បន្ទាយមានជ័យ៖កម្មករសំណង់មួយក្រុម បានវាយនិងចាក់គ្នាឲ្យរបួស ដោយសារជម្លោះផឹកស៊ីនៅបន្ទប់ជួលក្រោយវិលត្រឡប់ពីធ្វើការ បណ្តាលឲ្យមនុស្ស២នាក់រងរបួស និង៣នាក់ ត្រូវបានប៉ូលិសនិងប៉េអឹមឃាត់ខ្លួនដើម្បីសួរនាំ ។
ហេតុការណ៍នេះបានកើតឡើងនាវេលាម៉ោងជិត៦ល្ងាចថ្ងៃទី០២ កុម្ភ: ២០១៤ នៅភូមិបាលិលេយ្យ២ សង្កាត់និងក្រុងប៉ោយប៉ែត។
បន្ទាយមានជ័យ៖កម្មករសំណង់មួយក្រុម បានវាយនិងចាក់គ្នាឲ្យរបួស ដោយសារជម្លោះផឹកស៊ីបន្ទប់ជួលក្រោយវិលត្រឡប់ពីធ្វើការ បណ្តាលឲ្យមនុស្ស២នាក់រងរបួស និង៣នាក់ ត្រូវបានប៉ូលិសនិងប៉េអឹមឃាត់ខ្លួនដើម្បីសួរនាំ ។
ហេតុការណ៍នេះបានកើតឡើងនាវេលាម៉ោងជិត៦ល្ងាចថ្ងៃទី០២ កុម្ភ: ២០១៤ នៅភូមិបាលិលេយ្យ២ សង្កាត់និងក្រុងប៉ោយប៉ែត។នៅកន្លែងកើតហេតុ គេឃើញមានជនរងគ្រោះ២នាក់៖ ០១.ឈ្មោះផៃ ចាន់រ៉ា ភេទប្រុសអាយុ២៦ឆ្នាំ (របួសកំភួនដៃខាងឆ្វេង)អះអាងថា ត្រូវជនដៃដល់ម្នាក់ពាក់អាវក្រហម ដែលប៉ូលិសហៅសួរនាំជាអ្នកចាក់ និង០២.ឈ្មោះម៉ៅ រ័ត្ន ភេទប្រុស អាយុ២៤ឆ្នាំ(របួសផ្ទៃមុខ) អះអាងថាត្រូវគេវាយ ។
ចំណែកជនសង្ស័យ៣នាក់ ប៉ូលិសឃាត់ខ្លួនម្នាក់ មិនស្គាល់អត្តសញ្ញាណឯ២នាក់ទៀត ដែលប៉េអឹមឃាត់ខ្លួន៖០១.ឈ្មោះសឿន ឈឿន ភេទប្រុសអាយុ២១ឆ្នាំ និង ០២.ឈ្មោះឆៃ រ័ត្ន ភេទប្រុសអាយុ២១ឆ្នាំដូចគ្នា ។ ទាំងជនរងគ្រោះទាំងជនសង្ស័យសុទ្ធតែជាកម្មករសំណង់ និងស្នាក់នៅបន្ទប់ជួលក្បែរគ្នាក្នុងភូមិកើតហេតុ។
ទោះជាយ៉ាងណា នេះជាព័ត៏មានជំហានដំបូងតែប៉ុណ្ណោះ មិនទាន់ដឹងលម្អិតថាតើបណ្ដាលមកពីមូលហេតុអ្វីពិតប្រាកដនៅឡើយទេ៕
ចែករំលែកព័តមាននេះ