ADផ្ទាំងផ្សព្វផ្សាយពាណិជ្ជកម្ម

Picture

រដ្ឋបាល​ខេត្តស្វាយរៀង អបអរសាទរ​សិស្ស​ពូកែ​អក្សរសិល្ប៍​ខ្មែរ ជាប់​ជ័យ​លា​ភី​លេខ​១ ទូ​ទាំង​ប្រទេស

1 នាទី មុន

ខេត្តស្វាយរៀង ៖ នៅ​ព្រឹក​ថ្ងៃ​ទី​១១ ខែឧសភា ឆ្នាំ​២០២៦​នេះ លោក រស់ ផា​រិ​ទ្ធ អភិបាលរង​ខេត្តស្វាយរៀង តំណាង​លោក…

ខេត្តស្វាយរៀង ៖ នៅ​ព្រឹក​ថ្ងៃ​ទី​១១ ខែឧសភា ឆ្នាំ​២០២៦​នេះ លោក រស់ ផា​រិ​ទ្ធ អភិបាលរង​ខេត្តស្វាយរៀង តំណាង​លោក ប៉េង ពោធិ៍​សា អភិបាលខេត្ត បាន​អញ្ជើញ​ជួប​សំណេះសំណាល ប្រកាស​ទទួលស្គាល់​សិស្ស​ពូកែ​ទូ​ទាំង​ប្រទេស ជ័យ​លា​ភី​លេខ​១ ផ្នែក​អក្សរសាស្ត្រ​ខ្មែរ គណិត​វិទ្យា និង​រូបវិទ្យា​ថ្នាក់​ទី​៩ និង​ទី​១២ សម័យ​ប្រឡង​ថ្ងៃ​ទី​២៦ ខែមេសា ឆ្នាំ​២០២៦ ។

ពិធី​នេះ​ក៏​មានការ​អញ្ជើញ​ចូលរួម​អបអរសាទរ​ពី​សំណាក់ លោក លោកស្រី​នាយក នាយករង​រដ្ឋបាល​សាលាខេត្ត លោក​ប្រធាន​ការិយាល័យ​ប្រជាពលរដ្ឋ​សាលាខេត្ត លោក លោកស្រី​នាយក​ទីចាត់ការ​ទាំង​៥ ចំណុះ​សាលាខេត្ត លោកស្រី​ប្រធាន​អង្គភាព​លទ្ធកម្ម​រដ្ឋបាល​សាលាខេត្ត លោកស្រី​ប្រធាន​អង្គភាព​ច្រក​ចេញចូល​តែ​មួយ​សាលាខេត្ត លោក​ប្រធាន​ផ្នែក​ទាំង​២ នៃ​ការិយាល័យ​ប្រជាពលរដ្ឋ​សាលាខេត្ត លោក លោកស្រី​ប្រធាន​ការិយាល័យ​ចំណុះ​ទីចាត់ការ​សាលាខេត្ត លោក​អភិបាលស្រុក​រំដួល ព្រមទាំង​លោកគ្រូ​អ្នកគ្រូ សិស្សានុសិស្ស នៃ​វិទ្យាល័យ​ពងទឹក ស្រុក​រំដួល ជា​ច្រើន​រូប​ទៀត ។

ថ្លែង​ក្នុង​ពិធី​សំណេះសំណាល​នោះ លោក​អភិបាលរង​ខេត្ត បាន​ពាំនាំ​នូវ​ការ​ចូល​អបអរសាទរ​ប្អូនស្រី រស់ ដា ជា​សិស្ស​សិក្សា​នៅ​វិទ្យាល័យ​ពងទឹក ស្រុក​រំដួល ហើយ​បាន​ប្រឡង​ជាប់​សិស្ស​ពូកែ​ទទួល​បាន​ជ័យ​លា​ភី​លេខ​១ មុខ​វិជ្ជា​អក្សរសិល្ប៍​ខ្មែរ​ទូ​ទាំង​ប្រទេស ថ្នាក់​ទី​១២ នា​ពេល​កន្លង​ទៅ​ថ្មី​ៗ​នេះ ដែល​បាន​នាំ​មក​នូវ​កិត្តិយស​សម្រាប់​សាលា សម្រាប់​ខេត្តស្វាយរៀង ជា​ពិសេស​កិត្ត​យស​ដ៏​ធំធេង​សម្រាប់​គ្រួសារ ដែល​បាន​ខិតខំ​ចិ​ញ្ចិ​ម​បីបាច់​ថែរក្សា​ប្រកបដោយ​ព្រហ្ម​វិហារធម៌ និង​ការ​ខិតខំ​ប្រឹងប្រែង​របស់​លោកគ្រូ​អ្នកគ្រូ​ផង​ដែរ ។

លោក​អភិបាលរង​ខេត្ត​បន្ថែម​ថា ក្នុង​នាម​លោក​អភិបាលខេត្ត ក្រុមប្រឹក្សា​ខេត្ត សូម​ថ្លែង​ការ​កោតសរសើរ ចំពោះ​កិច្ច​ខិតខំ​ប្រឹងប្រែង​របស់​ថ្នាក់ដឹកនាំ មន្ទីរ​អប់រំ លោកគ្រូ អ្នកគ្រូ ព្រមទាំង​គ្រប់​អ្នក​ពាក់ព័ន្ធ ដែល​បាន​បន្ត​យកចិត្តទុកដាក់​ខ្ពស់​ទៅ​លើ​វិស័យ​អប់រំ យុវជន និង​កីឡា សំដៅ​លើកកម្ពស់​គុណភាព​អប់រំ និង​ប្រសិទ្ធភាព នៃ​ការ​បណ្តុះបណ្តាល​ធនធានមនុស្ស ជាមួយនឹង​សមិទ្ធផល​ជា​ច្រើន​ទៀត​ក្នុង​ការ​អភិវឌ្ឍ​វិស័យ​អប់រំ ក្នុង​ខេត្ត​ឲ្យ​មានការ​រីក​ចម្រើន​គួរ​ជាទី​មោ​ទ​នៈ ។

លោក​ភិ​បាល​រង​ខេត្ត ក៏​បាន​ផ្តាំផ្ញើ​ទៅ​ដល់​ប្អូន​ៗ​សិស្សានុសិស្ស​ទាំងអស់​ត្រូវ​ខិត​យកចិត្តទុកដាក់​ក្នុង​ការ​សិក្សា​រៀនសូត្រ ជៀស​ឱ្យ​ឆ្ងាយ​ពី​ការ​សេពគប់​មិត្ត​មិនល្អ បញ្ហា​ក្មេង​ទំនើង បញ្ហា​គ្រឿងញៀន​ជាដើម ត្រូវធ្វើ​ជា​កូន​ល្អ សិស្ស​ល្អ មិត្ត​ល្អ​សម្រាប់​សង្គម​ជាតិ ។
ជា​ចុងបញ្ចប់​នៃ​ពិធី​នេះ​ដែរ លោក​អភិបាលរង​ខេត្ត​ បាន​នាំ​មក​នូវ​ថវិកា​របស់​លោក ប៉េង ពោធិ៍​សា អភិបាលខេត្ត​ចំនួន ​២,០០០,០០០​រៀល ឧ​ត្ថ​ម្ភ​ដល់​ប្អូនស្រី រស់ ដា ផង​ដែរ ៕

អត្ថបទសរសេរ ដោយ

កែសម្រួលដោយ