សង្គ្រាមអ៉ីរ៉ង់ ៖ អ៉ីរ៉ង់សន្យា នាថ្ងៃទី៦ មេសា ពីការសងសឹកវិញយ៉ាងបំផ្លិចបំផ្លាញបំផុត ប្រសិនបើមានការវាយប្រហារថ្មីៗរបស់អាមេរិក និងអ៉ីស្រាអែល ប្រឆាំងបណ្ដាហេដ្ឋារចនាសម្ព័ន្ធស៊ីវិលរបស់ខ្លួន ។…
សង្គ្រាមអ៉ីរ៉ង់ ៖ អ៉ីរ៉ង់សន្យា នាថ្ងៃទី៦ មេសា ពីការសងសឹកវិញយ៉ាងបំផ្លិចបំផ្លាញបំផុត ប្រសិនបើមានការវាយប្រហារថ្មីៗរបស់អាមេរិក និងអ៉ីស្រាអែល ប្រឆាំងបណ្ដាហេដ្ឋារចនាសម្ព័ន្ធស៊ីវិលរបស់ខ្លួន ។
អ្នកនាំពាក្យរបស់ទីបញ្ជាការដ្ឋានយោធាអ៉ីរ៉ង់ ក្នុងសេចក្ដីប្រកាសមួយបានព្រមានថា ប្រសិនបើការវាយប្រហារបណ្ដាគោលដៅស៊ីវិលនៅបន្តនោះ ដំណាក់កាលខាងមុខនៃប្រតិបត្តិការវាយលុក និងសងសឹករបស់យើង នឹងពិតជាបំផ្លិចបំផ្លាញបំផុត និងកាន់តែរីកធំ ហើយការបាត់បង់និងការខូចខាតដោយសារការសងសឹកនោះ ពិតជាធំធេងបំផុត។
ដោយវាយតម្លៃថា បណ្ដាគោលដៅយោធាសម្រេចបានអស់ហើយ ប្រធានាធិបតីអាមេរិកលោកដូណាល់ត្រាំ បានគំរាមនាពេលនេះ វាយប្រហារបណ្ដាហេដ្ឋារចនាសម្ព័ន្ធស៊ីវិលរបស់អ៉ីរ់ង់ ពិសេសស្ពាន និងបណ្ដាមជ្ឈមណ្ឌលអគ្គិសនី ប្រសិនបើអ៉ីរ៉ង់មិនព្រមបើកពេញលេញច្រកសមុទ្រហ័រមូសទេនោះ ។ ចំណែកប្រធានសភាអ៉ីរ៉ង់ លោកម៉ូហាម៉ាដ បាក់ហ័រហ្គាលីបាហ្វ វិញអះអាងថា តំបន់ទាំងមូលនឹងក្លាយជាអណ្ដាតភ្លើង ព្រោះតែពួកអ្នកធ្វើតាមបញ្ជារបស់នាយករដ្ឋមន្ត្រីអ៉ីស្រាអែលលោកបេនចាមីននេតាន់យ៉ាហ៊ូ ។
មនុស្ស២នាក់បានត្រូវស្លាប់ក្នុ្នងគំនរបាក់បែកនៃអគារមួយនៅក្រុងហៃហ្វាភាគខាងជើងអ៉ីស្រា
អែល ដែលរងការវាយប្រហារដោយមីស៊ីលអ៉ីរ៉ង់កាលពីថ្ងៃទី៥ មេសា ។ ការរុករកកំពុងបន្ត តាមរកមនុស្ស២នាក់ដែលបាត់ខ្លួនក្នុងគំនរបាក់បែកនៃអគារត្រូវកម្ទេច ដោយគ្រាប់មីស៊ីលនោះ។ ការវាយប្រហារនេះ ក្រៅពីអ្នកស្លាប់និងអ្នកបាត់ខ្លួន មនុស្ស៤នាក់ទៀតរងរបួស។ អគារកម្ពស់់៧ជាន់នោះរងការបំផ្លាញស្ទើរទាំងស្រុង។
នាថ្ងៃទី៦ មេសា អ៉ីរ៉ង់បានវាយប្រហារថែមទៀតលើអ៉ីស្រាអែល និងបណ្ដាប្រទេសនៅតំបន់ឈូងសមុទ្រពែរ្ស៍ ។ នាព្រឹកព្រលឹមថ្ងៃទី៦ មេសា អ៉ីរ៉ង់បានវាយប្រហារលើអ៉ីស្រាអែល គុយវ៉ែត និងអេមីរ៉ាត់អារ៉ាប់រួម ដោយមីស៊ីល និងដ្រូន ។ ចំណែកកងទ័ពអ៉ីស្រាអែលប្រកាសថា បានវាយប្រហារថ្មីៗប្រឆាំងក្រុងតេហេរ៉ង់ ។ ក្នុងរដ្ឋធានីអ៉ីរ៉ង់ សាកលវិទ្យាល័យមួយជាគោលដៅនៃការវាយប្រហារ ហើយការវាយប្រហារក៏បណ្ដាលឲ្យខូចខាតទីតាំងឧស្ម័នមួយកន្ហែង នៅក្បែរសាកលវិទ្យាល័យនោះ បណ្ដាលឲ្យមួយផ្នែកនៃក្រុងតេហេរ៉ង់គ្មានឧស្ម័នប្រើប្រាស់។ តាមបណ្ដាសារព័ត៌មានអ៉ីរ៉ង់ថា ការវាយប្រហារជាច្រើនក៏កើតមានដែរ ក្នុងបណ្ដាសង្កាត់ពលរដ្ឋរស់នៅនៃក្រុងតេហេរ៉ង់។
ការគំរាមកំហែងគ្នាទៅវិញទៅមក រវាងអាមេរិកនិងអ៉ីរ៉ង់ ដែលនាំឲ្យមានការបារម្ភកាន់តែខ្លាំង នាំឲ្យតម្លៃប្រេងឡើងកាន់តែខ្ពស់ដោយនាថ្ងៃទី៦ មេសា ប្រេងឆៅមួយធុងឡើងថៃ្លដល់១១០ដុល្លារ។ ប៉ុន្តែការបារម្ភលើប្រេងឡើងថៃ្លកាន់តែខ្ពស់ មានការធូរស្រាលបន្តិចវិញដោយសារតែការសម្រេចរបស់រុស្ស៊ី អារ៉ាប៊ីសាអូឌីត ព្រមប្រទេស៦ទៀត ជាសមាជិកអង្គការបណ្ដាប្រទេសនាំប្រេងចេញហៅកាត់ថាOPECបង្កើនផលិតកម្មប្រេងរបស់ពួកគេចាប់ពីខែឧសភាទៅ ៕
ចែករំលែកព័តមាននេះ