ខេត្តកំពង់ស្ពឺ ៖ ជនសង្ស័យ២នាក់ត្រូវសមត្ថកិច្ចចាប់ខ្លួនបាន បន្ទាប់ពីលួចមេគោមួយក្បាលយកទៅលាក់ក្នុងព្រៃរហូតដល់ព្រលប់ទើបដឹកគោទៅលក់នៅផ្ទះចាមមួយកន្លែង កាលពីវេលាម៉ោង៧ និង៣០នាទីយប់ថ្ងៃទី៣ កុម្ភៈ ២០១៤ ស្ថិតនៅចំណុចផ្សារថ្នល់ទទឹង ក្នុងឃុំដំណាក់អំពិល ស្រុកអង្គស្នួល ។
ខេត្តកំពង់ស្ពឺ ៖ ជនសង្ស័យ២នាក់ត្រូវសមត្ថកិច្ចចាប់ខ្លួនបាន បន្ទាប់ពីលួចមេគោមួយក្បាលយកទៅលាក់ក្នុងព្រៃរហូតដល់ព្រលប់ទើបដឹកគោទៅលក់នៅផ្ទះចាមមួយកន្លែង កាលពីវេលាម៉ោង៧ និង៣០នាទីយប់ថ្ងៃទី៣ កុម្ភៈ ២០១៤ ស្ថិតនៅចំណុចផ្សារថ្នល់ទទឹង ក្នុងឃុំដំណាក់អំពិល ស្រុកអង្គស្នួល ។
ប្រភពបានឱ្យដឹងថា ជនសង្ស័យទាំង២នាក់ ១-ឈ្មោះយឹម ណារ័ត្ន ហៅញ៉ូវ ភេទប្រុស អាយុ១៦ឆ្នាំ ជាកម្មកររោងចក្រ ២-ឈ្មោះសាំង រ៉ូត ភេទប្រុស អាយុ២៥ឆ្នាំ ជាកម្មកររោងចក្រដែរ ទាំង២នាក់មានទីលំនៅក្នុងភូមិព្រៃគុយ ឃុំត្រពាំងគង ស្រុកសំរោង ។
ប្រភពបានបន្តថា នៅពេលជនសង្ស័យទាំង២នាក់ដឹកមេគោទៅដល់កន្លែងលក់នោះ អ្នកទិញបានសួររកសំបុត្រទិញ និងប័ណ្ណសម្គាល់ខ្លួន តែជនសង្ស័យប្រាប់ថា អត់មានទេ ទើបសង្ស័យក៏បានទៅរាយការណ៍ប្រាប់សមត្ថកិច្ចមូលដ្ឋានឱ្យធ្វើការឃាត់ខ្លួនជនទាំង២នាក់នេះ បញ្ជូនទៅការិយាល័យកណ្តាលនគរបាលព្រហ្មទណ្ឌខេត្ត ដើម្បីធ្វើការសាកសួរ ទើបដឹងថា ជនទាំង២នាក់នេះបានលួចមេគោរបស់ប្រជាពលរដ្ឋពិតប្រាកដមែន ។
ចែករំលែកព័តមាននេះ