គណបក្សប្រជាធិបតេយ្យ ជាគណបក្សប្រឆាំងថៃសំខាន់ប្រកាស កាលពីថ្ងៃទី៤ កុម្ភៈ ថាខ្លួននឹងដាក់ពាក្យបណ្តឹងទៅតុលាការ នាថ្ងៃដើម្បីប៉ុនប៉ងឱ្យទទួលបានការលុបចោលការបោះឆ្នោត កាលពីថ្ងៃទី២ កុម្ភៈ ។ អ្នកនាំពាក្យគណបក្សនោះ ដែលធ្វើពហិការចំពោះការបោះឆ្នោត បញ្ជាក់ប្រាប់រ៉យទ័រថា ពាក្យបណ្តឹង២ត្រូវដាក់ដល់តុលាការធម្មនុញ្ញ ។ ពាក្យបណ្តឹងទីមួយទាក់ទិនដោយផ្ទាល់ នឹងការ
គណបក្សប្រជាធិបតេយ្យ ជាគណបក្សប្រឆាំងថៃសំខាន់ប្រកាស កាលពីថ្ងៃទី៤ កុម្ភៈ ថាខ្លួននឹងដាក់ពាក្យបណ្តឹងទៅតុលាការ នាថ្ងៃដើម្បីប៉ុនប៉ងឱ្យទទួលបានការលុបចោលការបោះឆ្នោត កាលពីថ្ងៃទី២ កុម្ភៈ ។ អ្នកនាំពាក្យគណបក្សនោះ ដែលធ្វើពហិការចំពោះការបោះឆ្នោត បញ្ជាក់ប្រាប់រ៉យទ័រថា ពាក្យបណ្តឹង២ត្រូវដាក់ដល់តុលាការធម្មនុញ្ញ ។ ពាក្យបណ្តឹងទីមួយទាក់ទិនដោយផ្ទាល់ នឹងការបោះឆ្នោត ។ យើងយល់ថាការបោះឆ្នោតនោះ រំលោភបំពានរដ្ឋធម្មនុញ្ញ ពិសេសមាត្រាទី៦៨ដែលហាមឃាត់បណ្តាបុគ្គលបំផ្លាញរបបរាជានិយមអាស្រ័យរដ្ឋធម្មនុញ្ញ ហើយប៉ុនប៉ងដណ្តើមអំណាចតាមមធ្យោបាយផ្ទុយនឹងរដ្ឋធម្មនុញ្ញ ។
អ្នកនាំពាក្យរូបនេះលោក ឆាវា៉ណុន អីុនតារាកូមា៉ល់យា៉ស៊ុត បន្តថា ពាក្យបណ្តឹង១ទៀត យើងទាមទារឱ្យរំលាយចោលគណបក្សភឿថៃ ជាគណបក្សរបស់ប្រមុខរដ្ឋាភិបាល លោកស្រី យីងឡាក់ សីុណាវា៉ត្រា ពីបទប្រកាសភាពអាសន្ន ដែលមានន័យថា ការបោះឆ្នោតពុំអាចប្រព្រឹត្តទៅក្នុងស្ថានភាពធម្មតា ។ ការប្រកាសអាសន្ននោះ ចេញកាលពីខែមុនដោយរដ្ឋាភិបាលដើម្បីប៉ុនប៉ងត្រួតត្រាពួកអ្នកតវា៉ដែលធ្វើបាតុកម្មចាប់តាំងពីខែវិច្ឆិកាមក ៕
ចែករំលែកព័តមាននេះ