យោង​​តាម​គេ​ហ​ទំព័រ​​បរទេសចេញ​ផ្សាយ​​កាល​ពី​ពេល​​ ថ្មី​ៗ​នេះ​ ឱ្យ​ដឹង​ថា​ ក្រុម​ហ៊ុន​សាំ​សុង​ ​បាន​​ណែ​នាំ​ពី​ការ​រចនា​ស្បែក​ស្រោប​​ពី​ក្រៅ​​ចំពោះ​​ផលិត​ផល​​ Galaxy S4 និង​ Galaxy S4 Mini ​​ដែល​មើល​​ទៅ​ដូច​​ Galaxy Note 3 ។ ​ការ​រចនា​ម៉ូដ​ថ្មី​​​​ ធ្វើ​ឱ្យ​​​ផលិត​ផល​​ទាំង​២​​​ មើល​​ទៅ​​កាន​់​តែ​ស្រស់​​ស្អាត​​ជា​មុន​ ។

លក្ខណៈ​ពិសេស​របស់​ Galaxy S4 គឺ​ទំហំ​អេ​ក្រង់​​ ៥អីុញ​​កម្រិត​ភ្លឺ​ច្បាស់​ Full HD AMOLED ប្រភេទ​ Processor Snapdragon 600 ប្រើ​ប្រាស់​​ក្នុង​ល្បឿន​ ១.៩​GHz ​ទំហំ​ RAM 2GB ប្រព័ន្ធ​ Android 4.2.2 ចំណែក​​ឯ​សមាស​ភាព​ថ្ម​គឺ​ ២៦០០mAh ។ ​លក្ខណៈ​ពិសេស​របស់​ Galaxy S4 Mini វិញ​គឺ​​ ទំហំ​អេ​ក្រង់​ ៤.៣​អីុញ​ កម្រិត​ភ្លឺ​ច្បាស់​​ qHD Super AMOLED ប្រភេទ​ Processor Snapdragon dual-core ប្រើ​ប្រាស់​​ក្នុង​ល្បឿន​​ ១.៧GHz ទំហំ​ RAM 1.5GB ប្រព័ន្ធ​ Android 4.2.2 ចំណែក​​ថ្ម​គឺ​ ១៩០០​mAh ។

​​តម្លៃ​របស់​​ផលិត​ផល​ទាំង​២​ គឺ​ Galaxy S4 Black Edition ៦៦០ដុល្លារ​ ​និង​ Galaxy S4 Mini Black Edition ៤៦០ដុល្លារ​ ។
ក្រុម​ហ៊ុន​ Samsung ​មិន​បាន​បញ្ជាក់​ពី​ការ​​នាំ​ចេញ​ផលិត​​ផល​ទាំង​២​នោះ​ ទៅ​ប្រទេស​ណា​មួយ​​នោះ​ទេ​ តែ​​អះអាង​ថា​ ​​​វា​នឹង​​មាន​វត្ត​មាន​លើ​ទី​ផ្សារ​​​នា​​ខែ​ក្រោយ​​នេះ​ ៕