រាជធានីភ្នំពេញ ៖ អគ្គស្នងការនគរបាលជាតិបានធ្វើការផ្សព្វផ្សាយបន្ថែមទៅដល់ស្ថាប័ន និងអង្គភាពភាគីពាក់ព័ន្ធទាំងអស់ឲ្យបានយល់ដឹងកាន់តែច្បាស់នូវរាល់ចំណុចដែលត្រូវអនុវត្តនៃផែនការ ស្តីពីយុទ្ធនាការបង្ការ ទប់ស្កាត់ និងបង្ក្រាបបទល្មើសគ្រឿងញៀន នៅតាមបណ្តោយព្រំដែនកម្ពុជា-វៀតណាម អោយទទួលបានប្រសិទ្ធភាពខ្ពស់ដែលបានដាក់ចេញដោយសម្តេចក្រឡាហោម ស…
រាជធានីភ្នំពេញ ៖ អគ្គស្នងការនគរបាលជាតិបានធ្វើការផ្សព្វផ្សាយបន្ថែមទៅដល់ស្ថាប័ន និងអង្គភាពភាគីពាក់ព័ន្ធទាំងអស់ឲ្យបានយល់ដឹងកាន់តែច្បាស់នូវរាល់ចំណុចដែលត្រូវអនុវត្តនៃផែនការ ស្តីពីយុទ្ធនាការបង្ការ ទប់ស្កាត់ និងបង្ក្រាបបទល្មើសគ្រឿងញៀន នៅតាមបណ្តោយព្រំដែនកម្ពុជា-វៀតណាម អោយទទួលបានប្រសិទ្ធភាពខ្ពស់ដែលបានដាក់ចេញដោយសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ។
ការរៀបចំផ្សព្វផ្សាយនេះបានធ្វើឡើងកាលពីថ្ងៃទី២២ ខែកក្កដា ឆ្នាំ២០១៩ នៅទីស្តីការក្រសួងមហាផ្ទៃ អគ្គស្នងការនគរបាលជាតិ ក្រោមអធិបតីភាពនាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ ដោយមានការអញ្ជើញចូលរួមពីថ្នាក់ដឹកនាំនគរបាលជំនាញពាក់ព័ន្ធ គណៈអភិបាលខេត្តតាមបណ្តោយព្រំដែនកម្ពុជា-វៀតណាម និងអង្គភាពពាក់ព័ន្ធប្រមាណ១៦៦នាក់។
គួររំលឹកផងដែរថា ៖ ក្រសួងមហាផ្ទៃបានដាក់ចេញនូវផែនការស្តីពីយុទ្ធនាការបង្ការ ទប់ស្កាត់ និងបង្ក្រាបបទល្មើសគ្រឿងញៀន នៅតាមបណ្តោយព្រំដែនកម្ពុជា-វៀតណាម ក្រោមការចង្អុលបង្ហាញពីសម្តេចក្រឡាហោម ស ខេង ឧបនាយករដ្ឋមន្ត្រៃក្រសួងមហាផ្ទៃ កាលពីថ្ងៃទី៥ ខែកក្កដា ឆ្នាំ២០១៩ កន្លងទៅថ្មីនេះ។
ការដាក់ចេញនូវផែនការនេះគឺដើម្បីដោះស្រាយ និងបង្ក្រាបបទល្មើសគ្រឿងញៀនតាមខ្សែបន្ទាត់ព្រំដែនកម្ពុជា-វៀតណាម ជាពិសេសសកម្មភាពនៃការដឹកជញ្ជូនគ្រឿងញៀនទៅវិញទៅមកឆ្លងកាត់ព្រំដែនទាំងពីរ។
ជាងនេះទៅទៀត ដើម្បីលើកកម្ពស់ស្ថានភាពសន្តិសុខសណ្តាប់ធ្នាប់សាធារណៈនៅតាមតំបន់ព្រំដែនឲ្យកាន់តែល្អប្រសើរឡើងដោយរួមសហការជាមួយភាគីវៀតណាមបញ្ជៀសឲ្យបាននូវឥទ្ធិពលអវិជ្ជមាននានាបណ្ដាលមកពីគ្រឿងញៀនផងដែរ។
សូមបញ្ជាក់ថា ៖ កម្លាំងអនុវត្តច្បាប់បានធ្វើការបង្ក្រាបបទល្មើសគ្រឿងញៀន សរុបចំនួន៣.៣៣៥ករណី ឃាត់ខ្លួន៧.០៩៧នាក់ ចាប់យកសារធាតុញៀនគ្រប់ប្រភេទសរុប៣១0គីឡូក្រាម កញ្ឆាស្រស់៤៧.១០៣ដើម រួមនឹងមធ្យោបាយសម្ភារៈ វត្ថុតាងមួយចំនួនទៀត។
ក្នុងនោះផងដែរ ៖ ករណីជួញដូរមានចំនួន២.០៣៩ករណី ឃាត់ខ្លួនបាន៣.៨៧៣នាក់, ករណីសំយោគ កែច្នៃ ១ករណី, ករណីដាំដុះចំនួន១៩ករណី ឃាត់ខ្លួន៤នាក់, ករណីប្រើប្រាស់ចំនួន១.២៧៦ករណី ឃាត់ខ្លួន ៣.២២០នាក់ ក្នុងនោះកសាងសំណុំរឿងបញ្ជូនទៅតុលាការចំនួន២៣២នាក់ បញ្ជូនទៅមណ្ឌលព្យាបាល និងស្ដារនីតិសម្បទាចំនួន២.១០៥នាក់ និងអប់រំធ្វើកិច្ចសន្យាប្រគល់ជូនអាណាព្យាបាល ដើម្បីយយកទៅអប់រំបន្ត ៕ (កែសម្រួលដោយ ៖ ធីតា)
ចែករំលែកព័តមាននេះ