រាជធានីភ្នំពេញ ៖ ហេតុការណ៍ផ្ទុះអាវុធមួយបានកើតឡើងនៅចំណុចផ្ទះល្វែងមួយកន្លែងមានទីតាំងលេខ៤៦ ក្រុម១៤ ភូមិទួលរកា១ សង្កាត់ចាក់អង្រែក្រោម ខណ្ឌមានជ័យ កាលពីវេលាម៉ោង១២និង៥០នាទីឈានចូលថ្ងៃទី៣ កុម្ភៈ បណ្ដាលឱ្យបុរស២នាក់រងរបួសធ្ងន់ ប៉ុន្តែនៅមិនទាន់ដឹងពីមូលហេតុច្បាស់លាស់នៅឡើយទេ ។
រាជធានីភ្នំពេញ ៖ ហេតុការណ៍ផ្ទុះអាវុធមួយបានកើតឡើងនៅចំណុចផ្ទះល្វែងមួយកន្លែងមានទីតាំងលេខ៤៦ ក្រុម១៤ ភូមិទួលរកា១ សង្កាត់ចាក់អង្រែក្រោម ខណ្ឌមានជ័យ កាលពីវេលាម៉ោង១២និង៥០នាទីឈានចូលថ្ងៃទី៣ កុម្ភៈ បណ្ដាលឱ្យបុរស២នាក់រងរបួសធ្ងន់ ប៉ុន្តែនៅមិនទាន់ដឹងពីមូលហេតុច្បាស់លាស់នៅឡើយទេ ។
បុរសទាំង២នាក់ខាងលើនេះម្នាក់ឈ្មោះអែល ហាលី អាយុ៤៤ឆ្នាំ ជាមន្ត្រីនគរបាលនៃស្នងការដ្ឋានខេត្តកណ្ដាល ជាម្ចាស់កាំភ្លើងត្រូវរបួសត្រគាកខាងឆ្វេង និងម្នាក់ទៀតឈ្មោះអ៊ុយ កានកិត្យា អាយុ៣២ឆ្នាំ ជាជាងម៉ូតូរងរបួសត្រង់ប្រអប់ដៃខាងឆ្វេង ។ តាមចម្លើយសារភាពរបស់ឈ្មោះអ៊ុយ កានកិត្យា បានឱ្យដឹងថា មុនពេលកើតហេតុខ្លួនឃើញកាំភ្លើងបងប្រុសទុកនៅក្នុងផ្ទះក៏ទាញមកអាមេ៉លេង(បញ្ចូលគ្រាប់)ក៏បណ្ដាលឱ្យផ្ទុះពេលនោះបងប្រុសរបស់ខ្លួនបានដណ្ដើមយកកាំភ្លើងពីខ្លួនវិញក៏កើតជារឿងហេតុផ្ទុះចំនួនពីរបីគ្រាប់ផ្ទួនៗគ្នាទៀត បណ្ដាលឱ្យរងរបួសទាំងអស់គ្នាតែម្ដង ។ ចំណុចមួយទៀតដែលគួរឱ្យសង្ស័យនិងស្ថិតក្នុងភាពមិនច្បាស់លាស់ទៅវិញនោះគឺឈ្មោះអ៊ុយ កានកិត្យា ដែលរបួសប្រអប់ដៃបាននិយាយថា កាំភ្លើងនេះគឺខ្លួនទើបតែដូរម៉ូតូគេយកមកទុកជាប់ខ្លួនតែមិនដឹងថា ទុកដើម្បីគោលបំណងអ្វីច្បាស់លាស់នោះទេ ។
ក្នុងចម្លើយនេះសមត្ថកិច្ចមិនទាន់កំណត់យ៉ាងណានៅឡើយ គឺសមត្ថកិច្ចកំពុងតែធ្វើការសើុបអង្កេតយ៉ាងយកចិត្តទុកដាក់បំផុត ។ សូមបញ្ជាក់ថា រវាងឈ្មោះអែល ហាលី និងឈ្មោះអ៊ុយ កានកិត្យា គឺជាបងប្អូនធម៌នឹងគ្នាដែលក្នុងនោះមុនពេលកើតហេតុនៅវេលាម៉ោង១២រំលងអធ្រាត្រឈានចូលថ្ងៃទី៣ កុម្ភៈនោះឈ្មោះអែល ហាលី បានចេញពីធ្វើការទៅស្នាក់នៅក្នុងផ្ទះកើតហេតុខាងលើតាំងពីក្បាលព្រលប់់រហូរដល់វេលាកើតហេតុ នេះបើតាមការអះអាងពីប្រពន្ធរបស់ឈ្មោះអ៊ុយ កានកិត្យា ។ ប្រភពដដែលបន្តថា ប្ដីរបស់ខ្លួននិងឈ្មោះអែល ហាលី ដែលជាមន្ត្រីនគរបាលនៃស្នងការដ្ឋានខេត្តកណ្ដាលនិងធ្វើការមួយកន្លែងទៀតនៅកាសីុណូ ជាមនុស្សរាប់អានគ្នាល្អូកល្អិនស្រឡាញ់គ្នាខ្លាំងណាស់ មិនដែលមានទំនាស់អ្វីនឹងគ្នាទេ ។ ក្នុងហេតុការណ៍ផ្ទុះអាវុធនេះ ដំបូងឡើយក៏នាងមិនដឹងដែរព្រោះនាងនៅក្នុងបន្ទប់ខាងក្រោមបំពេរកូននិងបំបៅឱ្យកូនគេង ហើយបុរសជាម្ចាស់កាំភ្លើងនិងប្ដីរបស់នាងនៅក្នុងបន្ទប់ឡៅតឿ ។ លុះពេលឮស្នូរផ្ទុះអាវុធ ទើបនាងចេញមកក្រៅឃើញទាំងពីរនាក់ដេកដួលក៏កើតជាការភ្ញាក់ផ្អើលឡើងតែម្ដង ។
បើទោះបីជាមានការអះអាងពីប្រភពព័ត៌មានខ្លះៗទៅហើយក្ដី ក៏សមត្ថកិច្ចនៅមិនទាន់ជឿលើជនរងគ្រោះទាំងពីរនាក់ឆ្លើយសារភាពដែរ តែសមត្ថកិច្ចកំពុងបន្តធ្វើការស្រាវជ្រាវយ៉ាងយកចិត្តទុកដាក់ និងអាចឈានទៅមានពន្លឺផ្សេងក៏ថាបានដែរ ។ មាននគរបាលម្នាក់ទៀតបង្ហើបថា ប្រសិនបើរឿងនេះដូចអ្វីដែលឈ្មោះអ៊ុយ កានកិត្យា បាននិយាយពិតមែន គឺមិនមានបញ្ហាអ្វីនោះទេ ៕
ចែករំលែកព័តមាននេះ