AFP ផ្សាយថារថភ្លើងប្រើចរន្តអគ្គិសនីខ្សែដំបូងក្នុងក្រុងមុមបៃ បានដំណើរការជាផ្លូវការកាលពីថ្ងៃទី២ កុម្ភៈ ២០១៤ ដោយរំពឹងថាប្រព័ន្ធដឹកជញ្ជូនថ្មីនេះ នឹងជួយកាត់បន្ថយការកកស្ទះចរាចរណ៍នៅលើដងផ្លូវ នៅកណ្តាលទីក្រុង ។ រថភ្លើងប្រើចរន្តនោះដំណើរការលាតសន្ធឹងនៅលើដងផ្លូវចម្ងាយសរុប៨,៨គីឡូម៉ែត្រ និងមានគម្រោងពង្រីកបន្តឱ្យបាន២០គីឡូម៉ែត្រឆ្ពោះទៅភាគខាងត្បូងនៃទីក្រុ
AFP ផ្សាយថារថភ្លើងប្រើចរន្តអគ្គិសនីខ្សែដំបូងក្នុងក្រុងមុមបៃ បានដំណើរការជាផ្លូវការកាលពីថ្ងៃទី២ កុម្ភៈ ២០១៤ ដោយរំពឹងថាប្រព័ន្ធដឹកជញ្ជូនថ្មីនេះ នឹងជួយកាត់បន្ថយការកកស្ទះចរាចរណ៍នៅលើដងផ្លូវ នៅកណ្តាលទីក្រុង ។ រថភ្លើងប្រើចរន្តនោះដំណើរការលាតសន្ធឹងនៅលើដងផ្លូវចម្ងាយសរុប៨,៨គីឡូម៉ែត្រ និងមានគម្រោងពង្រីកបន្តឱ្យបាន២០គីឡូម៉ែត្រឆ្ពោះទៅភាគខាងត្បូងនៃទីក្រុងក្នុងឆ្នាំ២០១៥ ។
ក្រុងមុមបៃមានឈ្មោះថា ជាទីក្រុងមានការកកស្ទះចរាចរណ៍ខ្លាំង ។ ប្រព័ន្ធរថភ្លើងក្នុងស្រុកត្រូវទទួលអ្នកដំណើរជាច្រើនលាននាក់ក្នុងមួយថ្ងៃ និងនៅក្នុងមួយឆ្នាំមានអ្នកស្លាប់បាត់បង់ជីវិតដោយឧប្បត្តិហេតុតាមរថភ្លើង ជាច្រើនពាន់នាក់ ដោយភាគច្រើនកើតឡើងដោយការរត់កាត់ផ្លូវរថភ្លើងត្រង់ចំណុចដែលគ្មានការអនុញ្ញាត ។
អាជ្ញាធរសង្ឃឹមថា រថភ្លើងប្រើចរន្ត ម៉ូណូរ៉េល នេះនឹងជួយកាត់បន្ថយការកកស្ទះ ចរាចរណ៍នៅភាគខាងកើតនៃទីក្រុង និងអាចតភ្ជាប់ទៅនឹងរថភ្លើងដទៃទៀតបាន ។
តាមទិន្នន័យពីនាយកដ្ឋានរថភ្លើងក្នុងទីក្រុងមុមបៃបញ្ជាក់ថា រថភ្លើងម៉ូណូរ៉េល អាចទទួលអ្នកដំណើរបានប្រហែលពី១០០.០០០ទៅ២០០.០០០នាក់ ក្នុងថ្ងៃ ។ ទោះជាយ៉ាងណាក៏ដោយអ្នកវិភាគភាគច្រើននៅមិនទាន់មានជំនឿថា រថភ្លើងម៉ូណូរេ៉ល នឹងជួយកាត់បន្ថយបញ្ហាស្ទះចរាចរណ៍នៅក្នុងទីក្រុងបានទេ ព្រោះទីក្រុងមុមបៃ មានប្រជាជនច្រើនបំផុតនៅឥណ្ឌា ៕
ចែករំលែកព័តមាននេះ