ប៉ូលិស និងអាជ្ញាធររាយការណ៍ថា សរុបមនុស្សដល់ទៅ៤៨នាក់ ស្លា.ប់ ហើយ១១៩នាក់ត្រូវរបួសក្នុងការវាយប្រហារយា៉ងសាហា.វនានានៅអីុរា៉ក់ កាលពីថ្ងៃទី៥ កុម្ភៈ ពិសេសនៅរដ្ឋធានីបាដាដ ។ការផ្ទុះមួយចំនួនកើតមាននៅក្រុងបាដាដ នាថ្ងៃទី៥ កុម្ភៈ នោះ សម្លា.ប់មនុស្សយា៉ងតិច៣៧នាក់ ហើយមនុស្ស៩១នាក់ទៀតត្រូវរបួស ។ នាពេលព្រឹករថយន្តផ្ទុកគ្រឿងផ្ទុះបានផ្ទុះនៅឯកន្លែងចត
ប៉ូលិស និងអាជ្ញាធររាយការណ៍ថា សរុបមនុស្សដល់ទៅ៤៨នាក់ ស្លាប់ ហើយ១១៩នាក់ត្រូវរបួសក្នុងការវាយប្រហារយា៉ងសាហាវនានានៅអីុរា៉ក់ កាលពីថ្ងៃទី៥ កុម្ភៈ ពិសេសនៅរដ្ឋធានីបាដាដ ។ការផ្ទុះមួយចំនួនកើតមាននៅក្រុងបាដាដ នាថ្ងៃទី៥ កុម្ភៈ នោះ សម្លាប់មនុស្សយា៉ងតិច៣៧នាក់ ហើយមនុស្ស៩១នាក់ទៀតត្រូវរបួស ។ នាពេលព្រឹករថយន្តផ្ទុកគ្រឿងផ្ទុះបានផ្ទុះនៅឯកន្លែងចតរថយន្តមួយកន្លែង ស្ថិតនៅខាងក្រៅក្រសួងការបរទេសអីុរា៉ក់ ស្ថិតនៅកណ្តាលក្រុង។
សេចក្តីប្រកាសមួយរបស់ក្រសួងការបរទេសគូសបញ្ជាក់ថា កងឆ្មាំការពារបានកម្ទេចការប៉ុនប៉ងវាយប្រហារមួយនាវេលាម៉ោង៩ព្រឹក ម៉ោងក្នុងស្រុក ដែលនោះជាការវាយប្រហាររបស់ជនអត្តឃាតជិះម៉ូតូម្នាក់ ដែលបង្ខំចិត្តធ្វើឱ្យគ្រាប់បែកដាក់ជាប់ខ្លួនគេផ្ទុះមុនពេលទៅដល់ចំណុចត្រួតពិនិត្យខាងក្រៅក្រសួង ។
សេចក្តីប្រកាសនោះបន្តថា និយោជិតក្រសួងនិងឆ្មាំការពារ១១នាក់បានត្រូវស្លាប់ ហើយ១០នាក់ទៀតរងរបួសក្នុងការផ្ទុះនោះ ។ មុនរាត្រីកាលចូលមកដល់បន្តិច រថយន្តផ្ទុកគ្រឿងផ្ទុះបានផ្ទុះក្នុងសង្កាត់ JISR AL-DIYALA ភាគអាគ្នេយ៍ក្រុងបាដាដសម្លាប់មនុស្ស១០នាក់ និងធ្វើឱ្យរបួស២៤នាក់ទៀត ។ជនអត្តឃាត៣នាក់បានវាយប្រហារទីស្នាក់ការប៉ូលិស នៅទីក្រុង ម៉ូសសូ៊លចម្ងាយ៤០០គីឡូម៉ែត្រ ខាងជើងក្រុងបាដាដ សម្លាប់ប៉ូលិសម្នាក់ និងធ្វើឱ្យរបួស៧នាក់ទៀត ។
ប្រទេសអីុរា៉ក់ប្រឈមមុខនឹងអំពើហិង្សាយា៉ងអាក្រក់បំផុត ចាប់តាំងពីច្រើនឆ្នាំមក ហើយ ។ យោងតាមបេសកកម្មជំនួយ អ.ស.ប នៅអីុរា៉ក់ថា សរុបប្រជាជនអីុរា៉ក់ដល់ទៅ៨.៨៦៨នាក់ ក្នុងនោះមានជនសីុវិល និងភ្នាក់ងារប៉ូលិស៧.៨១៨នាក់ស្លាប់ក្នុងឆ្នាំ២០១៣ ដែលនោះជាតុល្យការប្រចាំឆ្នាំខ្ពស់បំផុត ពុំធ្លាប់មានរយៈពេលប៉ុន្មានឆ្នាំចុងក្រោយនេះ ៕
ចែករំលែកព័តមាននេះ