ពិសេសម៉្លេះ ផ្លែឈើ និងបន្លែទាំងនេះ ជួយស្បែកកាន់តែស្អាត

ថ្ងៃទី ១៩ ខែ កក្កដា ឆ្នាំ ២០១៩

ម៉ោង ០៧:០០

ផលិតផលថារក្សាសម្រស់សម្រាប់សុខភាពស្បែកកាន់តែស្រស់ស្អាតកំពុងតែបង្កើតភាពឆ្នៃប្រឌិតរបស់ខ្លួនកាន់តែខ្លាំងលើអានុភាពរបស់ខ្លួន ប៉ុន្តែអ្វីដែលគួរឲ្យភ្ញាក់ផ្អើលនោះគឺថា ផលិតផលថែរក្សាស្បែកទាំងនោះច្រើនតែមានសារធាតុគីមីច្រើន ហើយវាក៏មិនល្អដូចធម្មជាតិដែរ។ មែនហើយ មានឡូសិន និងក្រែមជាច្រើនដែលអាចលុបបំបាត់ភាពជ្រីវជ្រួញ និងបន្តឹងស្បែកដែលយារបាន ប៉ុន្តែ ការជ្រើសរើសផលិតផលដែលផ្តល់សុខភាពជាងនេះទៀត វានឹងកាន់តែល្អជាមិនខានចំពោះស្បែកទាំងក្នុង និងក្រៅ។ ខាងក្រោមនេះខ្ញុំនឹងបង្ហាញនូវកំពូល បន្លែ និងផ្លែឈើបីប្រភេទដែលអាចជួយឲ្យស្បែកមើលទៅកាន់តែស្រស់ស្អាតបាន។

១-ប៉េងប៉ោះ ៖ ការប៉ះពាល់នឹងពន្លឺព្រះអាទិត្យច្រើនអាចបណ្តាលឲ្យខូចខាតដល់ស្បែក ដែលវាជាហេតុផលមួយក្នុងការស្វែងរកការការពារបន្ថែម។ សំណាងដែរ ការញ៉ាំប៉េងប៉ោះអាចផ្តល់នូវការការពារដែលអ្នកត្រូវការបាននោះគឺ Lycopene។ វិធីសាស្ត្រដ៏ល្អបំផុតដើម្បីទទួលបានអង់ទីអុកស៊ីដង់មួយនេះពីប៉េងប៉ គឺតាមរយៈការចម្អិនវាញ៉ាំ ឬញ៉ាំជាសាឡាតក៏បានដែរ។

២-ផ្លែទទឹម ៖ មូលហេតុដ៏ចំបងដែលនាំឲ្យស្បែកកាន់តែមានសុខភាពមិនល្អនោះដោយសារតែស្បែករងការប៉ះពាល់ពីរ៉ាឌីកាលសេរីច្រើនពីមជ្ឈដ្ឋានជុំវិញខ្លួន និងអាហារដែលអ្នកញ៉ាំតែម្តង។ សំណាងដែរ អ្នកអាចទប់ស្កាត់រ៉ាឌីកាលសេរីនេះបានជាមួយផ្លែទទឹម។ ផ្លែឈោះមួយនេះមានសារធាតុ Polyphenols ច្រើន។ ការញ៉ាំផ្លែឈើនេះ ឬជាទឹក ក៏អាចផ្តល់ភាពអស្ចារ្យដល់ស្បែក និងសុខភាពទូទៅផងដែរ។

៣-ប្រូខូលីនិងម្ទេសប្លោក ៖ ដើម្បីបង្កើនការផលិតកូឡាជែនក្នុងស្បែក អ្នកត្រូវតែបង្កើនការញ៉ាំវីតាមីន C។ ទាំងម្ទេសប្លោក និងប្រូខូលីសុទ្ធតែមានវីតាមីនខ្ពស់ ដែលជាហេតុនាំឲ្យវាក្លាយទៅជាអាហារដ៏ល្អឥតខ្ចោះមួយសម្រាប់អ្នក។

សរុបសេចក្តីមក មិនមែនមានតែបន្លែ និងផ្លែឈើទាំងបីខាងលើនេះល្អចំពោះស្បែកនោះទេ តែក៏មានផ្លែឈើ និងបន្លែផ្សេងៗទៀតជាច្រើនដែរ គ្រាន់តែរបស់ទាំងបីរនេះ គឺស្រួលរក និងស្រួលទទួលទាន (ប្រភពពី៖ Health.com.kh)៕ (កែ សម្រួលដោយ ៖ បុប្ផា)