ខេត្តកំពង់ឆ្នាំង៖ ភ្នាក់ងារកាសែតមាគា៏កម្ពុជាម្នាក់ ត្រូវបានក្រុមជនសង្ស័យជាច្រើននាក់ ព្រួតគ្នាវ៉ៃ បណ្តាលអោយរបួសធ្ងន់ និងបានស្លា.ប់នៅមន្ទីរពេទ្យក្នុងក្រុងភ្នំពេញនោះ មកដល់ម៉ោង ៣រសៀលថ្ងៃទី ០២ កុម្ភះ ២០១៤នេះ មិនទាន់មានប្រភពណាបញ្ជាក់ច្បាស់លាស់នៅឡើយទេ សូម្បីតែលំនៅដ្ឋានជនរងគ្រោះ ក៏ពុំទាន់សង់រោងបុណ្យអ្វីដែរ ។
ខេត្តកំពង់ឆ្នាំង៖ ភ្នាក់ងារកាសែតមាគា៏កម្ពុជាម្នាក់ ត្រូវបានក្រុមជនសង្ស័យជាច្រើននាក់ ព្រួតគ្នាវ៉ៃ បណ្តាលអោយរបួសធ្ងន់ និងបានស្លាប់នៅមន្ទីរពេទ្យក្នុងក្រុងភ្នំពេញនោះ មកដល់ម៉ោង ៣រសៀលថ្ងៃទី ០២ កុម្ភះ ២០១៤នេះ មិនទាន់មានប្រភពណាបញ្ជាក់ច្បាស់លាស់នៅឡើយទេ សូម្បីតែលំនៅដ្ឋានជនរងគ្រោះ ក៏ពុំទាន់សង់រោងបុណ្យអ្វីដែរ ។
សូមបញ្ចាក់ជនរងគ្រោះ មានឈ្មោះ សួន ចាន់ អាយុ ៤៤ឆ្នាំ មានទីលំនៅ ភូមិក្បាលកន្លង់ ឃុំ ពាមឆ្កោក ស្រុកជលគីរី បានរងរបួសជាទម្ងន់ ដោយសារក្រុមជនដៃដល់មួយក្រុម បានព្រួតវាយកាលពីវេលាម៉ោង ៨និង៣០នាទីយប់ថ្ងៃទី ៣១ មករា ២០១៤ ក្នុងនោះជនរងគ្រោះ២នាក់ទៀត
ម្នាក់ឈ្មោះ គូ ឥន ភេទប្រុស អាយុ ២៧ ឆ្នាំ រងរបួសធ្ងន់ និងទី២ឈ្មោះ សួន ជីម អាយុ ២២ ឆ្នាំ បានរងរងរបួសស្រាល ខណៈចូលទៅជួយជនរងគ្រោះ ។
លោក ហ៊ីម យ៉ុង អធិការរងស្រុកជលគីរីបាននិយាយថា៖ នៅថ្ងៃកើតហេតុ ជាថ្ងៃសែនចូលឆ្នាំចិន ជនរងគ្រោះ ជាមួយបងប្អូនបានផឹកស៊ីនៅមុខផ្ទះ ស្របពេលនោះមានក្រុមជនដៃដល់១ក្រុម បានត្រឡប់ពីផឹកស្រវឹងវិញ ដើរកាត់មុខផ្ទះ ហើយមានកាន់ដំថ្ម បានចូលទៅឈ្លោះនិងវាយជនរងគ្រោះតែម្តង ខណៈដែលជនរងគ្រោះបានរងរបួសធ្ងន់ ឈ្មោះ ឈ្មោះ គូ អិន និងឈ្មោះ សួន ជីម បានចូលទៅជួយ ក៏ត្រូវក្រុមជនសង្ស័យវាយបណ្តាលអោយរបួសស្រាល ។ ក្រោយកើតហេតុ ជនរងគ្រោះឈ្មោះ សួន ចាន់ ត្រូវបានដឹកទៅសង្គ្រោះនៅមន្ទីពេទ្យរុស្ស៊ីក្រុងភ្នំពេញ ហើយបានទទួលដំណឹងថាស្លាប់ ប៉ុន្តែមកដល់ម៉ោង៣រសៀលថ្ងៃទី០២កុម្ភះនេះទៅហើយ នៅមិនទាន់ឃើញសពដឹកមកនៅឡើយទេ។ លោកអធិការរងស្រុកជល់គិរីបានបន្តថា ចំពោះរឿងចោទថាមកពីអ្នកកាសែតនោះពូកែចុះផ្សាយ និងបោះព័ត៌មានទៅអោយគេផ្សាយពីរឿងនេសាទខុសច្បាប់របស់ក្រុមជនដៃដល់នោះ លោកមិនច្បាស់ទេ លោកដឹងត្រឹមថាថ្ងៃនោះជាថ្ងៃចូលឆ្នាំចិនស្រវឹងគ្រប់គ្នា ។ ម៉្យាងវិញទៀត ក្រុមជនដៃដល់តាមលោកដឹង គឺក្រុមនោះបានរកស៊ីដាក់លប និងអូសអួនតែប៉ុណ្ណោះ ។
លោក កែ ម៉េត មេឃុំពាមឆ្កោកវិញបាននិយាយថា៖ ចំពោះជនរងគ្រោះថា ជាភ្នាក់កាសែតអីនោះលោកមិនច្បាស់ទេ ព្រោះជនរងគ្រោះ ជួបគាត់រាល់ថ្ងៃ មិនដែលប្រាប់គាត់ថាជាអ្នកកសែតអីទេ ដឹងតែថាជាប្រជាពលរដ្ឋធម្មតា ប៉ុន្តែលោកទើបតែដឹងនៅម៉ោង៣និង៣០នាទីនេះថាជនរងគ្រោះបានស្លាប់ទៅហើយ កំពុងរៀបចំដឹកពីភ្នំពេញមកផ្ទះនៅភូមិក្បាលកន្លង់ ។ ចំពោះរឿងថាជនរងគ្រោះបានប៉ះពាល់រឿងវិជ្ជាជីវៈ លើក្រុមជនដៃដល់ដែលរកស៊ីល្មើច្បាប់នោះ លោកមិនច្បាស់ទេ ព្រោះមិនបានដឹងជាអ្នកកាសែតនោះទេ ។ ប្រភពដដែលបានបញ្ជាក់ថា៖ជនសង្ស័យចំនួន ៤ នាក់ ទី១ ឈ្មោះ យីម ណាន់ ទី២ ឈ្មោះ យីម នុន ទី៣ ឈ្មោះសាំង សេងហៀង និង ទី៤ ឈ្មោះ រ៉ុម រ៉ា បានគេចខ្លួនបាត់ពីមូលដ្ឋានហើយ ។
ដោយឡែកបើតាមពីក្រុមគ្រួសារជនរងគ្រោះបាននិយាយថា៖រឿងរ៉ាវខាងលើនេះផ្តើមចេញពីរឿងគំនុំ ដោយសារលោក សួន ចាន់ តែងតែចេញទៅថតយករូបភាពបទល្មើសឆក់ត្រីជាក់ស្តែងមកធ្វើការចុះផ្សាយនៅលើអត្ថបទសារព័ត៌មានរបស់ខ្លួន មិនតែប៉ុណ្ណោះលោកបានយករូបភាពពាក់ព័ន្ធ
បទល្មើសនេសាទជាច្រើន ឲ្យទៅអ្នកកាសែតក្នុងស្រុកជាច្រើន បន្តធ្វើការចុះផ្សាយធ្វើឲ្យដឹងដល់សមត្ថកិច្ចថ្នាក់លើ និងចុះបង្រ្កាបពួកគេជារើយៗ ៕
ចែករំលែកព័តមាននេះ