សង្គ្រាមអ៉ីរ៉ង់ ៖ នាថ្ងៃទី៦ មេសា អ៉ីរ៉ង់បានបដិសេធសំណើឈប់បាញ់គ្នារយៈពេល៤៥ថ្ងៃហើយថ្លែងថា ចង់បញ្ចប់ជាស្ថាពរនូវសង្គ្រាម ចំណែកប្រធានាធិបតីអាមេរិក លោកដូណាល់ត្រាំវិញហាក់ដូចជាកាន់តែពង្រីកការគំរាមវាយប្រហារបណ្ដាគោលដៅស៊ីវិលក្នុងប្រទេសអ៉ីរ៉ង់ទាំងមូលក្រោយឱសានវាទរបស់លោកផុតកំណត់ ។ ក្នុងសន្និសីទសារព័ត៌មានមួយឯសេតវិមាន…
សង្គ្រាមអ៉ីរ៉ង់ ៖ នាថ្ងៃទី៦ មេសា អ៉ីរ៉ង់បានបដិសេធសំណើឈប់បាញ់គ្នារយៈពេល៤៥ថ្ងៃហើយថ្លែងថា ចង់បញ្ចប់ជាស្ថាពរនូវសង្គ្រាម ចំណែកប្រធានាធិបតីអាមេរិក លោកដូណាល់ត្រាំវិញហាក់ដូចជាកាន់តែពង្រីកការគំរាមវាយប្រហារបណ្ដាគោលដៅស៊ីវិលក្នុងប្រទេសអ៉ីរ៉ង់ទាំងមូលក្រោយឱសានវាទរបស់លោកផុតកំណត់ ។
ក្នុងសន្និសីទសារព័ត៌មានមួយឯសេតវិមាន លោកត្រាំគំរាមថា ប្រទេសអ៉ីរ៉ង់ទាំងមូលអាចត្រូវ
កម្ទេចក្នុងពេលតែមួយយប់ ហើយអាចក្នុងយប់នេះ ឬយប់ស្អែក។ លោកត្រាំចាត់ទុកថា ចប់ជាស្ថាពរហើយ ពេលដែលលោកកំណត់ចំពោះអ៉ីរ៉ង់ ឲ្យចុះហត្ថលេខាលើកិច្ចព្រមព្រៀងមួយ។ ឱសានវាទលោកត្រាំ ចប់ថ្ងៃទី៧ មេសា វេលាម៉ោង២០ម៉ោង នៅក្រុងវ៉ាស៊ីនតោន ។ អាមេរិកបានបង្កើនការគំរាមប្រឆាំងអ៉ីរ៉ង់ ដោយស្នើឲ្យបើកច្រកសមុទ្រហ័រមូស បើមិនដូច្នេះទេនឹងទទួលរងរលកនៃការវាយប្រហារបណ្ដាគោលដៅស៊ីវិល។ រដ្ឋមន្ត្រីក្រសួងសង្ក្រាមអាមេរិក លោក PETE HEGSETH បានព្រមានថា ពេលនេះ យើងធ្វើការវាយប្រហារដ៏ច្រើនបំផុតពុំធ្លាប់មានតាំងពីថ្ងៃដំបូងនៃសង្គ្រាមមក ។ រួចថ្ងៃស្អែកនឹងមានការវាយប្រហារកាន់តែខ្លាំងថែមទៀត ។
អ៉ីស្រាអែលបានបង្កើនការគាបសង្កត់ដោយវាយប្រហារទីតាំងឧស្ម័នដ៏ធំបំផុតរបស់អ៉ីរ៉ង់ ជាប្រភពថាមពលជាតិសំខាន់របស់ជាតិនោះ គឺ់ទីតាំងឧស្ម័នSOUTH PARS ហើយសម្លាប់មេបញ្ជាការ២នាក់របស់កងឆ្មាំបដិវត្តន៍។ អ៉ីស្រាអែលនិយាយថា ការវាយប្រហារលើទីតាំងឧស្ម័ននោះគឺសំដៅលុបបំបាត់ប្រភពចំណូលចម្បងសម្រាប់អ៉ីរ៉ង់។ ទីតាំងនោះសំខាន់ណាស់ សម្រាប់ការផលិត
អគ្គិ្កសនីរបស់ប្រទេស ។ ការវាយប្រហារទីតាំងនោះលើកមុន កាលពីខែមីនាបណ្ដាលឲ្យអ៉ីរ៉ង់វាយប្រហារបណ្ដាហេដ្ឋារចនាសម្ព័ន្ធថាមពល ក្នុងប្រទេសដទៃៗទៀតនៅមជ្ឈឹមបូព៌ា ។
អ៉ីរ៉ង់បានវាយប្រហារបណ្ដាហេដ្ឋារចនាសម្ព័ន្ធ ក្នុងបណ្ដាប្រទេសអារ៉ាប់ជិតខាងជាសម្ព័ន្ធមិត្តអាមេរិក ហើយគំរាមរិតត្បិតច្រកសមុទ្រមួយទៀតក្នុងតំបន់ ដែលមាននាវាឆ្លងកាត់ច្រើនដែរគឹច្រក
សមុទ្រBAB EL MANDEB ក្នុងដែនទឹកឧបទ្វីបអារ៉ាប់ ។
អ៉ីរ៉ង់បានបញ្ជូនចម្លើយមាន១០ចំណុចតាមរយៈអាជ្ញាកណ្ដាលប៉ាគីស្ថាន ដែលរួមមានសំណើពីការកសាងឡើងវិញនិងការលុបចោលបណ្ដាទណ្ឌកម្ម។ ប្រមុខការទូតអ៉ីរ៉ង់ប្រចាំក្រុងគែរលោក
ម៉ូតាបាហ្វ័រឌូស៊ីពួថ្លែងថា យើងនឹងមិនទទួលយកត្រឹមតែបទឈប់បាញ់គ្នាមួយទេ។ យើងទទួលយកតែការបញ្ចប់សង្គ្រាមនិងការធានាថា យើងនឹងមិនរងការវាយប្រហារទៀត។ លោកបន្តថា អ៉ីរ៉ង់មិនជឿទុកចិត្តរដ្ឋបាលលោកត្រាំឡើយ បន្ទាប់ពីអាមេរិកវាយប្រហារយើង២លើករួចមកហើយ ក្នុងពេលចរចាលើកមុនៗ ។ ចំណែកអ្នកទទួលខុសត្រូវតំបន់ម្នាក់ចូលរួមក្នុងការចរចាអះអាងថា បណ្ដាការខិតខំប្រឹងប្រែងមិនទាន់បរាជ័យឡើយ។ យើងកំពុងពិភាក្សាជានិច្ចជាមួយភាគីទាំង២៕
ចែករំលែកព័តមាននេះ