ប្រទេសថៃបានជួបនឹងឱនភាពពាណិជ្ជកម្មចំនួន២២,១៩ពាន់លានដុល្លារ កាលពីឆ្នាំ២០១៣ ដោយការនាំចេញធ្លាក់ចុះជាង០,៣%បើធៀបនឹងឆ្នាំកន្លងទៅ នេះបើយោងតាមស្ថិតិចេញផ្សាយដោយធនាគារកណ្តាលថៃកាលពីថ្ងៃសុក្រ ។ នេះជាលើកដំបូងហើយដែលប្រទេសថៃជួបនឹងឱនភាពពាណិជ្ជកម្មក្នុងរយៈពេលបួនឆ្នាំចុងក្រោយនេះ ។
ប្រទេសថៃបានជួបនឹងឱនភាពពាណិជ្ជកម្មចំនួន២២,១៩ពាន់លានដុល្លារ កាលពីឆ្នាំ២០១៣ ដោយការនាំចេញធ្លាក់ចុះជាង០,៣%បើធៀបនឹងឆ្នាំកន្លងទៅ នេះបើយោងតាមស្ថិតិចេញផ្សាយដោយធនាគារកណ្តាលថៃកាលពីថ្ងៃសុក្រ ។ នេះជាលើកដំបូងហើយដែលប្រទេសថៃជួបនឹងឱនភាពពាណិជ្ជកម្មក្នុងរយៈពេលបួនឆ្នាំចុងក្រោយនេះ ។
យោងតាមស្ថិតិដដែលនេះបានបង្ហាញថា កាលពីឆ្នាំ២០១៣ ប្រទេសថៃរកចំណូលពីការនាំចេញបានចំនួន២២៨,៥ពាន់លានដុល្លារ ធ្លាក់ចុះ០,៣១%បើធៀបនឹងរយៈពេលដូចគ្នាកាលពីឆ្នាំកន្លងទៅ ។ ស្របពេលជាមួយគ្នានេះដែរប្រទេសនេះបានចំណាយ២៥០,៧ពាន់លានដុល្លារសម្រាប់ការនាំចូល កើនឡើង០,២៩%បើធៀបនឹងឆ្នាំកន្លងទៅ ។
ធនាគារកណ្តាលថៃនិយាយថា អសមតុល្យបន្តិចបន្តួចដែលមាននៅក្នុងជញ្ជីងទូទាត់បង្កឡើងដោយឱនភាពលំហូរមូលធនបន្ទាប់ពីការលក់ចេញទ្រព្យសកម្មបរទេសនៅក្នុងទីផ្សារមូលធនរបស់ថៃ ។ ជាមួយគ្នានេះដែរ អតិផរណា នៅតែទាបដដែលដោយសារតម្លៃម្ហូបអាហារនិងតម្លៃថាមពលធ្លាក់ចុះ ។ វិស័យទេសចរណ៍របស់ប្រទេសថៃបានជួបនឹងការធ្លាក់ចុះដោយសារអស្ថិរភាពនយោបាយនៅក្នុងប្រទេស ចាប់តាំងពីខែតុលា ឆ្នាំ២០១៣ ។ នៅក្នុងរយៈពេលមួយខែដំបូងឆ្នាំនេះ ថៃទទួលបានអ្នកទេសចរចំនួន២,៦លាននាក់ ពោលគឺកើនឡើង៦,៧% បើធៀបនឹងបណ្តាខែកន្លងទៅដែលមានកំណើន១១,៩% ៕
ចែករំលែកព័តមាននេះ