យោងតាមគេហទំព័របរទេសចេញផ្សាយកាលពីថ្ងៃទី២៧ មករា ឆ្នាំ២០១៤ ឱ្យដឹងថា ក្រុមហ៊ុន Samsung គ្រោងនឹងដាក់បង្ហាញទូរស័ព្ទស៊េរីថ្មីរបស់ខ្លួនគឺ Samsung ZEQ 9000 នៅក្នុងព្រឹត្តិការណ៍តាំងពិព័រណ៍បច្ចេកវិទ្យាអន្តរជាតិ ។ លក្ខណៈពិសេសរបស់វា គឺមិនខុសពីស៊េរីទូរស័ព្ទ Smartphone ជំនាន់មុននោះទេ តែវាត្រូវបានរចនាជាពិសេសដោយបន្ថែមទំហំអេក្រង់ ៤.៨អីុញ កម្រិតពន្លឺ
យោងតាមគេហទំព័របរទេសចេញផ្សាយកាលពីថ្ងៃទី២៧ មករា ឆ្នាំ២០១៤ ឱ្យដឹងថា ក្រុមហ៊ុន Samsung គ្រោងនឹងដាក់បង្ហាញទូរស័ព្ទស៊េរីថ្មីរបស់ខ្លួនគឺ Samsung ZEQ 9000 នៅក្នុងព្រឹត្តិការណ៍តាំងពិព័រណ៍បច្ចេកវិទ្យាអន្តរជាតិ ។ លក្ខណៈពិសេសរបស់វា គឺមិនខុសពីស៊េរីទូរស័ព្ទ Smartphone ជំនាន់មុននោះទេ តែវាត្រូវបានរចនាជាពិសេសដោយបន្ថែមទំហំអេក្រង់ ៤.៨អីុញ កម្រិតពន្លឺភ្លឺច្បាស់ HD Screen 1280 x 720 ភិចស៊ែល ភ្ជាប់ប្រព័ន្ធ 4G LTE និង Processor 800 Qualcomm Snapdrgon ដែលអាចប្រើប្រាស់ល្បឿនក្នុងកម្រិត 2.3 GHz ។ មិនត្រឹមតែប៉ុណ្ណោះ Smartphone ជំនាន់ថ្មីមួយនេះ អាចប្រើប្រាស់ស៊ីមពីរទៀតផង ។
កាលពីពាក់កណ្តាលឆ្នាំ២០១៣ ក្រុមហ៊ុន Samsung គ្រោងនឹងបង្ហាញប្រភេទទូរស័ព្ទ Smartphone Tizen ម្តងរួចមកហើយ តែផ្ទុយទៅវិញក្រុមហ៊ុនមិនបានបង្ហាញឱ្យឃើញទេ សូម្បីតែពាក្យចចាមអារ៉ាមទាក់ទងទៅនឹងរូបរាងរបស់វាក៏មិនបានឃើញដែរ ។ ទោះជាយ៉ាងណាក៏ដោយ ក្រុមហ៊ុនមួយនេះ នឹងបំពេញសេចក្តីត្រូវការរបស់អតិថិជន ដោយបញ្ចេញស៊េរីទូរស័ព្ទ Samsung ZEQ 9000 និងប្រាប់ពីតម្លៃពិតប្រាកដរបស់វាក្នុងសន្និបាតវាយតម្លៃបូកសរុបបច្ចេកវិទ្យាទូរស័ព្ទពិភពលោកនាពេលខាងមុខនេះ ៕
ចែករំលែកព័តមាននេះ