ខេត្តព្រៃវែង ៖ នាយប៉ុស្តិ៍ឃុំគ្រញូង ស្រុកកំចាយមារ ត្រូវមន្ត្រីនគរបាលក្រោមឱវាទបាញ់ចំនួន៧គ្រាប់ បណ្តាលឱ្យស្លាប់ភ្លាមៗនៅកន្លែងកើតហេតុ ។ បាតុភាពបាញ់ប្រហារមេប៉ុស្តិ៍ខ្លួនឯងនេះ បានកើតឡើងកាលពីវេលាម៉ោង២រំលងអធ្រាត្រ ឈានចូលដល់ថ្ងៃទី២៩ មករា ។
ខេត្តព្រៃវែង ៖ នាយប៉ុស្តិ៍ឃុំគ្រញូង ស្រុកកំចាយមារ ត្រូវមន្ត្រីនគរបាលក្រោមឱវាទបាញ់ចំនួន៧គ្រាប់ បណ្តាលឱ្យស្លាប់ភ្លាមៗនៅកន្លែងកើតហេតុ ។ បាតុភាពបាញ់ប្រហារមេប៉ុស្តិ៍ខ្លួនឯងនេះ បានកើតឡើងកាលពីវេលាម៉ោង២រំលងអធ្រាត្រ ឈានចូលដល់ថ្ងៃទី២៩ មករា ។
នាយប៉ុស្តិ៍ដែលត្រូវបាញ់ស្លាប់នេះឈ្មោះ ចាន់ សារា៉ត ភេទប្រុស អាយុ៤៧ឆ្នាំ ចំណែកជនដៃដល់ឈ្មោះ ហ៊ុន ប៊ុនធឿន ភេទប្រុស អាយុ៤៦ឆ្នាំ ។ បន្ទាប់ពីបាញ់សម្លាប់លោកនាយប៉ុស្តិ៍ឱ្យស្លាប់ហើយ ជនល្មើសក៏បានរត់គេចខ្លួនបាត់ស្រមោលផងដែរ ។ បើតាមសេចក្តីរាយការណ៍របស់លោក ពុំ កាន់ អធិការស្តីទីនគរបាលស្រុកកំចាយមារ បានឱ្យដឹងថា មុនពេលកើតហេតុ ជនរងគ្រោះជានាយប៉ុស្តិ៍បានដឹកនាំមន្ត្រីក្រោមឱវាទដើរល្បាតក្នុងភូមិសាស្ត្ររបស់ខ្លួន ក្រោយមកក៏នាំមន្ត្រីចំនួន៣នាក់ចូលទៅផឹកសីុច្រៀងខារា៉អូខេ។ ពេលកំពុងផឹកសីុសប្បាយក្នុងហាងខារា៉អូខេនោះ ក៏មានការទាស់ពាក្យសម្តីគ្នា រវាងមន្ត្រីនគរបាលដូចគ្នា ដែលតាមប្រភពខ្លះថា ពេលនោះលោកនាយបុ៉ស្តិ៍បានព្យាយាមឃាត់កុំឱ្យមានការឈ្លោះប្រកែកគ្នា ។ ដោយសារឃាត់ពុំស្តាប់ លោកនាយប៉ុស្តិ៍បានដកកាំភ្លើងអាកាពីជនល្មើស ហើយចេញមកទីស្នាក់ការមុន ឯជនល្មើសក៏មកតាមក្រោយ ។
លោក ពុំ កាន់ បន្តថា ពេលជនរងគ្រោះមកដល់ប៉ុស្តិ៍ ក៏ចូលទៅដេកដោយបិទទ្វារប៉ុស្តិ៍ ពេលនោះជនល្មើសក៏ទៅដល់តាមក្រោយ ហើយធាក់ទម្លាយទ្វារចូលទៅ ។ ដោយឃើញមន្ត្រីក្រោមឱវាទអុកឡុកបែបនេះ លោក ចាន់ សារា៉ត ក៏រាយការណ៍មករូបលោក ជាហេតុធ្វើឱ្យជនល្មើសខឹងនិងចោទថា រឿងប៉ុណ្ណឹងក៏រាយការណ៍ដែរ រួចស្ទុះចូលទៅយកកាំភ្លើងអាកា៤៧មកបាញ់តម្រង់លោក ចាន់ សារា៉ត ចំនួន៧គ្រាប់ ដែលគ្រាប់ទីមួយ ចំចិញ្ចើមធ្លាយខួរ គ្រាប់ទី២ ចំក្រោមដោះខាងស្តាំ គ្រាប់ទី៣ ចំដៃស្តាំ គ្រាប់ទី៤ ចំជើងខាងឆ្វេង គ្រាប់ទី៥ ចំជើងស្តាំ គ្រាប់ទី៦ ចំគុម្ពត្រចៀក និងគ្រាប់ទី៧ ស្អុយ បាញ់អត់ផ្ទុះ ។
ក្រោយពីបាញ់ប្រហាររួច ជនល្មើសបានបោះកាំភ្លើងចោល ហើយរត់គេចខ្លួន ។ បើលោកអធិការស្តីទី ឱ្យដឹងថា កម្លាំងរបស់លោកបានទៅដល់កន្លែងកើតហេតុភ្លាមៗដែរ និងដេញតាមជនល្មើសគ្រប់ច្រកល្ហក តែរកពុំ ឃើញ ។ លោកបន្តថា មានគេផ្តល់ព័ត៌មានឱ្យមកថា ឃើញជនល្មើសកំពុងលាក់ខ្លួននៅកន្លែងមួយ ហើយសមត្ថកិច្ចកំពុងតាមប្រមាញ់ ។ ចំណែកសព ត្រូវបានប្រគល់ឱ្យក្រុមគ្រួសារយកទៅធ្វើបុណ្យតាមប្រពៃណី ៕
ចែករំលែកព័តមាននេះ