ADផ្ទាំងផ្សព្វផ្សាយពាណិជ្ជកម្ម

Picture

ផ្ទុះការតវ៉ាសុំឱ្យដោះ​​លែង​​ចោរ…លួច​ប្រាក់​​២០ម៉ឺន​ដុល្លារនិង​៥០ម៉ឺនបាត​

4 ឆ្នាំ មុន
  • បន្ទាយមានជ័យ

ខេត្តបន្ទាយមានជ័យ ៖ ករណីនេះ មិន​អាច​រក​ការ​បំភ្លឺ​ភ្លាម​ៗ​បាន​ទេ ពី​តំណាង​អយ្យការ ឬ​ចៅក្រម​ស៊ើប​អង្កេត​ជុំវិញ​សំណុំរឿង​នេះ ។ ​ខណៈតំណាង​ប្រជាពលរដ្ឋ​បញ្ជាក់​ថា មូលហេតុ​ដែល​ពួក​គាត់​នាំ​គ្នា​មក​តវ៉ា​នៅ​មុខ​សាលាដំបូង គឺ​សុំ​ឱ្យ​ជួយ​រក​យុត្តិធម៌​និង​ដោះ​លែង​យុវជន…

ខេត្តបន្ទាយមានជ័យ ៖ ករណីនេះ មិន​អាច​រក​ការ​បំភ្លឺ​ភ្លាម​ៗ​បាន​ទេ ពី​តំណាង​អយ្យការ ឬ​ចៅក្រម​ស៊ើប​អង្កេត​ជុំវិញ​សំណុំរឿង​នេះ ។ ​ខណៈតំណាង​ប្រជាពលរដ្ឋ​បញ្ជាក់​ថា មូលហេតុ​ដែល​ពួក​គាត់​នាំ​គ្នា​មក​តវ៉ា​នៅ​មុខ​សាលាដំបូង គឺ​សុំ​ឱ្យ​ជួយ​រក​យុត្តិធម៌​និង​ដោះ​លែង​យុវជន តែម វាសនា ដោយ​ពួក​គាត់​ធានា​ចំពោះ​មុខ​ច្បាប់​ថា យុវជន​នេះ​ ជា​មនុស្ស​ល្អ​ហើយ​មិន​ពាក់ព័ន្ធ​នឹង​ការ​លួច​គាស់​ផ្ទះ​យក​ទ្រព្យសម្បត្តិ​គេ​ដ៏​សន្ធឹក​សន្ធាប់​​នោះ​ឡើយ ។​

គួរបញ្ជាក់ថា សមត្ថកិច្ច​កងរាជ​អាវុធហត្ថ​ខេត្ត បាន​ចាប់​ឃាត់ខ្លួន​ជន​ម្នាក់​ពី​បទ​លួច​គាស់​ផ្ទះ​យក​ទ្រព្យ​សម្បត្តិ ដែល​គិត​ជាប្រាក់​ប្រមាណ​២០​ម៉ឺន​ដុល្លារ​និង​៥០​មុ​ឺ​ន​បាត ។ ទោះបីជា​បែប​ណា ការ​ចាប់ខ្លួន​ជន​សង្ស័យ​​នេះ ត្រូវ​បាន​សាច់ញាតិ​ប្រមាណ​៤០​នាក់​នាំ​គ្នា​លើក​បដា​តវ៉ា​សុំ​ឱ្យ​ដោះ​លែង និង​រក​យុត្តិធម៌​ឡើង​វិញ​ក ាលពី​ថ្ងៃ​ទី​១២ ខែកក្កដា​កន្លង​ទៅ នៅ​មុខ​សាលាដំបូង ដែល​ពួក​គាត់​អះអាង​ថា​ការ​ចាប់ខ្លួន​នេះ​គ្មាន​ភស្តុតាង ​និង​អយុត្តិធម៌ ។

លោក​វរសេនីយ៍ឯក ម៉ែ​ន ភិ​រម្យ មេបញ្ជាការ​រង​កងរាជអាវុធហត្ថ​ខេត្ត ថ្លែង​ថា ជន​ដែល​ត្រូវ​បាន​ចាប់​ឃាត់​ខ្លួន​នេះ​ឈ្មោះ តែម វាសនា ហៅ​ទិ​ត អាយុ​២៦​ឆ្នាំ រស់នៅ​ភូមិ​ថ្មី ឃុំ​រលួស ស្រុក​ស្វាយចេក ហើយ​ការ​ចាប់​ឃាត់ខ្លួន​នេះ​គឺជា​ការ​អនុវត្ត​តាម​ដីកា ។

លោក​បញ្ជាក់​ថា ក្រោយ​ពី​ទទួល​ដីកា​បញ្ជាឱ្យ​ចូលខ្លួន​របស់​សាលា​ដំបូង​ខេត្ត កម្លាំង​កង​រាជអាវុធហត្ថ​ខេត្ត សហការ​ជាមួយ​កម្លាំង​សមត្ថកិច្ច​ថៃ បាន​ឃាត់ខ្លួន​ជន​ឈ្មោះ តែម វាសនា ហៅ​ទិ​ត កាលពី​ថ្ងៃ​ទី​៨ ខែកក្កដា នៅ​ទីក្រុង​បាងកក ប្រទេស​ថៃ ហើយ​បញ្ជូន​មក​បញ្ជាការដ្ឋាន​កងរាជអាវុធហត្ថ​ខេត្ត ។

លោក​មេបញ្ជាការ​រង​ឲ្យ​ដឹង​ទៀត​ថា ជនសង្ស័យ​ត្រូវ​បាន​ចោទប្រកាន់​ពី​បទ​លួច​គាស់​ផ្ទះ​យក​ទូដែក​ដាក់​ទ្រព្យសម្បត្តិ​ដែល​មាន​គ្រឿងអលង្ការ​គិត​ជា​ទឹកប្រាក់​ប្រមាណ​២០​ម៉ឺន​ដុល្លារ និង​៥០​ម៉ឺន​បាត កាលពី​ថ្ងៃ​ទី​៦ ខែមេសា ឆ្នាំ​២០១៩ នៅ​ភូមិ​គីឡូម៉ែត្រ​លេខ​៤​សង្កាត់​ផ្សារ​កណ្តាល ក្រុង​ប៉ោយ​ប៉ែ​ត ។

ក្រោយ​ពេល​កងរាជអាវុធហត្ថ​ខេត្ត បញ្ជូន​ជនសង្ស័យ​ទៅ​សាលាដំបូង​ខេត្ត គេ​ឃើញ​មានប្រជាពលរដ្ឋ​ប្រមាណ​៤០​នាក់​ដែល​ជា​សាច់ញាតិនាំ​គ្នា​ធ្វើការ​តវ៉ា​នៅ​មុខ​សា​សា​ដំបូង ដោយ​សុំ​ឱ្យមន្ត្រី​សាលាដំបូង ជួយ​រក​យុត្តិធម៌ និង​សុំ​ដោះ​លែង​យុវជន​ជាប់ចោទ​ឈ្មោះ តែម វាសនា ឱ្យ​មាន​សេរីភាព​វិញ ។ (សម្រួលដោយ៖​ស្រីណា​)

អត្ថបទសរសេរ ដោយ