ខេត្តព្រះវិហារ ៖ រមណីយដ្ឋានវប្បធម៌ប្រវត្តិសាស្ត្រប្រាសាទព្រះវិហារ បានទទួលភ្ញៀវទេសចរជាតិ និងអន្តរជាតិច្រើនពាន់នាក់ក្នុង១ថ្ងៃៗ ជាឱកាសបុណ្យចូលឆ្នាំប្រពៃណីចិន-វៀតណាម ។ នេះបើតាមការបញ្ជាក់ឱ្យដឹងពីលោក ចាន់ ឆន អ្នកគ្រប់គ្រងព័ត៌មាននៃអាជ្ញាធរជាតិព្រះវិហារ ប្រចាំប្រាសាទព្រះវិហារ ។
ខេត្តព្រះវិហារ ៖ រមណីយដ្ឋានវប្បធម៌ប្រវត្តិសាស្ត្រប្រាសាទព្រះវិហារ បានទទួលភ្ញៀវទេសចរជាតិ និងអន្តរជាតិច្រើនពាន់នាក់ក្នុង១ថ្ងៃៗ ជាឱកាសបុណ្យចូលឆ្នាំប្រពៃណីចិន-វៀតណាម ។ នេះបើតាមការបញ្ជាក់ឱ្យដឹងពីលោក ចាន់ ឆន អ្នកគ្រប់គ្រងព័ត៌មាននៃអាជ្ញាធរជាតិព្រះវិហារ ប្រចាំប្រាសាទព្រះវិហារ ។
លោកឱ្យដឹងថា ក្នុង១ថ្ងៃៗ ភ្ញៀវចម្រុះជាតិសាសន៍ពិសេសនោះ កូនខ្មែរកាត់ចិនទៅទស្សនាកម្សាន្តនៅរមណីយដ្ឋានប្រវត្តិសាស្ត្រប្រាសាទព្រះវិហារ ចាប់ពី១.៥០០នាក់ ទៅ២.០០០ នាក់ ។ លោកបានបញ្ជាក់ឱ្យដឹងដែរថា កំណើនភ្ញៀវទេសចរទៅកាន់ប្រសាទព្រះវិហារ ក្នុងឱកាសបុណ្យចូលឆ្នាំប្រពៃណីចិន-វៀតណាម ឆ្នាំនេះគឺមានកំណើនលើសពីបណ្តាឆ្នាំមុនៗ ។
ប្រាសាទព្រះវិហារ គឺជាមរតកដ៏មហាសាល ដែលមិនអាចកាត់ថ្លៃបាន បន្សល់ទុកជាកេរតំណែល នៃបុព្វបុរសខ្មែរយើង កាលពីសម័យអង្គរដ៏រុងរឿង ដែលបានសាងសង់ឡើងនៅលើកំពូលភ្នំដងរែក ក្នុងអធិបតេយ្យរបស់កម្ពុជា បានបន្សល់ទុកនូវតឹកតាងប្រវត្តិសាស្ត្រ ឱ្យកូនខ្មែរយើងនៅសម័យនេះ ក៏ដូចជាសម្រាប់កូនខ្មែរជំនាន់ក្រោយៗទៀតបានទៅទស្សនា និងថែរក្សា ។
នៅលើរមណីយដ្ឋានប្រាសាទព្រះវិហារ បច្ចុប្បន្នអាជ្ញាធរជាតិព្រះវិហារ កំពុងថែរក្សាជាប្រចាំ គឺក្នុងនោះដែរក៏មានឆ្មាំប្រាសាទ និងអ្នកអនាម័យធ្វើការថែទាំក្នុងបរិវេណប្រាសាទយ៉ាងយកចិត្តទុកដាក់ផងដែរ ។ ដោយឡែកបញ្ហាសភាពការណ៍នៅតាមបណ្តោយខ្សែត្រៀមជួរមុខ ក្នុងតំបន់ប្រាសាទព្រះវិហារ ក៏ដូចជាតាមបណ្តោយជួរភ្នំដងរែក ស្ថិតក្នុងឱកាសប្រទេសថៃធ្វើការបោះឆ្នោត ក៏ពុំមានសភាពការណ៍អ្វីគួរឱ្យកត់សម្គាល់ទេ គឺមានភាពស្ងប់ស្ងាត់ ៕
ចែករំលែកព័តមាននេះ