រាជធានីភ្នំពេញ ថ្ងៃទី២៨ ខែមករា ឆ្នាំ២០១៤ ៖ ក្រុមហ៊ុនសាមសុង អេឡិចត្រូនិក បានបញ្ចេញ Tablet ថ្មីរបស់ខ្លួន Samsung Galaxy NotePRO និង TabPRO ដែលនឹងធ្វើការដាក់លក់ក្នុងពេលឆាប់ៗនេះនៅប្រទេសកម្ពុជា ដោយត្រូវបានផលិតឡើងមានការកំណត់ស្តង់ដាថ្មីដ៏ប្រសើរជាមួយបច្ចេកវិទ្យាច្នៃប្រឌិតថ្មីដែលផ្តល់អត្ថប្រយោជន៍ខ្ពស់ ។ ក្រុមហ៊ុនសាមសុងសង្ឃឹមថា Samsung Galaxy NotePRO និង TabPRO ដែលដាក់លក់នៅដើមឆ្នាំនេះ ពិតជាអាចក្លាយជាផលិតផលនាំមុខគេក្នុងទីផ្សារ Tablet ។
Tablet ថ្មីរបស់ សាមសុង ទាំងពីរនេះផ្តល់ជូននូវការប្រើប្រាស់ និងអាចបំពេញសេចក្តីត្រូវការបានល្អបំផុតដែលបានដាក់រួមបញ្ចូលគ្នាលើភាពច្បាស់ដ៏គួរឱ្យភ្ញាក់ផ្អើលជាមួយនឹងការរចនាដ៏ប្រណីតផ្តល់ជូនអ្នកប្រើប្រាស់នូវលក្ខណៈពិសេសអស្ចារ្យលើការបង្ហាញ និងប្រព័ន្ធដំណើរការ ។ Samsung Galaxy NotePRO និង TabPRO ត្រូវបានផលិតដោយភ្ជាប់មកជាមួយអេក្រង់ធំទំហំរហូតដល់ទៅ១២.២អុីញដំបូងបំផុតរបស់ពិភពលោក (WQXGA), display (16:10), RESOLUTION (2560×1600) និងចំនួនភីកសែល (PIXEL) ជាង៤លានភីកសែល ដែលអនុញ្ញាតឱ្យលោកអ្នករីករាយនូវបទពិសោធន៍នៃការទស្សនាវីដេអូ និងមើលព័ត៌មានក្នុងលក្ខណៈ Full HD ជាមួយចំណុចនៃប្រព័ន្ធដំណើរការពិសេសតែមួយគត់ ។
ក្នុងនាមជាអ្នកនាំមុខគេក្នុងឧស្សាហកម្មអេឡិចត្រូនិកនេះ Samsung Galaxy NotePRO និង TabPRO ត្រូវបានរចនាឡើងជាមួយរូបរាងស្តើងស្រស់ស្អាតភ្លឺរលោង និងភាពងាយស្រួលក្នុងការយកតាមខ្លួន ។ លើសពីនេះទៀត Samsung Galaxy NotePRO និង TabPRO ជាដៃគូគួរឱ្យទុកចិត្តដែលត្រូវបានបំពាក់ដោយបច្ចេកវិទ្យាខ្ពស់ដើម្បីជួយដល់អ្នកប្រើប្រាស់ក្នុងការគ្រប់គ្រងទាំងជីវិតរស់នៅប្រចាំថ្ងៃផ្ទាល់របស់អ្នក និងការគ្រប់គ្រងលើផ្នែកការងារ ឬពាណិជ្ជកម្ម ហើយលោកអ្នកក៏អាចតម្រៀបកម្មវិធីដំណើរការ៤ផ្សេងគ្នា នៅលើអេក្រង់ដែលជាការច្នៃប្រឌិតថ្មី ។ ចំណែកក្តារចុចមានទំហំសមល្មមដែលមានភាពងាយស្រួលក្នុងការចុច ឬវាយអក្សរដោយផ្តល់បទពិសោធន៍កាន់តែប្រសើរបន្ថែមទៀត ។ ប៊ិក សាមសុង S PEN ដែលភ្ជាប់មកជាមួយនឹង Samsung Galaxy NotePRO ផ្តល់នូវបទពិសោធន៍ដែលមានប្រសិទ្ធភាពខ្ពស់សម្រាប់ឆ្លើយតបទៅនឹងដំណើរការផ្សេងៗដែលលក្ខណៈពិសេសដូចជា Action Memo, Scrapbook ការសរសេរលើអេក្រង់ និង S Finder ។ រឹតតែអស្ចារ្យជាមួយ REMOTE PC ដែលអនុញ្ញាតឱ្យអ្នកដំណើរការ និងត្រួតពិនិត្យកុំព្យូទ័រនៅផ្ទះ ឬនៅការិយាល័យរបស់អ្នកដោយផ្ទាល់ដូចជាការកែសម្រួល ឬរក្សាឯកសារទុកដោយធ្វើការបញ្ជាតាម Samsung Galaxy NotePRO ឬ TabPRO របស់អ្នក ។ ដើម្បីយល់កាន់តែច្បាស់អំពីលក្ខណៈពិសេសរបស់ Samsung Galaxy NotePRO និង TabPRO សូមចូលទៅកាន់ www.samsungmobilepress.com ។
ក្រុមហ៊ុន Samsung Electronics Co., Ltd គឺជាក្រុមហ៊ុននាំមុខគេលើពិភពលោកផ្នែកបច្ចេកវិទ្យាដោយផ្តល់លទ្ធភាពថ្មីៗជូនមនុស្សគ្រប់រូបគ្រប់ទីកន្លែង ។ តាមរយៈការបង្កើតថ្មី និងរបកគំហើញឥតឈប់ឈរ យើងកំពុងតែផ្លាស់ប្តូរឱ្យកាន់តែប្រសើរឡើងនូវពិភពទូរទស្សន៍ ស្មាតហ្វូន កុំព្យូទ័រផ្ទាល់ខ្លួន ម៉ាសុីនបោះពុម្ព កាមេរ៉ា ប្រព័ន្ធ LTD ឧបករណ៍ពេទ្យ ឧបករណ៍អគ្គិសនី និងដំណោះស្រាយ LED ។ យើងមានបុគ្គលិកចំនួន២៧០.០០០នាក់ នៅទូទាំង៧៩ប្រទេស ដោយមានបរិមាណលក់ប្រចាំឆ្នាំចំនួន១៨៩.៨ពាន់លានដុល្លារអាមេរិក។ ព័ត៌មានបន្ថែមសូមមើលគេហទំព័រ www.samsung.com ៕
ចែករំលែកព័តមាននេះ