ស្ថានីយទូរទស្សន៍របស់ចិន(CCTV) ផ្សាយថា កម្មករប្រមូលសំរាមតាមដងផ្លូវក្នុងទីក្រុងប៉េកាំង ត្រូវចំណាយពេលបម្រើការងារក្នុងរយៈពេល១៦ម៉ោង ដើម្បីប្រមូលបំណែកផាវប្រហែល៤១,៧៥តោន ដែលកើតឡើងក្នុងអំឡុងពេលចូលឆ្នាំកាលពីពេល ថ្មីៗកន្លងមក។ លោកអីុន កម្មករប្រមូលសំរាមម្នាក់បញ្ជាក់ថា គេត្រូវបង្កើនការប្រុងប្រយ័ត្នខ្ពស់ក្នុងការប្រមូលកំទេចផាវ ព្រោះបារម្ភខ្លាចមាន
ស្ថានីយទូរទស្សន៍របស់ចិន(CCTV) ផ្សាយថា កម្មករប្រមូលសំរាមតាមដងផ្លូវក្នុងទីក្រុងប៉េកាំង ត្រូវចំណាយពេលបម្រើការងារក្នុងរយៈពេល១៦ម៉ោង ដើម្បីប្រមូលបំណែកផាវប្រហែល៤១,៧៥តោន ដែលកើតឡើងក្នុងអំឡុងពេលចូលឆ្នាំកាលពីពេល ថ្មីៗកន្លងមក។ លោកអីុន កម្មករប្រមូលសំរាមម្នាក់បញ្ជាក់ថា គេត្រូវបង្កើនការប្រុងប្រយ័ត្នខ្ពស់ក្នុងការប្រមូលកំទេចផាវ ព្រោះបារម្ភខ្លាចមានជាតិពុល និងផាវមិនទាន់ផ្ទុះសេសសល់ ។
ការអុជផាវ ឬកាំជ្រួចគឺជាផ្នែកមួយដ៏សំខាន់នៃពិធីបុណ្យចូលឆ្នាំរបស់ចិន ប៉ុន្ដែបង្កផលប៉ះពាល់ដល់បរិស្ថាននៅក្នុងទីក្រុង ព្រោះមានផ្សែងរំសេវច្រើនបង្កើតជាតិពុល ។ មជ្ឈមណ្ឌលអាកាសធាតុក្រុងប៉េកាំង បញ្ជាក់ថា គុណភាពអាកាសធាតុក្រុងប៉េកាំង ស្ថិតក្នុងកម្រិតល្អប្រសើរ បើប្រៀបធៀបនឹងអំឡុងពេលដូចគ្នាកាលពីឆ្នាំមុន ។ ចំណែកក្រសួងបរិស្ថានចិនឱ្យដឹងកាលពីថ្ងៃទី៣១ មករា ២០១៤ ថា ទីក្រុងសំខាន់៦៨នៅទូទាំងប្រទេសប្រឈមមុខនឹងជាតិពុលក្នុងអាកាសធាតុធ្ងន់ ខណៈពេលទីក្រុងចំនួន១៦ ជួបនឹងវិបត្ដិអាកាសធាតុ ក្រោយពីប្រជាជនទូទាំងប្រទសនាំគ្នាអុជផាវ និងកាំជ្រួចក្នុងពេលបុណ្យចូលឆ្នាំ កាលពីយប់ថ្ងៃទី៣០ មករា ។
មន្ដ្រីក្រសួងបរិស្ថានមួយរូបបញ្ជាក់ថា «ផាវ និងកាំជ្រួចភ្លើង ក្លាយជាមូលហេតុចម្បងនៃអាកាសធាតុដ៏អាក្រក់ដែលកើតឡើងនៅទូទាំងប្រទេសចិន» ៕
ចែករំលែកព័តមាននេះ