រាជធានីភ្នំពេញ៖ ទីបំផុតទៅនៅរសៀលថ្ងៃទី០៤ កុម្ភៈ ២០១៤ សមត្ថកិច្ចបានសម្រេចឃាត់ខ្លួនឈ្មោះ អ៊ុយ សានកិត្យា ដើម្បីសួរនំាពាក់ព័ន្ឋបទល្មើសប្រើបា្រស់អាវុធខុសច្បាប់ ។
គួររំលឹកថា កាលពីរសៀលថ្ងៃទី៣ កុម្ភៈម្សិលមិញ នៅចំណុចផ្ទះលេខ៤៦ ក្រុមទី១៤ ភូមិទួលរកា១ សង្កាត់ចាក់អង្រែក្រោម ខណ្ឌមានជ័យ មានករណីផ្ទុះអាវុធខ្លី បណ្តាលឲ្យបុរសពីរនាក់រងរបូស ក្នុងនោះម្នាក់ឈ្មោះអ៊ែល ហាលី អាយុ៤៤ឆ្នាំ មុខរបរជាមន្រ្តីនគរបាលនៃស្នងការដ្ឋាននគរបាលខេត្តកណ្តាល ត្រូវចំត្រកៀកខាងស្តាំ កំពុងសម្រាកព្យាបាលរបួសនៅមន្ទីរពេទ្យមិត្តភាពខ្មែរសូវៀតនិងបុរសម្នាក់ទៀត ឈ្មោះអ៊ុយ សានកិត្យា អាយុ៣២ឆ្នាំ មុខរបរជាជាងជួសជុលម៉ូតូ ។
បន្ទាប់ពីកើតហេតុឈ្មោះ អ៊ុយសាន កិត្យា បាននិយាយភូតកុហកសមត្ថកិច្ចថា កាំភ្លើងដែលផ្ទុះបណ្តាលឲ្យខ្លួនរងរបួសនោះ ម្ចាស់កំាភ្លើងឈ្មោះអ៊ែល ហាលី និងចម្លើយមួយទៀតថាកំាភ្លើងនេះខ្លួនបានដោះដូរជាមួយម៉ូតូ ដើម្បីយកមកឲ្យបងធម៌ ( អ៊ែល ហាលី ) ជាអ្នករងរបួសជាមួយគ្នាប្រើប្រាស់ ហើយនាំគ្នាលេងនៅលើបន្ទប់ឡៅតឿ ក៍រាលកៃរងរបួសធ្ងន់តែម្តង។
តាមរយៈចម្លើយសារភាពទាំងពីរចំណុចនេះ សមត្ថកិច្ចស្រាវជ្រាវឃើញថា ចម្លើយទីពីរជាចម្លើយពិត ទើបសមត្ថកិច្ចសម្រេចនាំខ្លួនឈ្មោះអ៊ុយ សានកិត្យា ពីមន្ទីរពេទ្យមកឃុំខ្លួននៅអធិការដ្ឋាននគរបាលខណ្ឌមានជ័យដើម្បីកសាងសំណុំរឿងបញ្ជួនទៅតុលាករផ្តន្ទាទោសតាមច្បាប់ ដោយសាររូបគេរងរបួសស្រាលដាច់ដៃឆ្វេងត្រូវកាត់ប្រអប់ដៃចោលតែម្តង។
សូមបញ្ជាក់ផងដែរថា ប៉ូលិសបង្ហើបថា ឈ្មោះអ៊ុយ សានកិត្យា ជាមុខសញ្ញាធ្លាប់ធ្វើសកម្មភាពឆក់នៅក្មុងរាជធានីភ្នំពេញ ហើយធ្លាប់ត្រូវប៉លិសខណ្ឌ7មករាចាប់ខ្លួនម្តងរួចមកហើយ ៕
ចែករំលែកព័តមាននេះ