ភ្នំមួយមិនអាចមានខ្លាពីរចិនកំពុងរកវិធីគេចចេញពីការគាបសង្កត់របស់អាមេរិក
ចិន ៖ ទីផ្សារសកលបានដំណើរការទៅមុខល្អប្រសើរ ក្រោយមានជំនួបគ្នារវាងមេដឹកនាំអាមេរិក លោកប្រធានាធិបតី Donald Trump និង មេដឹកនាំចិន លោកប្រធានាធិបតី…
ចិន ៖ ទីផ្សារសកលបានដំណើរការទៅមុខល្អប្រសើរ ក្រោយមានជំនួបគ្នារវាងមេដឹកនាំអាមេរិក លោកប្រធានាធិបតី Donald Trump និង មេដឹកនាំចិន លោកប្រធានាធិបតី…
ចិន ៖ ទីផ្សារសកលបានដំណើរការទៅមុខល្អប្រសើរ ក្រោយមានជំនួបគ្នារវាងមេដឹកនាំអាមេរិក លោកប្រធានាធិបតី Donald Trump និង មេដឹកនាំចិន លោកប្រធានាធិបតី Xi Jinping កាលពីចុងសប្តាហ៍កន្លងផុតថ្មីៗនេះ។ ប៉ុន្តែក្រុមអ្នកវិភាគនិយាយថា ចិនកំពុងតែផ្លាស់ប្តូររបៀបរកស៊ីខាងផ្នែកបច្ចេកវិទ្យា ដើម្បីជៀសផុតពីការគាបសង្កត់ពីសហរដ្ឋអាមេរិក ដូចពេលនេះទៀត។
កិច្ចប្រជុំនៅខាងក្រៅកិច្ចប្រជុំកំពូលនៃក្រុមប្រទេស G-20 នៅចុងសប្តាហ៍នេះ លោក Trump និង លោក Xi បានព្រមព្រៀងគ្នា ដើម្បីធ្វើឱ្យមានកិច្ចចរចារពាណិជ្ជកម្ម ហើយបានសន្យាថានឹងចាប់យកពន្ធគយថ្មីលើការនាំចូលទៅវិញទៅមក។
ទោះបីជាមិនមានព័ត៌មានលម្អិតបន្ថែមទៀតស្តីពីកិច្ចព្រមព្រៀងពាណិជ្ជកម្ម លោក Trump បានស្នើថា លោកអាចបន្ធូរបន្ថយការរឹតបន្តឹងលើការនាំចេញបច្ចេកវិទ្យារបស់សហរដ្ឋអាមេរិកទៅកាន់ក្រុមហ៊ុនបច្ចេកវិទ្យាចិន Huawei ទោះបីជាក្រុមហ៊ុននេះត្រូវបានគេចោទប្រកាន់ថាជាហានិភ័យសន្តិសុខជាតិសម្រាប់អាមេរិកក៏ដោយ។
អ្នកឃ្លាំមើលនៃសង្គ្រាមពាណិជ្ជកម្មនិងផលប៉ះពាល់របស់វាទៅលើបរិយាកាសបច្ចេកវិទ្យា បាននិយាយថា បើទោះបីជាមានការនិយាយគ្នាយ៉ាងណាក៏ដោយ ទំនាក់ទំនងរវាងចិននិងអាមេរិក នឹងត្រូវផ្លាស់ប្តូរជារៀងរហូត។ គេបានព្យាករណ៍ថា នៅថ្ងៃអនាគតអាចនឹងមានពិភពបច្ចេកវិទ្យាពីរផ្សេងគ្នា ដែលមួយគឺជារបស់ចិន និង មួយទៀតជារបស់អាមេរិក។
សង្គ្រាមពាណិជ្ជកម្មរយៈពេល១៨ខែ រវាងសហរដ្ឋអាមេរិកនិងប្រទេសចិន ត្រូវបានគេមើលឃើញយ៉ាងទូលំទូលាយថាជាការប្រកួតប្រជែងលើវិស័យបច្ចេកវិទ្យា។ មូលហេតុរបស់លោក Trump ដែលចាប់ផ្តើមសង្គ្រាមនេះឡើង គឺមកពីឃើញភាពមិនយុត្តិធម៌រវាងការធ្វើពាណិជ្ជកម្មរបស់ចិន និង ការលួចកម្មសិទ្ធិបញ្ញាពីអាមេរិក។ ដូចនេះ ចិនពិតណាស់ត្រូវតែរកវិធីលេងខាងផ្នែកបច្ចេកវិទ្យាដោយខ្លួនឯង ៕
ប្រភព ៖ cnbc , កែសម្រួលដោយ ៖ សំណាង
ចែករំលែកព័តមាននេះ