រឿងប្លែកៗនៅលើពិភពលោកគួរឱ្យចាប់អារម្មណ៍
១-រថយន្តប្រណាំង
Lightning Natseen ជារថយន្តច្នៃពីនីស្សាន់១៨០អេសអេក្ស១៩៩៦ (Nissan 180SX) ដាក់តាំងបង្ហាញនៅបញ្ជរមួយនៃពិរព័រណ៍តូក្យូអូតូ សាឡុន ប្រទេសជប៉ុន ។
១-រថយន្តប្រណាំង
Lightning Natseen ជារថយន្តច្នៃពីនីស្សាន់១៨០អេសអេក្ស១៩៩៦ (Nissan 180SX) ដាក់តាំងបង្ហាញនៅបញ្ជរមួយនៃពិរព័រណ៍តូក្យូអូតូ សាឡុន ប្រទេសជប៉ុន ។
២-ខ្មោចបាឡែន
អាជ្ញាធរក្រុងបានឈរនៅក្បែរខ្មោចបាឡែនយក្សប្រវែង១៦ម៉ែត្រ ទម្ងន់២,៥តោន ដែលទើរនៅលើឆ្នេរខារ៉ាស្កូ ក្រុងម៉ុងតេវីដេអូប្រទេសអ៊ុយរូហ្គាយ ។
៣-ឈុតក្នុងមាស
តារាបង្ហាញម៉ូដ (កណ្តាល) បានបង្ហាញឈុតក្នុងច្នៃពីមាស នៅហាងមាសមួយក្នុងទីក្រុងវូហាន់ ខេត្តហ៊ូបុើយ ភាគកណ្តាល ប្រទេសចិន ។ ឈុតក្នុងនោះមានតម្លៃប្រហែល ៥លានយាន់ ក្នុងមួយឈុត ។
៤-ស៊ុមរូបថតច្នៃពីទឹកកក
កុមារជាច្រើនមើលរូបគំនូររបស់វិចិត្រករជនជាតិរុស្ស៊ីនៅក្នុងយុគសម័យ វ៉ាស៊ីលី ស៊ូរីកូវ ដែលតាំងបង្ហាញនៅក្នុងស៊ុមច្នៃពីទឹកកក នៅមុនពេលឈានដល់ពិធីបុណ្យព្រិល និងឆ្លាក់ទឹកកកអន្តរជាតិ នៅមាត់ទន្លេយ៉េនីសៃ ក្រុងក្រាស្នូយ៉ាស់ ។
៥-ទិវាបុណ្យវីរបុរស «ម៉ាទីន សូធ័រ ឃីង ជូនៀ»
ពលរដ្ឋអាមេរិកជាច្រើននាក់ប្រមូលផ្តុំគ្នានៅឯវិមានអនុស្សាវរីយ៍ «ម៉ាទីន លូធ័រឃីង ជូនៀ» សម្រាប់រំឭកដល់កិត្តិយសរបស់គេ ក្នុងនាមជាអ្នកតស៊ូដើម្បីសិទ្ធិរបស់ប្រជាពលរដ្ឋនៅក្រុងវ៉ាសុីនតោន សហរដ្ឋអាមេរិក កាលពីថ្ងៃទី២០ មករា ២០១៤ ។
៦-បាល់ទាត់រត់ប៉ះទង្គិចដោយស្លៀកឈុតខ្យល់
ចាត់ទុកថាជាការប្រកួតបាល់ទាត់រត់ទង្គិច ដោយកីឡាករបំពាក់ដោយឈុតពោងខ្យល់ នៅទីក្រុងអាល់ម៉ាទី ប្រទេសកាហ្សាក់ស្ថាន ជាប្រភេទកីឡាស្ម័គ្រចិត្ត ក្នុងមួយក្រុមមានកីឡាករ៥រូប ពាក់ឯកសណ្ឋានពោងខ្យល់ និងព្យាយាមទាត់បាល់បញ្ចូលទីរបស់គូប្រកួត។
៧-គោតម្រៀបពីរូបតភ្ជាប់ឡេហ្គោ
គោខៀវមួយក្បាលច្នៃពីឧបករណ៍រៀបតភ្ជាប់ឡេហ្គោចំនួន២១០ពាន់បំណែក តាំងបង្ហាញនៅផ្សារមូលបត្រអាល្លឺម៉ង់ ក្នុងទីក្រុងហ្វ្រែងហ្វ៊ើត ។
៨-ជិះសេះកាត់គំនរភ្លើង
បុរសម្នាក់ជិះសេះកាត់ឧបសគ្គអណ្តាតភ្លើង ក្នុងពិធីគោរពសក្ការៈលើអ្នកមានបុណ្យអេនតូនី នៅទីក្រុងសានបាតូ ឡូមេ ពីនយ៉ារ៉េស ឆ្ងាយពីក្រុងម៉ាឌ្រីត ភាគខាងលិច ប្រហែល១០០គីឡូម៉ែត្រ ក្នុងប្រទេសអេស្ប៉ាញ ។
៩-ថ្មបាក់សង្កត់
រថយន្តមួយគ្រឿងនៅក្នុងភូមិឡា ឡុងដឺ ឡឺម័រ ខេត្តវ៉ា ភាគខាងត្បូងប្រទេសបារាំង បានខូចខាតពីការបាក់ថ្មភ្នំ ដោយសារភ្លៀងធ្លាក់ខ្លាំង ។
១០-ប៉ះទង្គិចជាមួយក្រុមបាតុករ
ប៉ូលិសបង្ក្រាបចលាចលប៉ះទង្គិចជាមួយក្រុមអ្នកតវ៉ានៅទីក្រុងគៀវ ប្រទេសអ៊ុយក្រែន ក្រោយពីបាតុករជាច្រើនមុឺននាក់ចេញមុខតវ៉ានឹងច្បាប់គ្រប់គ្រងបាតុកម្ម កាលពីពេល ថ្មីៗកន្លងទៅ ៕
ចែករំលែកព័តមាននេះ