យោងតាមគេហទំព័របច្ចេកវិទ្យាចេញផ្សាយកាលពីពេល ថ្មីៗនេះឱ្យដឹងថា ក្រុមហ៊ុន Samsung នឹងបង្កើតបណ្តាញទូរស័ព្ទជំនាន់ថ្មីគឺ
5G ។ 5G គឺជាពាក្យកាត់ ប្រើប្រាស់ក្នុងការស្រាវជ្រាវឯកសារមួយចំនួន និងជាគម្រោងបង្ហាញប្រាប់ពីជំហានធំរបស់ប្រព័ន្ធទាក់ទងទូរគមនាគមន៍កម្រិតអន្តរជាតិ ។ 5G ខុសប្លែកពី 4G ត្រង់វាមានលក្ខណៈពិសេសបន្ថែមមួយចំនួនដូចជា៖ ការប្រើប្រាស់អាចដោនទ្បូតបានច្រើនជាង 4G ហើយអ្នកប្រើប្រាស់អាចដោនទ្បូតជា File វីឌីអូ ចំនួន ៨០០ ម៉េហ្គាបៃក្នុងរយៈពេលត្រឹម១វិនាទី ។
ក្រុមហ៊ុន Samsung សាកល្បងដោយប្រើប្រាស់ឧបករណ៍អង់តែនចំនួន៦៤ ហើយបច្ចេកវិទ្យាដ៏ធំមួយនេះ បានបង្ហាញពីសមត្ថភាពពិសេសរបស់វា គឺអាចការពារទិន្នន័យឱ្យឆ្លងកាត់តាមបណ្តាញអេទ្បិចត្រូនិកក្នុងដំណើរដ៏ឆ្ងាយបានយ៉ាងងាយស្រួល ។ ចំណែកឯការប្រើប្រាស់ប្រព័ន្ធអីុនធើរណេតវិញមានល្បឿន ៥០០គីទ្បូម៉ែត្រ ក្នុងរយៈពេល១ម៉ោង បើប្រៀបធៀបជាមួយ 4G វិញមានល្បឿនត្រឹមតែ ៣០០គីទ្បូម៉ែត្រក្នុងមួយម៉ោងប៉ុណ្ណោះ ។
បណ្តាញទាក់ទងទូរគមនាគមន៍បង្កើតលើកដំបូងគឺ 2G ក្នុងឆ្នាំ១៩៩០, 3G ឆ្នាំ២០០០ និង 4G ឆ្នាំ២០១០ ។ ចំពោះការបង្កើត 4G ត្រូវបានស្ថាប័នបច្ចេកវិទ្យាទំនើបចំណាយទឹកប្រាក់ចំនួន ៩០០លានផោន ស្មើនឹងជាង១៤៨៥លានដុល្លារ ។ ចំណែក 5G វិញត្រូវក្រុមហ៊ុនអះអាងនឹងដាក់ឱ្យប្រើប្រាស់នៅក្នុងប្រទេសកូរ៉េខាងត្បូងក្នុងឆ្នាំ២០១៧ ៕
ចែករំលែកព័តមាននេះ