កីឡាការិនីលំដាប់ទី២៨ ពិភពលោកជាតិរុស្ស៊ី អេកាតឺរីណា ម៉ាការ៉ូវ៉ា ដណ្តើមបានពានជើងឯកសមាគម WTA ជាលើកទី១ ក្នុងរយៈពេលជិត៤ឆ្នាំ ខណៈកាលពីថ្ងៃអាទិត្យ ទី២ កុម្ភៈ នាងបានយកឈ្នះជើងឯកក្នុងកម្មវិធី Pattaya Open នៅប្រទេសថៃ ។ ម៉ាការ៉ូវ៉ា ក្នុងនាមជាកីឡាការិនីលំដាប់ទី៤របស់កម្មវិធី បានបំបាក់កីឡាការិនីឆែក ការ៉ូលីណា ភ្លីស្កូវ៉ា ក្នុងលទ្ធផល៦-៣ និង៧-៦ ដោយប្រើ
កីឡាការិនីលំដាប់ទី២៨ ពិភពលោកជាតិរុស្ស៊ី អេកាតឺរីណា ម៉ាការ៉ូវ៉ា ដណ្តើមបានពានជើងឯកសមាគម WTA ជាលើកទី១ ក្នុងរយៈពេលជិត៤ឆ្នាំ ខណៈកាលពីថ្ងៃអាទិត្យ ទី២ កុម្ភៈ នាងបានយកឈ្នះជើងឯកក្នុងកម្មវិធី Pattaya Open នៅប្រទេសថៃ ។ ម៉ាការ៉ូវ៉ា ក្នុងនាមជាកីឡាការិនីលំដាប់ទី៤របស់កម្មវិធី បានបំបាក់កីឡាការិនីឆែក ការ៉ូលីណា ភ្លីស្កូវ៉ា ក្នុងលទ្ធផល៦-៣ និង៧-៦ ដោយប្រើពេលអស់១ម៉ោងនិង៣៦នាទី ។
នេះគឺជាពានជើងឯកលើកទី២ របស់នាងហើយនៅក្នុងអាជីព ។ សូមរំលឹកថា ពានជើងឯកលើកទី១ របស់នាងកើតមាននៅទីក្រុង Eastbourne កាលពីឆ្នាំ២០១០ ។ នាងបានថ្លែងថា ៖ «ខ្ញុំបានព្យាយាមអស់ពីសមត្ថភាពទទួលសឺវីសដៃគូ ។ ខ្ញុំសប្បាយចិត្តខ្លាំងណាស់ដែលដណ្តើមបានពានជើងឯកលើកទី២ ក្នុងអាជីព»។
ដោយឡែក នៅឯទីក្រុងប៉ារីស ប្រទេសបារាំងឯណោះវិញ កីឡាការិនីរុស្ស៊ី អាណាស្តាសៀ ប៉ាវលូឆិនកូវ៉ា បានយកឈ្នះពានជើងឯកកម្មវិធី Open GDF Suez បន្ទាប់ពីបានបំបាក់កីឡាការិនីអុីតាលី សារ៉ា អេរ៉ានី នៅវគ្គផ្តាច់ព្រ័ត្រក្នុងលទ្ធផល៣-៦, ៦-២ និង៦-៣។
សម្រាប់កីឡាការិនីវ័យ២២ឆ្នាំរូបនេះ វាជាពានលើកទី៦ហើយនៅក្នុងអាជីព ។ នាងបាននិយាយថា ៖ «នេះជាការប្រកួតដែលប្រើចិត្តសាស្ត្រច្រើន ។ វាបានធ្វើឱ្យខ្ញុំមានទំនុកចិត្តបន្តិចបន្តួចដែរ ។ តែយ៉ាងណា អំឡុងពេលប្រកួត ខ្ញុំនៅតែប្រឹងប្រែងមិនហ៊ានទម្លាក់ដៃនោះទេ ។
នេះពិតជាសប្តាហ៍ល្អមួយ ហើយខ្ញុំនឹងរក្សាវាឱ្យមានបន្តទៅថ្ងៃខាងមុខទៀត»។ នៅក្នុងកម្មវិធីនេះ នាងប៉ាវលូឆិនកូវ៉ា បានបំបាក់ជើងខ្លាំងស្ថិតក្នុងលំដាប់ពីលេខ១ ដល់លេខ១០ អស់ចំនួន៣នាក់ ក្នុងនោះនាងម៉ារីយ៉ា សារ៉ាប៉ូវ៉ា នៅវគ្គពាក់កណ្តាលផ្តាច់ព្រ័ត្រ នាងAngelique Kerber នៅវគ្គ១/៤ផ្តាច់ព្រ័ត្រ និងនៅវគ្គនេះគឺនាងអេរ៉ានី ៕
ចែករំលែកព័តមាននេះ