កាលពីថ្ងៃអង្គារ ទី៤ កុម្ភៈ ឆ្នាំ២០១៤ កន្លង មកនេះ លោក Claudio Lotito ប្រធានក្លិប Lazio បានឱ្យដឹងថា លោកកំពុងទទួលរងការគំរាមកំហែងសម្លា.ប់តាមទូរស័ព្ទពីអ្នកគាំទ្រក្លិប Lazio បន្ទាប់ពីរូបលោកសម្រេចចិត្តលក់កីឡាករ Hernanes ទៅឱ្យក្លិប Inter កាលពីខែមករា ក្នុងរដូវកាលដោះដូរ ។
កាលពីថ្ងៃអង្គារ ទី៤ កុម្ភៈ ឆ្នាំ២០១៤ កន្លង មកនេះ លោក Claudio Lotito ប្រធានក្លិប Lazio បានឱ្យដឹងថា លោកកំពុងទទួលរងការគំរាមកំហែងសម្លាប់តាមទូរស័ព្ទពីអ្នកគាំទ្រក្លិប Lazio បន្ទាប់ពីរូបលោកសម្រេចចិត្តលក់កីឡាករ Hernanes ទៅឱ្យក្លិប Inter កាលពីខែមករា ក្នុងរដូវកាលដោះដូរ ។
នៅចំពោះមុខអ្នកសារព័ត៌មានលោក Claudio Lotito បាននិយាយថា ៖ «កាលពីថ្ងៃអង្គារ ទី៤ កុម្ភៈ ខ្ញុំទទួលការហៅទូរស័ព្ទគំរាមប្រហែល៧០ទៅ៨០ ពីប្រិយមិត្តគាំទ្រក្លិប Lazio ហើយពួកគេបានបង្ខំខ្ញុំឱ្យចាកចេញពីក្លិប Lazio បើមិនដូច្នោះទេ ពួកគេនឹងសម្លាប់ខ្ញុំ» ។ លោកបានបន្តទៀតថា ឥឡូវនេះខ្ញុំកំពុងរស់នៅជាមួយនឹងក្តីព្រួយបារម្ភពីសន្តិសុខផ្ទាល់ខ្លួន ។
គួររំឭកថា ដើមចមនៃការគំរាមកំហែងសម្លាប់ប្រធានក្លិប Lazio គឺផ្តើមចេញពីការលក់កីឡាករសញ្ជាតិប្រេស៊ីលដែលជាទីពេញចិត្តរបស់អ្នកគំាទ្រ ។ ក្លិប Lazio បានទិញកីឡាកររូបនេះពីក្លិប Sao Paulo កាលពីឆ្នាំ២០១០ ។ គុណបំណាច់ដ៏ធំធេងរបស់កីឡាកររូបនេះគឺជួយឱ្យក្លិប Lazio ឈ្នះជើងឯកអុីតាលីខាប់ឆ្នាំ២០១៣ ៕
ចែករំលែកព័តមាននេះ