រាជធានីភ្នំពេញ ៖ ស្ត្រីមានផ្ទៃពោះម្នាក់ ត្រូវឃាតករសម្លាប់រួចច្រកក្នុងវ៉ាលីសដឹកសពយកទៅដុតក្នុងគោលបំណងបំបាត់ភស្តុតាងនៅក្នុងដីវាលមួយកន្លែង តាមបណ្តោយមហាវិថីឈ្នះ ឈ្នះជាយរាជធានីភ្នំពេញ ។ ហេតុការណ៍នេះ បង្កឱ្យមានការភ្ញាក់ផ្អើល កាលពីវេលាម៉ោងប្រមាណ៩និង៣០នាទីយប់ថ្ងៃ
ទី២៩ មិថុនា នៅចំណុចដីឡូត៍មួយកន្លែងចម្ងាយប្រមាណ២០០ទៅ៣០០ម៉ែត្រ ពីមហាវិថីឈ្នះ ឈ្នះស្ថិតក្នុងភូមិបាក់ខែងលើ សង្កាត់បាក់ខែង ខណ្ឌជ្រោយចង្វា ។ សូមរំលឹកថា៖ សង្ស័យជារឿងរំលោភសម្លាប់ រួចបំបាត់ភស្តុតាង ផ្អើលខាងជើងផ្លូវវិមានឈ្នះឈ្នះ
សពនារីរូបនោះត្រូវឆេះខ្លោចរួញក្រញង់ម ិនមាននរណាម្នាក់ស្គាល់អត្តសញ្ញាណឡើយ មានអាយុប្រមាណចន្លោះជា១៥ឆ្នាំ ទៅ១៩ឆ្នាំ និងមានផ្ទៃពោះប្រមាណ៧ ទៅ៨សប្តាហ៍ ព្រមទាំងមានការសង្ស័យថា ជាជនជាតិចិន ។ នេះបើតាមលទ្ធផលនៃការវះកាត់ធ្វើកោសល្យវិច័យលើសាកសពដែលឆេះខ្លោចនោះនៅព្រឹកថ្ងៃទី៣០ មិថុនា ។
តាមសាក្សីដែលជាកម្មករបូមខ្សាច់នៅក្បែរកន្លែងកើតបានឱ្យដឹងថា នៅមុនពេលកើតហេតុ បានឃើញអណ្តាតភ្លើងឆេះក្នុងដីវាលនេះយ៉ាងសន្ធោសន្ធៅ ហើយក៏បាននាំគ្នារត់ទៅមើលដោយស្មានតែឆេះព្រៃ ព្រមទាំងរាយការណ៍ ទៅកម្លាំងកងរាជអាវុធហត្ថ និងរាយការណ៍ទៅនគរបាលមូលដ្ឋានចុះទៅពិនិត្យ ។ ភ្លាមៗកម្មករបូមខ្យាច់រួមជាមួយសមត្ថកិច្ចបាននាំគ្នាពន្លត់ តែភ្លើងបានឆេះទ្រោមអស់ទៅហើយ និងឃើញមានសពមនុស្សម្នាក់ឆេះខ្លោចនៅក្នុងភ្លើង ។
បន្ទាប់ពីមានការភ្ញាក់ផ្អើលឃើញភ្លើងឆេះមានសាក្សីខ្លះ ក៏បានឃើញរថយន្តម៉ាកឡិចស៊ីស RX៣៣០ មួយគ្រឿង បានជិះចេញពីកន្លែងកើតហេតុផងដែរ ។ នៅយប់នោះ នគរបាលជំនាញក៏បានចុះទៅត្រួតពិនិត្យកន្លែងកើតហេតុ បានរកឃើញអាវទ្រនាប់ស្ត្រីម្នាក់នៅក្បែរនោះ ព្រមទាំងរកឃើញឆ្អឹងដែកវ៉ាលីសក្នុងគំនរផេះផង់ ដែលអ្នកខ្លះអះអាងថា បំពង់ទីបនិងកង់វ៉ាលី ព្រមទាំងរូបកង្កែបពណ៌ទឹកមាស ។
ទន្ទឹមនោះ មានបណ្តាញព័ត៌មានមួយចំនួន ក៏បានផ្សព្វផ្សាយជាជំហានដំបូងដោយសង្ស័យថា ស្ត្រីរូបនោះ ត្រូវឃាតកររំលោភ ហើយវាយសម្លាប់ដុតសពបំផ្លាញភស្តុតាង ។ ទោះបីជាយ៉ាងណាក្តី នេះជាព័ត៌មានដំបូងតែប៉ុណ្ណោះ ។ សពឆេះខ្លោចរួញខ្មៅត្រូវបាននគរបាលដឹកបញ្ជូនទៅតម្កល់នៅឈាបនដ្ឋានវត្តស្ទឹងមានជ័យ ដើម្បីត្រួតពិនិត្យបន្តទៀត ។
តាមព័ត៌មានឱ្យដឹងទៀតថា នៅព្រឹកថ្ងៃទី៣០ មិថុនា នគរបាលជំនាញក៏បានបន្តចុះទៅពិនិត្យកន្លែងកើតហេតុ និងពិនិត្យសពយ៉ាងល្អិតល្អន់បំផុតក្រោមការចូលរួមត្រួតពិនិត្យពីពេទ្យ តុលាការ និងអង្គការCPUអូស្ត្រាលី ។ នៅក្នុងការត្រួតពិនិត្យនោះមន្ត្រីជំនាញក៏បានបញ្ជាក់ថា សពដែលឆេះខ្លោចនោះជានារីភេទ។ នៅលើ.កមានចំណងកន្សែងពោះគោដែលបញ្ជាក់ថានារីរូបនោះត្រូវបានឃាតកររឹត.កសម្លាប់ ។ សពនារីរូបនោះមានអាយុប្រមាណចន្លោះពី១៥ឆ្នាំទៅ១៩ឆ្នាំ ព្រមទាំងមានផ្ទៃពោះប្រមាណ៨សប្តាហ៍ ។
មន្ត្រីជំនាញក៏បានធ្វើការសន្និដ្ឋានថា នារីរូបនោះត្រូវបានឃាតករ (អាចជាអ្នកស្គាល់គ្នា)រឹតកសម្លាប់នឹងកន្សែងនៅកន្លែងណាមួយ រួចច្រកក្នុងវ៉ាលី ដឹកតាមរថយន្តយកទៅដុតចោលបំបាត់ភស្តុតាង ។ ចំពោះនារីរងគ្រោះគេពុំដឹងថា ជាជនជនជាតិអ្វីឡើយ តែសមត្ថកិច្ចមានការសង្ស័យថា អាចជាជនជាតិចិន ហើយឃាតករអាចជាជនជាតិចិនដូចគ្នា ដឹកសពយកទៅបំផ្លាញភស្តុតាងនៅកន្លែងស្ងាត់ ។
ទោះបីជាយ៉ាងណា គរបាលកំពុងតែស្រាវជ្រាវយ៉ាងសកម្មជុំវិញឃាតកម្មដុតសាកសពយ៉ាងសាហាវ ព្រៃផ្សៃនេះ ។ កោះសន្តិភាពនឹងផ្សាយជូនបន្តទៀតដរាបណាមានព័ត៌មានប្លែក ។ សូមរំលឹកថា៖ ដឹងមូលហេតុខ្លះៗហើយ លើករណីសង្ស័យរំលោភ រួចសម្លាប់ចោលបំបាត់ភស្តុតាង
ចែករំលែកព័តមាននេះ