រាជធានីភ្នំពេញ ៖ បើតាមការសង្កេតមើលជាក់ស្តែងនៅតាមបណ្តោយផ្លូវខេមរភូមិន្ទ ឬផ្លូវ២៧១ ឃើញថា សំណង់អគារខ្ពស់ៗដែលមានកម្ពស់១០ជាន់ឡើង និងនៅក្រោម១០ជាន់តិចតួច កំពុងសាងសង់ និងបានសាងសង់ហើយជាបណ្តើរៗ ដែលធ្វើឱ្យបណ្តោយផ្លូវនេះ មានភាពទាក់ទាញ និងសំបូរទៅដោយអគារខ្ពស់រដិបរដុប ។ ហើយចំពោះតំបន់នៅតាមបណ្តោយផ្លូវនេះដែរ
រាជធានីភ្នំពេញ ៖ បើតាមការសង្កេតមើលជាក់ស្តែងនៅតាមបណ្តោយផ្លូវខេមរភូមិន្ទ ឬផ្លូវ២៧១ ឃើញថា សំណង់អគារខ្ពស់ៗដែលមានកម្ពស់១០ជាន់ឡើង និងនៅក្រោម១០ជាន់តិចតួច កំពុងសាងសង់ និងបានសាងសង់ហើយជាបណ្តើរៗ ដែលធ្វើឱ្យបណ្តោយផ្លូវនេះ មានភាពទាក់ទាញ និងសំបូរទៅដោយអគារខ្ពស់រដិបរដុប ។ ហើយចំពោះតំបន់នៅតាមបណ្តោយផ្លូវនេះដែរ អ្នកជំនាញផ្នែកវិស័យអចលនទ្រព្យជាច្រើនក៏មានសុទិដ្ឋិនិយមផងដែរ លើតំបន់នេះ ។
ចាប់ពីស្ពានអាកាសក្បាលថ្នល់ដល់ស្ពានអាកាសពេទ្យលោកសង្ឃ ឬស្ពានអាកាស៧មករា ឃើញមានអគារដែលកំពុងសាងសង់មិនទាន់រួចរាល់ជាច្រើន ដែលបាំងស្បៃពណ៌ខៀវ ។ មិនតែប៉ុណ្ណោះយើងក៏អាចសង្កេតឃើញអគារកម្ពស់ល្មមត្រឹម១០ជាន់ចុះក្រោមតិចតួច ដែលសាងសង់ហើយថ្មីជាច្រើនផងដែរ ។
អ្នកវាយតម្លៃផ្នែកអចលនវត្ថុកម្ពុជាបានរំពឹងថា នៅតាមបណ្តោយនេះ ទាំងតម្លៃដីធ្លី និងការវិនិយោគផ្សេងទៀត នឹងមានភាពល្អប្រសើរដោយសារតែតំបន់នេះ រាជរដ្ឋាភិបាលបានអភិវឌ្ឍន៍គំរោងធំៗប្រចាំរាជធានីភ្នំពេញ ក៏ដូចជាប្រចាំប្រទេសយើងផងដែរ ដូចជាស្ពានអាកាសស្ទឹងមានជ័យជាដើម ។
លោកឌឹត ចណ្ណា ប្រធានគ្រប់គ្រងក្រុមហ៊ុនអចលនទ្រព្យ វី អឹម ស៊ី បានមានប្រសាសន៍ឱ្យដឹងថា នៅតាមបណ្តោយផ្លូវ២៧១ មានអគារកំពុងសាងសង់ និងសាងសង់ហើយច្រើនគួរសម ហើយមិនតែប៉ុណ្ណោះ យើងសង្កេតឃើញមានផ្សារទំនើប មន្ទីរពេទ្យរដ្ឋ និងឯកជន ព្រមទាំងមានផ្សារទំនើបខ្នាតតូចជាច្រើនទៀត ។ ដោយសារតែផ្លូវនេះ ជាផ្លូវធំល្មមដែរនោះ អ្នកវិនិយោគមួយចំនួនបានទិញដីនៅតំបន់នេះ ដើម្បីសាងសង់អគារសម្រាប់ជួលបន្តឱ្យអ្នកវិនិយោគផ្សេងទៀត ដែលគេអាចជួលធ្វើជាការិយាល័យក្រុមហ៊ុន ធនាគារ ឬការិយាល័យអង្គការផ្សេងជាដើម ដូចនេះអគារខ្ពស់ៗនឹងចាប់ផ្តើមរីកចម្រើនជាបន្តបន្ទាប់ ។
ចែករំលែកព័តមាននេះ