ឆ្នាំ១៩០៥
-ការប្រយុទ្ធគ្នានៅដែនសមុទ្រស៊ូស៊ីម៉ា រវាងកងទ័ពជើងទឹកជប៉ុន និងកងទ័ពជើង ទឹករុស្ស៊ីកាលពីថ្ងៃទី២៧ ឧសភា បានបញ្ចប់ដោយជ័យជំនះបានទៅលើប្រទេសជប៉ុន តែត្រូវស្លាប់ទ័ព១៧៧នាក់ របួស៥៨៣នាក់ ។ ចំណែកកងទ័ពរុស្ស៊ីស្លាប់៤.៣០៨នាក់ ត្រូវចាប់ខ្លួន៥.៩១៧នាក់ ហើយនេះគឺជាការប្រយុទ្ធគ្នាក្នុងសង្គ្រាមដើម្បីគ្រប់គ្រងលើកូរ៉េ និងតំបន់ម៉ានជូរីដែលមានតាំងពីឆ្នាំ១៩០៤មក។
ឆ្នាំ១៩២៦
-មានរដ្ឋប្រហារយោធានៅក្នុងប្រទេសព័រទុយហ្គាល់ ដើម្បីផ្ដួលរំលំសាធារណរដ្ឋទីមួយព័រទុយហ្គាល់ក្រោមការដឹកនាំរបស់ លោកមេបញ្ជាការហ្គោម៉េស ដាកូស្ដា ដោយសារតែរដ្ឋាភិបាលដែលមានអាយុ១៦ឆ្នាំនេះគ្មានស្ថិរភាព ។
ឆ្នាំ១៩៣៧
-ស្ពាន អៀលដនេ អាតេ ឬស្ពានខ្លោងទ្វារ មាសនៅក្នុងទីក្រុងសានហ្វ្រានស៊ីស្កូ បានបើកសម្ពោធជាផ្លូវការដោយលោកប្រធានាធិបតីហ្វ្រេងគ្លីន រូសឺវ៉ែល ដោយការចុចជាសញាឱ្យធ្វើចរាចរណ៍លើស្ពាន ។
-លោកនេវីល ឆាមប៊ើឡេន បានក្លាយជានាយករដ្ឋមន្ដ្រីនៃចក្រភពអង់គ្លេសរហូតដល់ឆ្នាំ១៩៤០។
ឆ្នាំ១៩៤០
-ពេលមានសង្គ្រាមលោកលើកទីពីរប្រទេសបែលហ្ស៊ិក បានចុះចាញ់ប្រទេស អាល្លឺម៉ង់ ។
-កងទ័ពប្រទេសន័រវ៉េស បារាំង ប៉ូឡូញ និងចក្រភពអង់គ្លេស បានកាន់កាប់ទីក្រុងណាវីក របស់ប្រទេសន័រវ៉េស ដែលពួកអាល្លឺម៉ង់បានកាន់កាប់ពីឆ្នាំ១៩៣៩មក ហើយនេះជាជ័យជំនះលើកទីមួយរបស់កងទ័ពសម្ព័ន្ធមិត្ដនៅក្នុងសង្គ្រាម។
ឆ្នាំ១៩៤២
-ក្រោយការធ្វើឃាតលើមេដឹកនាំណាហ្ស៊ីអាល្លឺម៉ង់ លោករីនហាត់ ហេឌ្រីក ក្នុងទីក្រុងប្រាគ ត្រូវបរាជ័យមកជាការសងសឹកនឹងហេតុការណ៍នេះមេដឹកនាំអាល្លឺម៉ង់អាដុល ហ៊ីទ្លែរ បានចេញបញ្ជាឱ្យធ្វើការស្រាវជ្រាវ និងបានសំលាប់ជនជាតិឆេកអស់ជាង១.៨០០នាក់ក្នុងប្រទេសឆេកូស្លូវ៉ាគី ។
ឆ្នាំ១៩៧៥
-ប្រទេសចំនួន១៥នៅអាហ្វ្រិកខាងលិចបានរួមគ្នាចុះហត្ថលេខាលើសន្ធិសញាឡាហ្កូស ដើម្បីបង្កើតសមាគមសេដ្ឋកិច្ចនៃរដ្ឋអាហ្វ្រិកខាងលិច និងហិរញវត្ថុសហភាពសំរាប់អភិវឌ្ឍន៍សេដ្ឋកិច្ច និងការរីកចំរើនក្នុងតំបន់អាហ្វ្រិកខាងលិច។
ឆ្នាំ១៩៨២
-កងទ័ពចក្រភពអង់គ្លេស បានយកឈ្នះលើកងទ័ពអាហ្សង់ទីន ក្នុងការប្រយុទ្ធគ្នានៅ លើកោះហ្គូសហ្គ្រីន ។ កងទ័ពអង់គ្លេសមានចំនួន៥០០នាក់ ក្នុងនោះរបួស៦៤នាក់ ស្លាប់១៧នាក់ ចំណែកកងទ័ពអាហ្សង់ទីន សរុបមាន៨១២នាក់ ក្នុងនោះស្លាប់៤៧នាក់ របួស១៤៥នាក់។
ឆ្នាំ១៩៨៧
-អ្នកបើកយន្ដហោះអាយុ១៩ឆ្នាំរបស់ប្រទេសអាល្លឺម៉ង់ខាងលិចឈ្មោះម៉ាថឺសរ៉ាស បានបើកយន្ដហោះចូលឈ្លានពានដែនអាកាសសហភាពសូវៀតដោយចេញដំណើរពីប្រទេសហ្វាំងឡង់ និងបានចុះចតនៅកណ្ដាលទីក្រុងម៉ូស្គូចំទីលានក្រហម។ គាត់ត្រូវបានចាប់ខ្លួនឃុំឃាំងភ្លាម និងមិនបានដោះលែងទេរហូតដល់ថ្ងៃទី៣ សីហា ដោយសារមានសន្ធិសញាលុបបំបាត់អាវុធនុយក្លេអ៊ែររយៈចំងាយមធ្យមក្នុងទ្វីបអឺរ៉ុប។ ក្នុង អំឡុងពេលហោះហើរ គាត់ត្រូវបានកងទ័ព អាកាសរុស្ស៊ីស្ទាក់ជាច្រើនដងតែកងទ័ពអាកាសរុស្ស៊ីមិនបានទទួលការអនុញាត ឬបញ្ជាឱ្យបាញ់យន្ដហោះគាត់ទំលាក់ទេ ។
ការធ្វើដំណើររបស់គាត់គឺចង់កាត់បន្ថយភាពតានតឹង និងភាពមន្ទិលសង្ស័យរវាងភាគីទាំងពីរនៃសង្គ្រាមត្រជាក់ ។ គាត់ត្រូវតុលាការក្រុងម៉ូស្គូកាត់ទោសឱ្យជាប់ពន្ធនាគារ៤ឆ្នាំ។ ហេតុការណ៍នេះបណ្ដាលឱ្យមន្ដ្រីយោធាជាន់ខ្ពស់ជាច្រើននាក់ត្រូវបានដកពីមុខតំណែង រួមទាំងលោករដ្ឋមន្ដ្រីការពារជាតិសេហ្គី សូកូឡូវផងដែរ។
ឆ្នាំ១៩៩១
-រដ្ឋធានី អាឌីស អាបាបា បានធ្លាក់ក្នុងការគ្រប់គ្រងរបស់រណសិរ្សប្រជាធិបតេយ្យបដិវត្ដន៍ប្រជាជនអេត្យូពីដែលមានដើមកំណើតនៅឆ្នាំ១៩៨៩ ។ ការដណ្ដើមបានរដ្ឋធានីនេះ បានបញ្ចប់របបឌើក ដែលជារបបកុំមុយនីស្ដផ្ដាច់ការយោធាដែលបានកាន់អំណាចពីឆ្នាំ១៩៧៤ ហើយបានកាត់ទោសប្រហារជីវិតព្រមជាមួយការដាក់ពន្ធនាគារប្រជាជនអេត្យូពី១០.០០០នាក់ និងបានបញ្ចប់សង្គ្រាមស៊ីវិលដែលសំលាប់មនុស្សអស់២៥០.០០០នាក់ផងដែរ ។
ឆ្នាំ២០០២
-យានអវកាសម៉ារ អូឌីសេយ របស់អង្គ ការណាសា បានរកឃើញសញានៃដុំទឹកកកដ៏ធំនៅលើភពព្រះអង្គារ ។ ផែនការនេះអង្គការណាសាត្រូវចំណាយប្រាក់២៩៧លានដុល្លារដើម្បីសិក្សាលើភពព្រះអង្គារ ។
ឆ្នាំ២០០៣
-ប្រទេសជប៉ុនបានប្រកាសបិទមូលនិធិទាសករផ្លូវភេទក្នុងពេលមានសង្គ្រាមលោកលើកទី២នៅដំណាច់ខែមីនា ឆ្នាំ២០០៧។ មូលនិធិនេះបានកើតឡើងពីឆ្នាំ១៩៩៥ ដោយបានចំណាយប្រាក់១៩.៤៧០ដុល្លារក្នុងម្នាក់ៗ ជាសំណងដល់ស្ដ្រី២៨៥នាក់ ដែលជាស្ដ្រីបំរើផ្លូវភេទដល់កងទ័ពជប៉ុននាអំឡុងសង្គ្រាមលោកលើកទី២ក្នុងប្រទេសហ្វ៊ីលីពីន កូរ៉េខាងត្បូង និងតៃវ៉ាន់។
ឆ្នាំ២០០៩
-សហរដ្ឋអាមេរិក និងប្រទេសកូរ៉េខាងត្បូង បានបង្កើនការប្រុងប្រយ័ត្ន បន្ទាប់ពីប្រទេសកូរ៉េខាងជើងបានប្រកាសជាថ្មីពីការលុបកិច្ចព្រមព្រៀងឈប់ធ្វើសង្គ្រាមនៅកូរ៉េនាឆ្នាំ១៩៥៣ ៕
ចែករំលែកព័តមាននេះ