យោង​តាម​គេហ​ទំព័រ​​បរទេស​ចេញ​ផ្សាយ​​កាល​ពី​ពេល​ ថ្មី​ៗនេះ​ ​​ឱ្យ​ដឹង​ថា​ ​ក្រុម​ហ៊ុន​ឥណ្ឌា​​ iBall បាន​​បង្កើត​ Tablet ស៊េរី​​ថ្មី​របស់​ខ្លួ​ន​គឺ​ ​Slide 3G 7334Q-10​ ។ លក្ខណៈ​​ពិសេស​​របស់​វា​គឺ​ ​ទំហំ​អេ​ក្រង់​៧អីុញ​ ​កម្រិត​ពន្លឺ​ភ្លឺ​ច្បាស់​​ ១០២៤x​៦០០​ភិចស៊ែល​ ​​កាមេរ៉ា​២មេ​ហ្គា​ភិច​ស៊ែល និង​មាន​​ប្រព័ន្ធ​​ Processor quad-core ដែល​អាច​ប្រើ​ប្រាស់​ល្បឿន​ ១.៣​GHz ទំហំ​ RAM 1GB ហើយ​អាច​​ផ្ទុក​​អង្គ​​ចង​ចាំ​​បាន​​ 8GB ​និង​ប្រើ​ប្រាស់​ Momory Card ​micro SD​ ។ ​ចំណែក​​​ឯ​ថាម​ពល​ថ្ម​វិញ​ គឺ​៣០០​០​mAh ​។ មិន​ត្រឹម​តែ​ប៉ុណ្ណោះ​​វា​អាច​ភ្ជាប់​ប្រព័ន្ធ​ Android 4.2 ​ហើយ​​អ្វី​ដែល​កាន់​​តែ​ពិសេស​នោះ​ គឺ​ផលិត​ផល​​មួយ​នេះ​ អាច​ប្រើ​ប្រាស់​​ស៊ីម​​​បាន​២​ទៀត​ផង​ ។ ចំពោះ​តម្លៃ​​របស់​វា​ គឺ​១៨៤,៤៧​ដុល្លារ​ ។ ​

លោក​ Sandeep Parasrampruria អគ្គ​នាយក​​​ក្រុម​ហ៊ុន​ iBall និយាយ​ថា​ ​ផលិត​ផល​នេះ​ នឹង​​ធ្វើ​ឱ្យ​​អ្នក​ប្រើ​ប្រាស់​​ទាំង​អស់​ទទួល​​បាន​អត្ថ​ប្រយោ​ជន៍​​កាន់ ​តែ​ច្រើន​​ជាង​មុន​ជា​មួយ​​នឹង​សមត្ថ​ភាព​​ ក៏​ដូច​ជា​លក្ខណៈ​​ពិសេស​​រប​ស់​វា​​ផង​ដែរ​ ។ ​​iBall គឺ​ជា​ក្រុម​ហ៊ុន​​ផ្គត់​ផ្គង់​ឧបករណ៍​​អេ​ទ្បិច​ត្រូ​និក​​ដ៏​ធំ​​មួយ​របស់ ​ប្រទេស​​ឥណ្ឌា​​ ។ សមិទ្ធ​ផល​របស់​ក្រុម​ហ៊ុន​មាន​ដូច​ជា​ ​ម៉ាស៊ីន​​កំុព្យូទ័រ​
​ឧ​បករណ៍​​ Smartphone និង​ Tablet ជា​ដើម​ ៕