ស្ត្រីបងប្អូនភ្លោះពីរនាក់សាង ត្យានគីន និងសាង សួងគីន អាយុ៦៩ឆ្នាំដូចគ្នា ទើបតែប្រារព្ធខួបទី៥១ឆ្នាំ ថ្ងៃរៀបអាពាហ៍ពិពាហ៍របស់បងប្អូនខ្លួន ជាមួយបងប្អូនប្រុសភ្លោះជីន តេវ៉ា និងជីន ស៊ូបាវ អាយុ៧២ឆ្នាំដូចគ្នា ។
ស្ត្រីបងប្អូនភ្លោះពីរនាក់សាង ត្យានគីន និងសាង សួងគីន អាយុ៦៩ឆ្នាំដូចគ្នា ទើបតែប្រារព្ធខួបទី៥១ឆ្នាំ ថ្ងៃរៀបអាពាហ៍ពិពាហ៍របស់បងប្អូនខ្លួន ជាមួយបងប្អូនប្រុសភ្លោះជីន តេវ៉ា និងជីន ស៊ូបាវ អាយុ៧២ឆ្នាំដូចគ្នា ។
ប្តីប្រពន្ធពីរគូនេះ រៀបការជាមួយគ្នាតាំងពីឆ្នាំ១៩៦២ ដោយសារការរៀបចំរបស់គ្រួសារទាំងសងខាង ហើយរស់នៅជាមួយគ្នាយ៉ាងមានសុភមង្គលជារៀងរហូតនៅភូមិទុងគូ ស្រុកយូយ៉ាង ខេត្តហឺណាន ប្រទេសចិន ។ ជីន តេវ៉ា បានឱ្យដឹងថា បងប្អូនខ្លួន និងបងប្អូនរបស់ប្រពន្ធ មានការទាក់ទងគ្នាតាំងពីនៅ ក្មេងៗរត់លេងជាមួយគ្នារាល់ថ្ងៃ ៖ «គ្រួសារពួកខ្ញុំមានប្រពៃណីមួយដូចគ្នា គឺបងប្អូនភ្លោះ ត្រូវរកប្រពន្ធ ឬប្តីជាបងប្អូនភ្លោះដែរ ដើម្បីឱ្យជីវភាពកាន់តែសម្បូរសប្បាយរុងរឿង ។ ពួកខ្ញុំស្គាល់គ្នាតាំងពីនៅ ក្មេងៗ ។ ពេលនោះគ្រួសារទាំងសងខាងបានព្រមព្រៀងគ្នាផ្ទាល់មាត់ថា ចាំពួកខ្ញុំធំឡើងនឹងរៀបចំឱ្យ កូនៗក្លាយជាប្តីប្រពន្ធ» ។
លោកយាយសាងសួងគីន និយាយក្នុងលក្ខណៈ អៀនៗ ពេលរំលឹកដល់រឿងចាស់ ៖ «ខ្ញុំស្គាល់ប្តីខ្ញុំ និងបងថ្លៃខ្ញុំតាំងពីខ្លួនឯងអាយុ១០ឆ្នាំ ។ ពួកគេដូចគ្នាបេះបិទ ដល់ថ្នាក់បងប្អូនខ្ញុំមើលច្រឡំ រហូតពុំដឹងមួយណាតេវ៉ា មួយណាស៊ូបាវ ។ ខាងបងប្អូនប្តីខ្ញុំពុំដឹងច្រឡំបងប្អូនខ្ញុំអុីចឹងដែរ ឬអត់ទេ ។ ទាល់តែក្លាយជាប្តីប្រពន្ធ រៀងៗខ្លួន ទើបខ្ញុំ និងបងស្រីខ្ញុំសម្គាល់ដឹងលក្ខណៈខុសគ្នាខ្លះរបស់ពួកគាត់ ។
ប្តីប្រពន្ធកូនភ្លោះពីរគូនេះ មានកូនប្រុសសរុប៥នាក់ ស្រី៤នាក់ ដែលសព្វថ្ងៃពួកគាត់ក្លាយជាតា ជាយាយរបស់ ចៅៗមួយហ្វូងទៅហើយ ។ ពួកគាត់សង់ផ្ទះនៅក្បែរគ្នាតាំងពីពេលមានគ្រួសាររហូតដល់សព្វថ្ងៃ ៕
ចែករំលែកព័តមាននេះ