បេក្ខជនប្រធានាធិបតីអាហ្វហ្គានីស្ថាន៥រូប កាលពីយប់ថ្ងៃទី៤ កុម្ភៈ បានចូលរួមក្នុងការជជែកដេញដោលគ្នាតាមទូរទស្សន៍ក្នុងឱកាសនៃយុទ្ធនាការឃោសនាបោះឆ្នោត ដោយក្នុងឱកាសនោះបេក្ខជនទាំងអស់នេះសុទ្ធតែផ្តោតលើភាពចាំបាច់ធ្វើឱ្យប្រទេសមានស្ថេរភាពដោយឆាប់រហ័ស ខណៈអំពើហិ.ង្សាកើតមានជាប់រដឹកនោះ ។ការជជែកដេញដោលគ្នានោះរបស់បណ្តាបេក្ខជនប្រធានា
បេក្ខជនប្រធានាធិបតីអាហ្វហ្គានីស្ថាន៥រូប កាលពីយប់ថ្ងៃទី៤ កុម្ភៈ បានចូលរួមក្នុងការជជែកដេញដោលគ្នាតាមទូរទស្សន៍ក្នុងឱកាសនៃយុទ្ធនាការឃោសនាបោះឆ្នោត ដោយក្នុងឱកាសនោះបេក្ខជនទាំងអស់នេះសុទ្ធតែផ្តោតលើភាពចាំបាច់ធ្វើឱ្យប្រទេសមានស្ថេរភាពដោយឆាប់រហ័ស ខណៈអំពើហិង្សាកើតមានជាប់រដឹកនោះ ។ការជជែកដេញដោលគ្នានោះរបស់បណ្តាបេក្ខជនប្រធានាធិបតីត្រូវបានរៀបចំធ្វើនៅទីក្រុងកាប៊ុលដោយទូរទស្សន៍ TOLO NEWS ជាទូរទស្សន៍ដែលរួមចំណែកធ្វើឱ្យវិស័យសោតទស្សន៍អាហ្វហ្គានីស្ថានមានការលូតលាស់ចាប់តាំងពីការផ្តួលរំលំរបបតាលីបង់ពីឆ្នាំ២០០១ មក ។
រយៈពេល២ម៉ោង បេក្ខជនទាំង៥រូបនោះបានឆ្លើយសំណួរទាំងឡាយរបស់អ្នកកាសែតម្នាក់លើប្រធានបទ សន្តិសុខដែលជាបញ្ហាព្រួយបារម្ភបំផុតក្នុងប្រទេសមួយដែលកើតមានការបះបោររបស់ពួកតាលីបង់ ។ ដំបូងបង្អស់បេក្ខជនទាំង៥រូបត្រូវឆ្លើយសំណួរអំពីថា តើចាំបាច់ត្រូវចុះហត្ថលេខាឬអត់លើសន្ធិសញ្ញាទ្វេភាគីមួយស្តីពី សន្តិសុខរវាងអាមេរិក និងអាហ្វហ្គានីស្ថាន ដែលកិច្ចព្រមព្រៀងនេះនឹងបើកផ្លូវឱ្យមានការរក្សាទុកកងទ័ពអាមេរិកប្រមាណជា១០.០០០នាក់ ក្រោយការដកថយរបស់កងកម្លាំងអូតង់នាដំណាច់ឆ្នាំ២០១៤ ។ បេក្ខជនភាគច្រើនពិតណាស់គាំទ្រដល់កិច្ចព្រមព្រៀងនោះដែលប្រធានាធិបតីបច្ចុប្បន្នលោកហាមីដកាហ្សៃ លើកឡើងពីលក្ខខណ្ឌមួយចំនួនមុនពេលចុះហត្ថលេខា ។
លោកកាហ្សៃ ត្រូវបានរដ្ឋធម្មនុញ្ញហាមឃាត់មិនឱ្យឈរឈ្មោះសម្រាប់អាណត្តិទី៣ ។ លោកកាយ៉ូមកាហ្សៃ បងប្រុសច្បងរបស់ប្រធានាធិបតីអាហ្វហ្គានីស្ថាន ដែលឈរឈ្មោះជាបេក្ខជននិយាយថា យើងត្រូវការកងកម្លាំងបរទេស ដោយលោកថា ការចុះហត្ថលេខាលើកិច្ចព្រមព្រៀងនោះអាចឱ្យកងកម្លាំងសន្តិសុខអាហ្វហ្គានីស្ថានបន្តទទួលបានការជួយទ្រទ្រង់ខាងយោធាក្រោយការចាកចេញរបស់អូតង់ ។
ការសួរដេញដោលបន្ទាប់មកផ្តោតលើដំណើរការសន្តិភាពនៅអាហ្វហ្គានីស្ថាន ដែលពេលនេះត្រូវស្ថិតក្នុងភាពទ័លច្រក និងលើជំហររបស់បណ្តាបេក្ខជនចំពោះពួកឧទ្ទាមតាលីបង់។ លើប្រធានបទនោះ បេក្ខជនទាំងអស់មានការយល់ឃើញដូចគ្នាទាំងស្រុងដោយនិយាយថា បើកចំហចំពោះការចរចាជាមួយពួកតាលីបង់ តែបង្ហាញពីភាពម៉ឺងម៉ាត់ប្រឈមមុខចំពោះការវាយប្រហារទាំងឡាយរបស់ពួកបះបោរ ។សរុបមានបេក្ខជនដល់ទៅ១១រូបប្រកួតប្រជែងគ្នាដើម្បីបន្តតំណែងពីលោកកាហ្សៃ ។ ការបោះឆ្នោតប្រធានាធិបតីជុំទីមួយគ្រោងធ្វើនាថ្ងៃទី៥ មេសា ខាងមុខនេះ ៕
ចែករំលែកព័តមាននេះ