ពួកបាតុករប្រឆាំងថៃ ដែលបោះជំរំចាប់តាំងពីពាក់កណ្តាលខែ មករា មក នៅភាគខាងជើងក្រុងបាងកក បានបំផ្លាញចោលជំរំតវ៉ា២កន្លែង កាលពីថ្ងៃទី៣ កុម្ភៈ មុនពេលដើរហែក្បួនជាថ្មី ទាមទារឱ្យលោកស្រីយីងឡាក់ លាលែងចេញពីតំណែងក្រោយការបោះឆ្នោតសភា ដែលមានការរាំងខ្ទប់ខ្លាំង ។
ពួកបាតុករប្រឆាំងថៃ ដែលបោះជំរំចាប់តាំងពីពាក់កណ្តាលខែ មករា មក នៅភាគខាងជើងក្រុងបាងកក បានបំផ្លាញចោលជំរំតវ៉ា២កន្លែង កាលពីថ្ងៃទី៣ កុម្ភៈ មុនពេលដើរហែក្បួនជាថ្មី ទាមទារឱ្យលោកស្រីយីងឡាក់ លាលែងចេញពីតំណែងក្រោយការបោះឆ្នោតសភា ដែលមានការរាំងខ្ទប់ខ្លាំង ។
បាតុករមួយចំនួនបានដើរតាមក្រោយមេខ្លោងពួកគេ លោកស៊ូថេប ធឿកស៊ូបាន ចំណែកមួយចំនួនទៀតលើកគ្នាតាមក្រោយដោយជិះរថយន្ត ។ ចំណែកបាតុករ១ក្រុម បានលើកគ្នាទៅឡោមព័ទ្ធអគាររដ្ឋមួយនៅភាគខាងជើងរាជធានី ជាកន្លែងលោកស្រីយីងឡាក់ ដឹកនាំកិច្ចប្រជុំមួយ ។
ជំរំ២កន្លែងក្នុងចំណោមជំរំ៧កន្លែង ដែលបោះជាតង់នៅតាមផ្លូវបំបែកធំៗ ត្រូវបានរើចេញ ហើយពួកអ្នកនៅក្នុងជំរំទាំង២នោះ បានលើកគ្នាទៅកាន់ឧទ្យានលុមពីនី នាកណ្តាលក្រុងបាងកក ។ ជំរំទី៣មួយទៀត នៅតំបន់ប្លុករដ្ឋបាលធំមួយ ក៏នឹងអាចរើចេញផងដែរ។
យោងតាមអ្នកយកព័ត៌មានរបស់រ៉យទ័រម្នាក់ថា ការហែក្បួនកាលពីថ្ងៃទី៣ កុម្ភៈ មានមនុស្សចូលរួមតែប្រមាណជា៣.០០០នាក់ប៉ុណ្ណោះ ។
អ្នកវិភាគម្នាក់លោក CHRIS BAKER និយាយថា ការចរចានឹងជាការចាំបាច់ ព្រោះភាគីទាំងសងខាង សុទ្ធតែចង់ចៀសវាងពីការប្រឈមមុខដាក់គ្នានៅទីលានសាធារណៈ ។ មជ្ឈដ្ឋានពួកពាណិជ្ជករ ក៏នឹងត្រូវធ្វើការផ្តួចផ្តើមគំនិតនានាដើម្បីដើរតួនាទីជាអាជ្ញាកណ្តាលដែរ៕
ចែករំលែកព័តមាននេះ