លោកតា Donald Devault អាយុ៧៣ឆ្នាំ នៅក្រុងអូហាម៉ា រដ្ឋណេប្រាស្កា សហរដ្ឋអាមេរិក សុខៗស្រាប់តែប៉ូលិសផ្តល់ដំណឹងថា ម៉ូតូម៉ាក Triumph Tiger 100 ដែលគាត់ធ្លាប់ប្តឹងប៉ូលិសថា ត្រូវចោរលួចបាត់ពេលគាត់ទុកនៅក្នុងទីធ្លាក្រោយផ្ទះ កាលពីឆ្នាំ១៩៦៧នោះ ឥទ្បូវរកឃើញវិញហើយ ។
លោកតា Donald Devault អាយុ៧៣ឆ្នាំ នៅក្រុងអូហាម៉ា រដ្ឋណេប្រាស្កា សហរដ្ឋអាមេរិក សុខៗស្រាប់តែប៉ូលិសផ្តល់ដំណឹងថា ម៉ូតូម៉ាក Triumph Tiger 100 ដែលគាត់ធ្លាប់ប្តឹងប៉ូលិសថា ត្រូវចោរលួចបាត់ពេលគាត់ទុកនៅក្នុងទីធ្លាក្រោយផ្ទះ កាលពីឆ្នាំ១៩៦៧នោះ ឥទ្បូវរកឃើញវិញហើយ ។
តាមសម្តីលោកតា Donald Devault ឃើញថា ក្នុងជំនន់ទសវត្ស៦០នៃសតវត្សទី២០ ម៉ូតូម៉ាក Triumph Tiger ដែលផលិតនៅប្រទេសអង់គ្លេស ជាប្រភេទម៉ូតូពេញនិយមបំផុត ព្រោះតារាភាពយន្តហូលីវូដលោក Marlon Brando (1924-2004) ធ្លាប់ប្រើប្រាស់ក្នុងខ្សែភាពយន្ត The Wild One ។ វាពេញនិយមស្រាប់ លុះបានតួឯកភាពយន្តប្រើប្រាស់ថតក្នុងរឿងភាពយន្តទៀត ធ្វើឱ្យវាកាន់តែល្បីល្បាញខ្លាំងទ្បើង ។
ម៉ូតូម៉ាក Triumph Tiger 100 របស់លោកតា Donald Devault រកឃើញវិញពេលគេយកវាទ្បើងនាវាទំនិញបម្រុងនាំទៅប្រទេសជប៉ុន ។ ពេលនោះភ្នាក់ងារគយកំពង់ផែទ្បូសអេនចឺទ្បេស រដ្ឋកាលីហ្វ៊័រនីញ៉ា ត្រួតពិនិត្យលេខម៉ាស៊ីនដឹងថា ជារបស់ចោរលួចក៏រាយការណ៍ឱ្យប៉ូលិសស្រាវជ្រាវរកម្ចាស់ដើម ។ ប៉ូលិសស្រាវជ្រាវតាមឯកសារ រហូតដល់រកឃើញម្ចាស់ដើម ដែលបានប្តឹងពីការបាត់ម៉ូតូនេះ កាលពី៤៦ឆ្នាំមុន គឺក្នុងឆ្នាំ១៩៦៧ ក៏ប្រញាប់ផ្តល់ដំណឹងដល់លោកតា ដើម្បីទៅពិនិត្យមើល តើមួយហ្នឹងឬមិនមែន ។
គេដឹងថា ម៉ូតូម៉ាក Triumph Tiger 100 មួយគ្រឿងកាលពីឆ្នាំ១៩៦៧ តម្លៃ៣០០ដុល្លារអាមេរិក ដែលតម្លៃនេះបើគិតជាប្រាក់ដុល្លារ
អាមេរិកសព្វថ្ងៃត្រូវជា៩.០០០ដុល្លារឯណោះ ៕
ចែករំលែកព័តមាននេះ