សហរដ្ឋអាមេរិក-អង់គ្លេស ៖ ខឹងងំក្នុងចិត្តប្រធានាធិបតីអាមេរិក លោកដូណាល់ត្រាំកាលពីថ្ងៃទី៩កក្កដាបន្តថ្លែងប្រឆាំង ឯកអគ្គរាជទូតអង់គ្លេសប្រចាំក្រុងវ៉ាស៊ិនតោន ដោយចាត់ទុកឯកអគ្គរាជទូតរូបនោះថា ជាមនុស្សភ្លើនិងសំពឹក។ បែបនេះជាការបន្តឈ្លោះគ្នាខាងការទូត ដែលកំពុងក្លាយជាប្រធានបទសម្រាប់ពួកអ្នកប្រកួតប្រជែងគ្នា ដណ្ដើមយកតំណែងនាយករដ្ឋមន្ត្រីបន្តពីលោកស្រី…
សហរដ្ឋអាមេរិក-អង់គ្លេស ៖ ខឹងងំក្នុងចិត្តប្រធានាធិបតីអាមេរិក លោកដូណាល់ត្រាំកាលពីថ្ងៃទី៩កក្កដាបន្តថ្លែងប្រឆាំង ឯកអគ្គរាជទូតអង់គ្លេសប្រចាំក្រុងវ៉ាស៊ិនតោន ដោយចាត់ទុកឯកអគ្គរាជទូតរូបនោះថា ជាមនុស្សភ្លើនិងសំពឹក។ បែបនេះជាការបន្តឈ្លោះគ្នាខាងការទូត ដែលកំពុងក្លាយជាប្រធានបទសម្រាប់ពួកអ្នកប្រកួតប្រជែងគ្នា ដណ្ដើមយកតំណែងនាយករដ្ឋមន្ត្រីបន្តពីលោកស្រី THERESA MAY ដែលសុំលាលែងព្រោះតែបរាជ័យលើរឿងBREXIT។
លោកត្រាំដំបូងបញ្ចេញប្រតិកម្មមានការថ្លឹងថ្លែង ចំពោះការចេញផ្សាយកាលពីថ្ងៃទី៦កក្កដាក្នុងកាសែតអង់គ្លេស របាយការណ៍សំងាត់ផ្ទៃក្នុងមួយ ដែលឯកអគ្គរាជទូតលោកKIM DARROCH បានហៅលោកថាជាមនុស្សមិនគ្រប់ទឹកនិងអសមត្ថភាព និងជាប្រមុខសេតវិមានដែលស្របូកច្របល់។ ប៉ុន្តែលោកត្រាំបានផ្លាស់ប្ដូរវោហាសាស្ត្រ ដោយហៅលោកKIM DARROCHថា ជាមនុស្សដែលយើងមិនរាប់រក និងជាមនុស្សសំពឹក។ លោកក៏នៅតែវាយប្រហារលើលោកស្រីMAYដែលគាំទ្រពាក្យប្រមាថរបស់លោកKIM DARROCH។
ចំណែកបេក្ខជន២រូបសម្រាប់ប្រជែងយកតំណែងលោកស្រីMAYបញ្ចេញប្រតិកម្មខុសៗគ្នា ចំពោះការវាយបកខាងវោហាសាស្ត្ររបស់លោកត្រាំ។ រដ្ឋមន្ត្រីការបរទេសលោកJEREMY HUNT បានចាត់ពាក្យពេចន៍របស់លោកត្រាំថាមិនគួរឲ្យគោរពនិងខុស។
ចំណែកលោកបូរីសចនសុុនវិញ បានលើកជាបឋមពីទំនាក់ទំនងល្អរបស់លោកជាមួយលោកត្រាំ ពេលគេសួរលោកលើការវាយប្រហាររបស់លោកត្រាំចំពោះលោកស្រីMAY។ លោកបានបង្ហាញជាពិសេសបំផុត ពីការបង្រួបបង្រួមជាមួយប្រមុខសេតវិមាន។ ខុសពីលោកHUNTដែលថា ឯកអគ្គរាជទូតអង់គ្លេសបានបញ្ចេញទស្សនៈផ្ទាល់ខ្លួនប៉ុណ្ណោះ។ ពួកអ្នកការទូតអាមេរិកក៏បញ្ចេញមតិផ្ទាល់ខ្លួនរបស់ពួកគេដែរ៕ (កែសម្រួលដោយ ៖ បុប្ផា)
ចែករំលែកព័តមាននេះ