ខេត្តឧត្តរមានជ័យ៖ កាលពីថ្ងៃសុក្រ ទី១៩ ខែកក្កដា ឆ្នាំ២០១៩ លោកហុង យឿន ប្រធានមន្ទីរវប្បធម៌ និងវិចិត្រសិល្បៈខេត្តឧត្តរមានជ័យ បានដឹកនាំមន្ត្រីជំនាញនៃការិយាល័យបេតិកភណ្ឌ…
ខេត្តឧត្តរមានជ័យ៖ កាលពីថ្ងៃសុក្រ ទី១៩ ខែកក្កដា ឆ្នាំ២០១៩ លោកហុង យឿន ប្រធានមន្ទីរវប្បធម៌ និងវិចិត្រសិល្បៈខេត្តឧត្តរមានជ័យ បានដឹកនាំមន្ត្រីជំនាញនៃការិយាល័យបេតិកភណ្ឌ ការិយាល័យសារមន្ទីរទៅទទួលវត្ថុបុរាណចំនួន២ដុំ/រូប ពីអ្នកភូមិ ។ វត្ថុបុរាណនេះបានប្រទះឃើញដោយចៃដន្យនៅពេលប្រកបការងារកសិកម្ម ស្ថិតនៅឃុំគោកមន ស្រុកបន្ទាយអំពិល ខេត្តឧត្តរមានមានជ័យ ។
នៅក្នុងឱកាសនៃការប្រគល់-ទទួលនោះមានការអញ្ជើញ និងនិមន្តចូលរួមពីប៉ូលិសនៃអធិការដ្ឋាននគរបាលស្រុកបន្ទាយអំពិល នាយរងប៉ុស្តិ៍ ម្ចាស់រូបដែលបានប្រទះឃើញ លោកគ្រូ ព្រះចៅអធិការវត្តគោកឪឡោក អាចារ្យ គណៈកម្មការវត្ដ ប្រជាពរលរដ្ឋ ហើយនិងអាជ្ញាធរដែនដីយ៉ាងច្រើនកុះករ ។
ផេកហ្វេសប៊ុកក្រសួងវប្បធម៌ និងវិចិត្រសិល្បៈផ្សាយថារូបដែលមន្ទីរវប្បធម៌និងវិចិត្រសិល្បៈខេត្តឧត្តរមានជ័យបានទទួលពីប្រជាពលរដ្ឋ៖
១-ដងខ្លួនទេវរូប ភេទប្រុស មានកម្ពស់ ៥១ស.ម និងទទឹង១៨ស.ម ទ្រង់ឈរ ធ្វើពីថ្មភក់ ស្ថិតក្នុងសម័យអង្គរ (រចនាបថកោះកែរ0x017d7) បាត់ព្រះកេស, ព្រះបាត,ព្រះហស្តខាងឆ្វេងបាក់បាត់ទាំងស្រុង ចំណែកព្រះហស្តខាងស្តាំបាក់បាត់មួយកំណាត់ខាងក្រោម ។
២-ទេវរូប(កញ្ចាំង)ដាក់តាមប្រាសាទ កម្ពស់ ៤០ស.ម ទទឹង ១៤ស.ម ធ្វើពីថ្មភក់ ទ្រង់ឈរ ស្ថិតក្នុងសម័យអង្គរ ។ ស្ថានភាពទេវរូបមានភាពសឹករេចរឹលខូចខាត ដោយការសំលៀងវត្ថុរឹង ។
វត្ថុបុរាណទាំងនោះបានដឹកយកទៅរក្សាទុក អភិរក្ស នៅក្នុងមន្ទីរវប្បធម៌ និងវិចិត្រសិល្បៈខេត្តឧត្តរមានជ័យ ដើម្បីធានាសុវត្តិភាព និងរក្សាទុកជាសម្បត្តិបេតិកភណ្ឌជាតិរបស់យើងទាំងអស់គ្នា ៕ (កែសម្រួលដោយ ៖ បុប្ផា)
ចែករំលែកព័តមាននេះ