យោងតាមមរតកសាសន៍អាន កាលពីថ្ងៃទី៣ កុម្ភៈ ថា លោកណែលសុន ម៉ង់ដឺឡា ដែលទទួលមរណភាពកាលពីថ្ងៃទី៥ ធ្នូ ក្នុងជន្មាយុ ៩៥ឆ្នាំ បានបន្សល់ទុកទ្រព្យសម្បត្ដិលោកចំនួន៤៦លានរ៉ង់ (៣លានអឺរ៉ូ) ដែលនឹងត្រូវបែងចែករវាងគ្រួសារលោកនិងគណបក្សសមាជជាតិអាហ្រ្វិក ANC កំពុងកាន់អំណាច បណ្ដានិយោជិតលោក ព្រមទាំងសាលារៀនជាច្រើន ។
យោងតាមមរតកសាសន៍អាន កាលពីថ្ងៃទី៣ កុម្ភៈ ថា លោកណែលសុន ម៉ង់ដឺឡា ដែលទទួលមរណភាពកាលពីថ្ងៃទី៥ ធ្នូ ក្នុងជន្មាយុ ៩៥ឆ្នាំ បានបន្សល់ទុកទ្រព្យសម្បត្ដិលោកចំនួន៤៦លានរ៉ង់ (៣លានអឺរ៉ូ) ដែលនឹងត្រូវបែងចែករវាងគ្រួសារលោកនិងគណបក្សសមាជជាតិអាហ្រ្វិក ANC កំពុងកាន់អំណាច បណ្ដានិយោជិតលោក ព្រមទាំងសាលារៀនជាច្រើន ។
ការបែងចែកទ្រព្យនោះទទួលការយល់ស្របពីគ្រួសារលោក រួចសម្រាប់ពេលនេះពុំទាន់មានការតវ៉ាជំទាស់មួយនៅឡើយ។ ចៅក្រម តុលាការធម្មនុញ្ញមួយរូបលោក DIKGANG MOSENEKE និយាយថា មួយផ្នែកនៃមរតកនោះនឹងត្រូវធ្វើការបែងចែករវាងមូលនិធិ៣ដែលលោកណែល សុន ម៉ង់ដឺឡាបានបង្កើតក្នុងនោះមានមូលនិធិមួយបង្កើតជាពិសេសសម្រាប់ពួកកូនៗ ចៅ និងចៅទួតលោកចំនួន៣០នាក់ ។
ភរិយាទី៣ របស់លោកគឺលោកស្រី GRACA MACHEL អាចពុំមានសិទ្ធិទទួលមរតកនោះ ។ មនុស្សមួយចំនួនយល់ថា បណ្ដាំមរតកនោះអាចនាំឱ្យមានភាពតានតឹងថ្មីរវាងបណ្ដាសមាជិកគ្រួសារលោក ។ លោកម៉ង់ដឺឡា នៅមានសល់ភូមិគ្រឹះមួយនៅទីក្រុងចូហានេស្យួរ និងនិវេសនដ្ឋានធុនមធ្យមមួយនៅខេត្ដកាបខាងកើត ជាស្រុកកំណើតរបស់លោក ព្រមទាំងសិទ្ធិទាញយកប្រាក់ពីការលក់សៀវភៅទាំងឡាយរបស់លោក។ ចៅស្រីលោក២នាក់ ដែលរស់នៅសហរដ្ឋអាមេរិកក្លាយជាតារាក្នុងកម្មវិធីទូរទស្សន៍មានឈ្មោះថា «BE ING MANDELA» ៕
ចែករំលែកព័តមាននេះ