ក្រុងប៉ោយប៉ែត ៖ ស្ត្រីជាអាជីវករលក់ខោអាវម្នាក់ត្រូវស្រីស្អាតជើងខ្លាំងម្នាក់យកកាំភ្លើងខ្លីមកភ្ជង់ជេរប្រមាថ និងខាំបណ្តាលឱ្យរងរបួសកំភួនដៃខាងឆ្វេងយ៉ាងដំណំកាលពីវេលាម៉ោង៩យប់ ថ្ងៃទី២ កុម្ភៈ ២០១៤ នៅចំណុចផ្សារដើមពុទ្រា ប្លុកកាស៊ីណូហ្គោលឌិនក្រោន ស្ថិតក្នុងភូមិក្បាលស្ពាន១ សង្កាត់ និងក្រុងប៉ោយប៉ែត។
ក្រុងប៉ោយប៉ែត ៖ ស្ត្រីជាអាជីវករលក់ខោអាវម្នាក់ត្រូវស្រីស្អាតជើងខ្លាំងម្នាក់យកកាំភ្លើងខ្លីមកភ្ជង់ជេរប្រមាថ និងខាំបណ្តាលឱ្យរងរបួសដៃខាងឆ្វេងយ៉ាងដំណំកាលពីវេលាម៉ោង៩យប់ ថ្ងៃទី២ កុម្ភៈ ២០១៤ នៅចំណុចផ្សារដើមពុទ្រា ប្លុកកាស៊ីណូហ្គោលឌិនក្រោន ស្ថិតក្នុងភូមិក្បាលស្ពាន១ សង្កាត់ និងក្រុងប៉ោយប៉ែត។
ស្ត្រីរងគ្រោះត្រូវគេស្គាល់ឈ្មោះអេង ឡឹង អាយុ៣៤ឆ្នាំ ជាអាជីវករលក់ខោអាវក្នុងភូមិកើតហេតុខាងលើ ។ ស្ត្រីរងគ្រោះបានឱ្យដឹងថា មុនពេលកើតហេតុ មានស្ត្រីវ័យក្មេងម្នាក់ជិះរថយន្តម៉ាកឡិចស៊ីសRX330 ពណ៌ស អត់ស្លាកលេខមួយគ្រឿងមកចតនៅមុខតូបរបស់គាត់អស់រយៈពេលជាច្រើនម៉ោងធ្វើឱ្យចង្អៀតនៅមុខតូបលក់ខោអាវរបស់គាត់ ។ ដោយមិនឃើញម្ចាស់មកយករថយន្តចេញ គាត់បានប្រាប់កូនរបស់គាត់ឱ្យរកហៅម្ចាស់រថយន្តបើកចេញពីមុខតូបរបស់គាត់ ខណៈនោះមានស្ត្រីស្អាតម្នាក់អាយុជាង២០ឆ្នាំ ជាម្ចាស់រថយន្តបានមកស្រែកឡូឡាជេរប្រមាថលើរូបគាត់ និងបានបើកទ្វាររថយន្តយកកាំភ្លើងមិនស្គាល់ម៉ាកពណ៌សមួយដើមមកភ្ជង់គំរាមបាញ់សម្លាប់គាត់ ។
ស្ត្រីរងគ្រោះបន្តថា ឃើញដូចនេះគាត់ក៏ស្ទុះទៅចាប់កដៃនាងជាប់ និងបានប្រវាយប្រតប់គ្នារហូតដល់អ្នកជិតខាងមកជួយអន្តរាគមន៍យកកាំភ្លើងចេញ តែស្ត្រីរងគ្រោះត្រូវបានស្ត្រីស្អាតម្នាក់នោះខាំចំដៃខាងឆ្វេងបណ្តាលឱ្យរបួសយ៉ាងដំណំ។
ស្ត្រីរងគ្រោះបានបញ្ជាក់ថា ក្រោយពេលកើតហេតុរូបគាត់ និងស្ត្រីស្អាតជើងខ្លាំងត្រូវកម្លាំងកងរាជអាវុធហត្ថក្រុងប៉ោយប៉ែតហៅទៅសួរនាំ តែស្ត្រីស្អាតម្នាក់នោះត្រូវបានមន្ត្រីយោធាទំនាក់ទំនងព្រំដែនកម្ពុជា-ថៃម្នាក់ពាក់ស័ក្តិ៤ទៅធានាយកចេញមកវិញទាំងយប់៕
ចែករំលែកព័តមាននេះ