ប្រភពព័ត៌មានផ្លូវការរាយការណ៍ថា មនុស្សយ៉ាងតិច៥នាក់ត្រូវស្លា.ប់ ហើយ៣១នាក់ទៀតត្រូវរបួស កាលពីថ្ងៃទី២ កុម្ភៈ ដោយសារការគប់គ្រាប់បែកដៃ២គ្រាប់ក្នុងរោងភាពយន្ដមួយ នៅទីក្រុងប៉េសាវ៉ាភាគពាយ័ព្យប៉ាគីស្ថាន ។
ប្រភពព័ត៌មានផ្លូវការរាយការណ៍ថា មនុស្សយ៉ាងតិច៥នាក់ត្រូវស្លាប់ ហើយ៣១នាក់ទៀតត្រូវរបួស កាលពីថ្ងៃទី២ កុម្ភៈ ដោយសារការគប់គ្រាប់បែកដៃ២គ្រាប់ក្នុងរោងភាពយន្ដមួយ នៅទីក្រុងប៉េសាវ៉ាភាគពាយ័ព្យប៉ាគីស្ថាន ។
មន្ដ្រីប៉ូលិសម្នាក់លោក សាអ៊ូកាត យូសាហ្វហ្សៃ និយាយថា ការវាយប្រហារនោះកើតមានក្នុងរោងភាពយន្ដ PICTURE HOUSE នាភាគកណ្ដាលក្រុងប៉េសាវ៉ា ទីប្រជុំខេត្ដឃីប័រ ប៉ាកទុនក្វា ។ ប៉ូលិសនិងពួកអ្នកជួយសង្គ្រោះបានទៅដល់កន្លែងផ្ទុះ ដោយបញ្ជូនពួកអ្នករបួសទៅកាន់មន្ទីរពេទ្យ LADY READING ដោយក្នុងចំណោមអ្នករបួស៣នាក់ ស្ថិតក្នុងសភាពធ្ងន់ធ្ងរ។
យោងតាមលោក យូសាហ្វហ្សៃ ថា ពួកជនមិនស្គាល់មុខបានគប់គ្រាប់បែកដៃ២គ្រាប់ចូលក្នុងរោងភាពយន្ដមួយមុនពេលរត់គេចខ្លួន ។ ពេលផ្ទុះមានមនុស្សជាង១០០នាក់កំពុងទស្សនាភាពយន្ដមួយក្នុងសាលពិសេសរបស់រោងភាពយន្ដ ៕
ចែករំលែកព័តមាននេះ