កងទ័ពរដ្ឋាភិបាលអុីរ៉ាក់ កាលពីថ្ងៃទី២ ធ្នូ បានប៉ុនប៉ងវាយដណ្តើមកាន់កា.ប់វិញនូវសង្កាត់ទាំងឡាយនៃទីក្រុងរ៉ាម៉ាឌី ស្ថិតនៅចម្ងាយប្រមាណជា១០០គ.ម ពីទីក្រុងបាដាដ ខណៈមួយផ្នែកនៃទីក្រុងនោះ របូតពីការត្រួតត្រារបស់រដ្ឋាភិបាល ចាប់តាំងពីជាង១ខែមកហើយ ។
កងទ័ពរដ្ឋាភិបាលអុីរ៉ាក់ កាលពីថ្ងៃទី២ ធ្នូ បានប៉ុនប៉ងវាយដណ្តើមកាន់កាប់វិញនូវសង្កាត់ទាំងឡាយនៃទីក្រុងរ៉ាម៉ាឌី ស្ថិតនៅចម្ងាយប្រមាណជា១០០គ.ម ពីទីក្រុងបាដាដ ខណៈមួយផ្នែកនៃទីក្រុងនោះ របូតពីការត្រួតត្រារបស់រដ្ឋាភិបាល ចាប់តាំងពីជាង១ខែមកហើយ ។
ម៉្យាងវិញទៀតនៅអុីរ៉ាក់ មនុស្ស២១នាក់បានត្រូវស្លាប់កាលពីថ្ងៃទី២ កុម្ភៈ ខណៈដែលអំពើហិង្សាទាំងឡាយសម្លាប់មនុស្សជាង១.០០០នាក់ ក្នុងខែមករា ធ្វើឱ្យខែនោះជាខែមានមនុស្សស្លាប់ច្រើនបំផុតចាប់តាំងពីខែមេសា ឆ្នាំ២០០៨មក ។នៅក្រុងរ៉ាម៉ាឌី កងទ័ពនិងប៉ូលិសជួយប្រយុទ្ធ ដោយពួកកុលសម្ព័ន្ធជាសម្ព័ន្ធមិត្តបានធ្វើការវាយលុកនៅភាគខាងត្បូងក្រុងប្រឆាំងពួកបះបោរញុាំងឱ្យមានការប្រយុទ្ធគ្នាយ៉ាងសាហាវបំផុតនានា ។ តុល្យការនៃការប្រយុទ្ធទាំងនោះនៅពុំទាន់ដឹងនៅឡើយ ។ រដ្ឋមន្ត្រីការពារប្រទេសស្តីទីលោកសាអាឌូន អាល់ឌូឡៃ អុីមី បានទៅកាន់ទីក្រុងនោះ ដើម្បីត្រួតពិនិត្យប្រតិបត្តិការវាយលុក ។
ពួកបះបោរដែលក្នុងនោះក្រៅពីពួកក្រុមរដ្ឋអ៊ិស្លាមអុីរ៉ាក់ និង Levant (EIIL) នៅមានក្រុមប្រដាប់អាវុធដទៃៗទៀត និងពួកយុទ្ធជននៃកុលសម្ព័ន្ធប្រឆាំងរដ្ឋាភិបាល កាលពីដើមខែមករា ដណ្តើមត្រួតត្រាសង្កាត់ជាច្រើននៃក្រុងរ៉ាម៉ាឌីទីប្រជុំជនខេត្តអានបា ព្រមទាំងកាន់កាប់ទីក្រុងហ្វាល់លូចា នៅជិតខាងទាំងស្រុង ។នេះជាលើកដំបូងហើយ ដែលពួកបះបោរមានទំនាក់ទំនងជាមួយអាល់កៃដា វាយដណ្តើមត្រួតត្រាដោយចំហតំបន់ទីក្រុងនៅអុីរ៉ាក់ ។
យោងតាម អ.ស.ប ថាមនុស្សជាង១៤០.០០០នាក់ភៀសខ្លួន គេចចេញពីអំពើហិង្សានៅខេត្តអានបា ។ នោះជាការភៀសចេញដ៏ធំនៅអុីរ៉ាក់ពុំធ្លាប់មានចាប់តាំងពី៥ឆ្នាំមកហើយ ។នាថ្ងៃទី២ កុម្ភៈ ក៏មានការវាយប្រហារនានានៅក្រុងបាដាដ និងនៅតំបន់ជាយក្រុងនេះព្រមទាំងនៅភាគខាងជើងប្រទេស បណ្តាលឱ្យមនុស្សស្លាប់សរុប២១នាក់ ៕
ចែករំលែកព័តមាននេះ