនោះ ។ បុរសនេះពន្យល់ថា ខ្លួនធ្វើព្រោះតែចង់បង្ហាញគ្រោះមហន្ដរាយសង្គមទាក់ទិនដល់កុមារជាច្រើនលាននាក់ ដែលព្រាត់ឪពុកដោយសារតុលាការអង់គ្លេស ក្រោយការលែងលះគ្នារវាងប្ដីនិងប្រពន្ធ ។
ទោះបីជាយ៉ាងណា ចៅក្រមសង្កត់ធ្ងន់លើភាពចាំបាច់ដែលថាទោសនេះជាគំរូកុំឱ្យមនុស្សដទៃទៀតយកតម្រាប់តាម ព្រោះកាយវិការរបស់គេត្រូវបានមនុស្សជាច្រើនចាត់ទុកថា មិនអាចទទួលយកបាន ប្រឆាំងអ្នកដែលជាតំណាងអធិបតេយ្យរបស់ប្រទេស ។ បុរសនេះប្រកាសថា ទោសឧក្រិដ្ឋរបស់គេគឺជាការតស៊ូដើម្បីចង់ជួបជាមួយកូនស្រីទាំង២ដែលគេស្រឡាញ់បំផុតប៉ុណ្ណោះ ។ ក្រោយការប្រកាសទោសលោក TIM HARIES ចាប់ផ្ដើមធ្វើកូដកម្មអត់អាហារ ៕
ចែករំលែកព័តមាននេះ