ស្រុកព្រៃនប់ ៖ បើតាមសេចក្តីរាយការណ៍បឋមបានឱ្យដឹងថា មុននេះបន្តិច រថយន្ត RX300 មួយគ្រឿង ត្រូវបានភ្លើងឆាបឆេះហុយផ្សែងទ្រលោម ខណៈពេលរថយន្តកំពុងបើកបរ ហេតុការណ៍នេះបង្កឱ្យមានការភ្ញាក់ផ្អើលកាលពីម៉ោងជិត១១និង២០នាទីព្រឹក…
ស្រុកព្រៃនប់ ៖ បើតាមសេចក្តីរាយការណ៍បឋមបានឱ្យដឹងថា មុននេះបន្តិច រថយន្ត RX300 មួយគ្រឿង ត្រូវបានភ្លើងឆាបឆេះហុយផ្សែងទ្រលោម ខណៈពេលរថយន្តកំពុងបើកបរ ហេតុការណ៍នេះបង្កឱ្យមានការភ្ញាក់ផ្អើលកាលពីម៉ោងជិត១១និង២០នាទីព្រឹក ថ្ងៃទី០៧ ខែកក្កដា ឆ្នាំ២០១៩ តាមបណ្តោយផ្លូវជាតិលេខ3 ចន្លោះបង្គោលគីឡូម៉ែត្រលេខ ១៩៩~២០០ ស្ថិតនៅភូមិបឹងវែង ឃុំវាលរេញ ស្រុកព្រៃនប់ ខេត្តព្រះសីហនុ។
សេចក្តីរាយការណ៍បន្តថា ករណីខាងលើបង្កឡើងដោយខ្លួនឯង ដែលបើកបររដោយឈ្មោះ HUANG WENHAO ជនជាតិចិន ភេទប្រុស អាយុ២៣ឆ្នាំ មុខរបរអាជីវករ ដែលបើករថយន្តម៉ាក LEXUS RX300 ពណ៌ខ្មៅ ពាក់ផ្លាកលេខ ភ្នំពេញ 2U-7251និងអ្នករួមដំណើរឈ្មោះ HUANG QIONGYANG ភេទប្រុស អាយុ៥៣ឆ្នាំ ជាជនជាតិចិន មុខរបរអាជីវករ អ្នកទាំងពីរមានទីលំនៅបណ្តោះអាសន្នខេត្តកំពត។
សេចក្តីរាយការណ៍បន្តទៀតថា មុនពេលកើតហេតុ រថយន្ត RX300 មួយគ្រឿងបានធ្វើដំណើរក្នុងទិសដៅពីស្រុកព្រៃនប់ គោលបំណងឆ្ពោះទៅខេត្តកំពតតាមបណ្តោយផ្លូវជាតិលេខ3 លុះមកដល់ចំណុចជិតរង្វង់មូលវាលរេញម៉ោងជិត11ព្រឹក បានឈប់នៅខាងស្តាំដៃ ហើយកាច់សោពន្លត់រថយន្ត ស្រាប់តែរថយន្តមានផ្សែងហុយចេញ ក៏ឆាបឆេះម៉ាស៊ីនដោយមិនដឹងមូលហេតុច្បាស់លាស់ បង្កឱ្យមានការភ្ញាក់ផ្អើលដល់ប្រជាពលរដ្ឋរាយការណ៍មកអធិការដ្ឋាននគរបាលស្រុកព្រៃនប់ ។
សេចក្តីរាយការណ៍បន្តថា ពេលនោះលោកអធិការបានបញ្ជាឱ្យកម្លាំងជំនាញ រួមទាំងរថយន្តពន្លត់អគ្គិភ័យ មកជួយបាញ់ពន្លត់អស់ទឹក១រថយន្ត ទើបរលត់ទាំងស្រុង។ ហើយករណីខាងលើនេះ មិនបណ្ដាលឲ្យរបួសមនុស្សណាម្នាក់ឡើយ ។
បច្ចុប្បន្ន រថយន្តខាងលើត្រូវបានយកមករក្សាទុកជាបណ្តោះអាសន្ននៅអធិការដ្ឋាននគរបាលស្រុកព្រៃនប់។ ដោយឡែកអ្នកបើកបរ និងអ្នករួមដំណើរ សមត្ថកិច្ចបាននាំមកសួរនាំហើយ។ (កែសម្រួលដោយ ៖ បុប្ផា)
ចែករំលែកព័តមាននេះ