ប្រភពពីបរទេសនាពេលថ្មីៗនេះ បានបង្ហាញនូវរឿងរ៉ាវដ៏គួរឱ្យភ្ញាក់ផ្អើលមួយនៅពេលដែលបុរសម្នាក់ឈ្មោះ Paul Horner អាយុ៣៥ឆ្នាំ ជាអ្នករស់នៅក្នុងទីក្រុង San Francisco នៃសហរដ្ឋអាមេរិក បានសម្រេចចិត្តរៀបការជាមួយនឹងសត្វឆ្កែញីមួយក្បាល ។ នេះជាលើកទី១នៅក្នុងរដ្ឋ California ដែលបានអនុញ្ញាតឱ្យមានពិធីរៀបការស្របច្បាប់រវាងមនុស្ស និងសត្វ ។ ពិធីរៀបការយ៉ាង
ប្រភពពីបរទេសនាពេលថ្មីៗនេះ បានបង្ហាញនូវរឿងរ៉ាវដ៏គួរឱ្យភ្ញាក់ផ្អើលមួយនៅពេលដែលបុរសម្នាក់ឈ្មោះ Paul Horner អាយុ៣៥ឆ្នាំ ជាអ្នករស់នៅក្នុងទីក្រុង San Francisco នៃសហរដ្ឋអាមេរិក បានសម្រេចចិត្តរៀបការជាមួយនឹងសត្វឆ្កែញីមួយក្បាល ។ នេះជាលើកទី១នៅក្នុងរដ្ឋ California ដែលបានអនុញ្ញាតឱ្យមានពិធីរៀបការស្របច្បាប់រវាងមនុស្ស និងសត្វ ។ ពិធីរៀបការយ៉ាងចម្លែករវាងលោក Horner និងសត្វឆ្កែ មានភ្ញៀវជាច្រើនបានចូលរួមអបអរសាទរដល់គូស្វាមីភរិយាថ្មោងថ្មីមួយគូនេះ ។
លោក Horner បាននិយាយថា «គាត់បានរៀបការជាមួយនឹងឆ្កែញី កាលពីថ្ងៃច័ន្ទ ទី២៧ មករា ២០១៤ នៅឯព្រះវិហារមួយកន្លែង ស្ថិតនៅក្នុងទីក្រុង San Francisco ។ តាមពិតទៅឆ្កែញីនេះ វាមិនមែនជាឆ្កែរបស់គាត់ទេ តែវាជាឆ្កែរបស់គ្រូគង្វាលនៃសាសនាគ្រិស្ទម្នាក់ឈ្មោះថា Mac អាយុ៣៦ឆ្នាំ ។ ពិធីរៀបការរវាងមនុស្ស និងឆ្កែដែលកម្រជួបប្រទះនាពេលកន្លងមក បានធ្វើឱ្យមនុស្សមួយចំនួនបានសួរគាត់ថា ម៉េចក៏មិនជ្រើសរើសនារីណាម្នាក់ទៅ ហេតុអ្វីបែរជាមករៀបការជាមួយឆ្កែទៅវិញ? គាត់បញ្ជាក់ថា ដើមចមដែលគាត់មករៀបការជាមួយនឹងឆ្កែញីដែលមានរូបរាងដ៏ស្រស់នេះ ដោយដោយតែវា គឺជាការនាំផ្លូវ និងការរៀបចំព្រះរបស់តែប៉ុណ្ណោះ ពោលគឺនៅពេលដែលគាត់បានឃើញឆ្កែនេះភ្លាមហាក់ដូចជាមានចិត្តស្រឡាញ់វាលើសលប់ខុសពីឆ្កែដទៃៗទៀត ។ បន្ទាប់មកគាត់តែងតែនិយាយបង្ហាញពីអារម្មណ៍របស់ខ្លួនឱ្យមិត្តរបស់គាត់ស្តាប់ ពេលនោះហើយទើបមិត្តរបស់គាត់តបមកវិញថា នេះមកពីព្រះប្រគល់ទ្រព្យដ៏មានតម្លៃដល់អ្នក ។ ពេលនោះ មិត្តគាត់បានសួរបន្ថែមទៀតថា អីុចឹងតើគាត់គួរតែដោះស្រាយបែបណាទៅលើឆ្កែមួយក្បាលនេះ» ។
លោក Horner បាននិយាយបន្តថា «ក្រោយពីស្តាប់ការឆ្លើយតបមកវិញ មិត្តភក្តិគាត់ដែលជាគ្រូគង្វាលយកមកគិតពិចារណាមួយរយៈពេលខ្លី ដោយសារតែពិគ្រោះជាមួយនឹងសមាជិកនៅក្នុងគ្រួសារផង ទើបគាត់សម្រេចចិត្តរៀបការជាមួយនឹងឆ្កែញីមួយនោះ ។ ស្របពេលដែលនៅក្នុងរដ្ឋ California ចេញច្បាប់ថ្មី ដោយអនុញ្ញាតឱ្យមនុស្ស និងសត្វមានសិទ្ធិស្មើគ្នា ពោលគឺមនុស្សអាចរៀបការជាមួយនឹងសត្វក៏បានដែរ ។ ពិធីរៀបការនេះ ថ្វីដ្បិតចម្លែកបន្តិច តែគាត់ពិតជាសប្បាយចិត្តណាស់ ដោយសារបានដើរតាមព្រះទ័យរបស់ព្រះ ។ ជាពិសេស ឪពុកម្តាយរបស់គាត់បានខិតខំចំណាយពេលវេលាជិះយន្តហោះតាំងពីរដ្ឋ Hawaii ដើម្បីមកចូលរួមធ្វើសាក្សីនៅក្នុងពិធីរៀបការមួយនេះ ដោយគ្មានការជំទាស់ឡើយ» ។
សូមបញ្ជាក់ថា កូនកំលោះ និងកូនក្រមុំ (សត្វឆ្កែ) សុទ្ធតែបានគ្រងនូវឈុតសម្លៀកបំពាក់រៀបការប្រកបដោយភាពស្រស់ស្អាត ។ អ្វីដែលគួរឱ្យចាប់អារម្មណ៍ គឺកូនកំលោះមានអ្នកកំដរជាមនុស្ស ចំណែកឯកូនក្រមុំមានអ្នកកំដរជាសត្វឆ្កែដូចគ្នាថែម ៕
ចែករំលែកព័តមាននេះ