សទ្ធាគឺការជឿបុណ្យ ជឿបាប ជឿកម្ម ជឿផលពោលគឺការជឿត្រូវ ។ សទ្ធាជាមូលដ្ឋាននាំឱ្យកើតបញ្ញា តែក៏ត្រូវរួមផ្សំនឹងការព្យាយាមស្តាប់ផងដែរ ទើបនាំឱ្យកើតបញ្ញាកាន់តែប្រសើរ ។ ជាទូទៅបុគ្គលណាមានសទ្ធាក្នុងសន្តាន…
សទ្ធាគឺការជឿបុណ្យ ជឿបាប ជឿកម្ម ជឿផលពោលគឺការជឿត្រូវ ។ សទ្ធាជាមូលដ្ឋាននាំឱ្យកើតបញ្ញា តែក៏ត្រូវរួមផ្សំនឹងការព្យាយាមស្តាប់ផងដែរ ទើបនាំឱ្យកើតបញ្ញាកាន់តែប្រសើរ ។
ជាទូទៅបុគ្គលណាមានសទ្ធាក្នុងសន្តាន បុគ្គលនោះរមែងចូលទៅរកបណ្ឌិតអ្នកប្រាជ្ញទាំងឡាយ លុះចូលទៅរកហើយ រមែងចូលទៅអង្គុយជិត, កាលបើចូលទៅអង្គុយជិតហើយ រមែងផ្ទៀងនូវសោតប្រសាទ(ត្រចៀក), លុះផ្ទៀងនូវសោតប្រសាទហើយ រមែងបានស្តាប់នូវព្រះធម៌ដែលជាហេតុឱ្យកើតបញ្ញា ទាំងមិនមានសេចក្តីប្រមាទ, កាលបើបានស្តាប់ដោយប្រពៃហើយ រមែងបាននូវបញ្ញាដោយហេតុដែលបានស្តាប់នោះ មិនមែនបាននូវបញ្ញាដោយហេតុដទៃក្រៅអំពីនេះឡើយ ។
កាលបើបុគ្គលបាននូវបញ្ញាហើយតែងធ្វើវត្តបដិបត្តិតាមសមគួរនៃកម្លាំងសទ្ធាជ្រះថ្លា ព្រមដោយសេចក្តីមិនប្រមាទ លុះអស់អាយុសង្ខារគង់នឹងបានចូលទៅកាន់សុគតភពជាមិនខាន ។
ចែករំលែកព័តមាននេះ